R a Y

• غالي الأثمان

[R a Y @1urero]

و اجعل لي بعد موتي أهلاً وأصحاباً وأحبةً
لا يهـجرون وصلي بالدعـاء يا الله

[R a Y @1urero]

ريـّح ملايكتك
والله لا قبلك ولا بعدك / ولا عندي اغلى من غلاك ولا غـلا

[R a Y @1urero]

هوايّ العذب أنا مالي وطن غير العيون السود
خذيني في كنفها لين رمشك يبسط ظلاله

على كثر الوجيه اللي تبين وتختفي وتعود
أنا ما شفت مثلك يا غزالٍ شايفٍ حاله

تميل الريشه إللي فوق راسك مع هبوب النود
ليا جيتي ما بين الناس مغرورة ومختاله

[R a Y @1urero]

ميلاد عمري بس ذكرى وتاريخ
و ميلاد قلبي يـوم و الله عرفتك

❤️

[R a Y @1urero]

لا يا بعد كلّ القرايب والأحباب
ضاع العدل في النّاس لو تظلميني

في غيبتك كلّ الملا عندي أغراب
لا أحدٍ أبي قربه ولا أحدٍ يبيني

خافي على قلب يحبك إلى ذاب
ولا تقطعي حبل الرِّجا في يديني

[R a Y @1urero]

لا تجرحيني جرحك العام ما طاب
داوي بحنانك ما مضى واجرحيني

ياللي حنانك نظرةٍ بين الأهداب
ردِّي علي بعض العزا ناظريني

لولاك مازار القمر ليل الأحباب
ولا لوحت شمس المحبّه جبيني

ولولاك ما يلفى على الدّار غيّاب
ولا تبكي اللي مفارق الدّار عيني

[R a Y @1urero]

لا أشرقت شـمـس الربوع
زانت فيه الطبوع

[R a Y @1urero]

«تصبح الدنيا وأهلها على شمس الصباح
وأنت شوفك صبح ثاني وشمسٍ ثانية»

[R a Y @1urero]

ما توسلت السعاده من أحد
ولا لأحد منّه على بسمة شفاي

إن تعبت السبت ، بطيب الأحد
وإن بكيت اليوم ؟ يوم السعد جاي

ماكرهت إنسان لو جار وجحد
هقوتي ما تبعد أكثر من غطاي

ولا رجيت إلا رضا الفرد الأحد
في رضاه إليا رضى عني رضاي

[R a Y @1urero]

خضار العروق اللي تحت جلدك الشفاف
" عناقيد ربلٍ ماسفى فوقها السافي "

[R a Y @1urero]

عسى عمري فدا ضحكة عيونك لو نويت أجفاك
وعساني لو جرحتك ينفري ضلعي من كسوره

حبيبي ما معي إلا خفوقٍ ما يبي فرقاك
وقصيدة تفضح أشياءٍ عن عيون الناس مستوره

وأنا وش خانت أيامي حبيبي من قبل لـ ألقاك
عمر ضايع لياليّه على أيامه على شهوره

[R a Y @1urero]

حبيبي كيف أسولف وأتباهى بك وكيف أبداك
وكيف أشعل دجى ليلك أغاني وأرسم الصورة

وليل الشوق لا جابك على بالي بدون إدراك
أنا كيف أحتضن صبحك قبل لا تغني طيوره

تفاصيلك سنا وجهك حبيبي ضحكة محياك
تفج ليلٍ معيشني تحت ظلمه ودیجوره

[R a Y @1urero]

وتخاف إني تناسيتك ؟ أنا وشلون بس أنساك
وقلبي لا لمح عينك يشبّ صدري من شعوره

وقلبي يا حبيبي كيف يقوى يحتمل فرقاك
وهو لو ما تهب هبوب وصلك ماتت زهوره

وعزاك إني حبيبٍ قد طوى وجه الليال وجاك
وعدّك ضحكته فرحه وكل ناسه وجمهوره

[R a Y @1urero]

من بعد حبّك ماعاد أحس بالناس
ولاعاد أبي بالدنيا شخصٍ سواك

مشغلٍ فكري لو حولي ألفين جلّاس
ولا أدري وش يقولون همّي طرياك

ليا قالو بس أسمك فزّ قلبي وأحتاس
كن مقصدهم يشوفون بعيوني غلاك

أشوف طيفك يمرّ وأجي بلا أحساس
كني سقيم من مبطي ومابي غير دواك

[R a Y @1urero]

وأنا ماني غشيمٍ فالـتعامل و أعرف الغاوين
أجامـل و أتشيّم و الخطأ ما هو بـ يخفاني

[R a Y @1urero]

ارتاح من صوبي وقل ما تخفّيه
عمر الغلا ماهوب عمر افتراضي

قلبي لغيرك شيء ماهوب فـ ايديه
وأبعد عليه من السماء للأراضي

أبطى وهو قبلك يخمّه ويخطيه
وأقنعته إن ما كل لاعب رياضي

الناس من بعدك هلا وأنت لبّيه
الحاضر أنت وماضي الناس ماضي

[R a Y @1urero]

طراة الرفيق اللي لا سولفت معه أرتحت
تسولف معه / / كنّك تسولف على نفسك

[R a Y @1urero]

شمسك تشّع
وشمس غيرك تولي

صـباح الخيـر

[R a Y @1urero]

معاك الليالي أفراح
ودروبي وساع
والحب ثوبٍ لبسته زهى بي
شلون بجزع معك وأضيق وأرتاع؟
وأنت العوض عن كل خوفٍ عثى بي