قرات مره نص يقول ان الانسان ما يدخل الاكتئاب بشكل واضح .. ممكن يكون هاوي تصوير ويوقف فجاه او يحب يطلع وينعزل او مثلا يحب يمارس الرياضه ويوقف معنى الكلام انه يتخلى عن الممارسات المفضله في يومه وكان هذا اصدق نص قراته من فتره ….
المهم كيف طريق الرجعه لهذي الاشياء المحببه؟!
كل ما ابي اربط بيتنا بذكريات احبها يطري ببالي
بخور لبان ذكر والراديو على صوت القارئ عبد الباسط وريحه خبز امي تملا البيت وجزء من شباك الصاله مفتوح والشمس متوهجه بقلب الصاله
عسى كل بيت ما يغيب عنه التفاصيل الحنونه.
«الإنسان المخذول ينتقم من فضائله»
هذا أنا بكل مره يصير موقف قوي بيني وبين هذاك الشخص ، عطول أبدا أسوي أشياء سيئه بحق نفسي وليس تفاخرًا بل كل الضعف والسوء مني على نفسي.
متى يا قبلة الدنيا عرفتي الذل والحقران؟!
تهاوى عرش كسرى وانتهت سطوة بني عثمان
وانتي مثل خشم طويق في عزمك وميقافك
أنا والله مدري وش تبي يا الثاير الزعلان
تظن بلادنا ترجيك؟! أو ان شيوخنا تخافك؟!
تبي سلمان؟! ناظر في السماء كانك تبي سلمان
تخِيْب ايديك ما طلته ولا طالوه أسلافك🇸🇦❤️