نواف

محتوى بلا هدف .

[نواف @1x7_3]

قريت حكمه امس تقول "كثرة حضورك تقلل من قيمتك"
لذلك ماداومت اليوم ..

[نواف @1x7_3]

لا تلوم اللي عليك يزود حرصه
معركة وصلك ليا قام ، يحسمها

لا تقول اصبر علي ونشوف فرصه
انت فرصه بس ، وشلون اغتنمها ؟

[نواف @1x7_3]

ماعليك من الزمان اللي ظروفه صلفه
وصلك أنت يعدّل الأيام .. ويميّلها

السنين اللي معك عن مامضت مختلفه
والحياة أحلى من اللي كنت متخيّلها ..

[نواف @1x7_3]

وصوف خلي كلها تقعد الراس
دايم وتوصيفه على الزين يرمز

مضيق خصره لو يشوفونه الناس
سوّا مشاكل مثل مضيق هرمز :)

[نواف @1x7_3]

يامرحبا ياعام " سته وعشرين "
دام الجروح ان جيت بتصير ماضي

كنت اجهل شلون أتغاضى وهالحين
صرت اعرف .. وشلون فن التغاضي

وان راح عامٍ فيه محنا براضين
يالله ب عامٍ منه الكل راضي

[نواف @1x7_3]

توصى على روحك من البرد والنسناس
ترا طيحتك .. يمرض بها واحدٍ غيرك

تسيّد عليهم فـ العذوبه و بالاحساس
ولا تعتذر لي فإنشغالك .. وتقصيرك

تغانم سلامي وأخذني عن عيون الناس
انا عاذرك "من غير ما اسمع معاذيرك

[نواف @1x7_3]

الغلا مايعترف فالعالم الكذابه
يعترف فـ اللي شعوره فل مصداقيه

ودي أصـوّر جـمـال الطلّـه الجـذابه
وانتي أجمل من جمال الصوره الشعريه

[نواف @1x7_3]

يا تراحيب الحيا يا صوتك المتغيّر
كم مرّه قد نصحتك من قبل هالمرّه
ٰ
في الليال البارده لا تلبسين قصيّر
وانتي أفتن قدّ وأفتن وجه وأفتن حُرّه

[نواف @1x7_3]

الله رحيمٍ كريم يجازي الطاعة
بأضعاف الأضعاف من خيرات مجتمعه

شوف سورة الكهف ما تاخذ ربع ساعة
تمحي ذنوبك من الجمعة إلى الجمعة

[نواف @1x7_3]

لازم اغيب لين ادري وش اللي حصلّي
في حياتي ، واعرف زيادتي و إنتقاصي

بين وقتا غريب وبين حظا مولّي
شابت الروح قدام اللحى والنواصي

مثل ماجيت كلي ، ودي اروح كلّي
يمكن ألقى مع الروحه رجاي وخلاصي

راحتي فـ الصلاة و رغبتي فـ التخلّي
متعبتني الذنوب وموجعتني المعاصي

[نواف @1x7_3]

مصير الايّام ترضي قلبي و روحي
لو ماتعدّيت جرح البعد بالساهل

مافيه داعي ندور حلّ لـ جروحي
انتي كذبتي و انا صدّقت ، و استاهل !

[نواف @1x7_3]

اليوم تحديداً حسّيت بـ رفاهية الانسان اللي ينام بدري ويصحى بدري .. صباح الخير ☀️

[نواف @1x7_3]

تعرف مَحلك مثل ما اعرف محلِي
ان كانها في وصل والا قطاعه

مَعادنيي المهتم و المزعج اللي
يشتاق لك اربع و عشرين ساعه

[نواف @1x7_3]

الخاطر اللي يلحقه في تالي الأيام جور
يحتاج له عزله عن العالم وصبرٍ يسعفه

[نواف @1x7_3]

تحرآك المشاعر و أنت في وجهي متى ما جيت
ما تسمع من عتابي .. غير كلمة مالها داعي
_ سعود مبارك

Vs

يا لولا كلمة ماهيب هي اليا بغيت أقصاك
بغيت أعاتبك ليلة وصلت وقلت وشلونك ؟
_ مزيد الوسمي

[نواف @1x7_3]

يا ربّي أجعل في طريقي شمعه
فيها استدلّ مْع الزمان الجارح

يا كبر ظنّي لا ذرفت الدمعه
ما كنّي اللي عن فروضك سارح

اطلبك تيسيرك بيوم الجمعه
و المغفره .. واللي دعيت البارح