أنا بالنسبة لي مع جهاز إداري جديد ماعندي مشكلة يستمر إنزاغي لو فرض شروطه باختيار مراكز اللاعبين
ظهير يمين محور جناحين ومهاجم هذي أساسيات
اما استمراره ورضاه بأي شي يجيه ويتكيف لا ، فريق يحتاج تجديد ، غرفة ملابس كارثية نفسيًا خارج الملعب ماتفكر بشي أبد ، مجرد دوام ومباراة
وبس
أنا عندي شي بخصوص إنزاغي ، مدرب نجح في إيطاليا وعلى مستوى الأبطال وصل نهائيين ، وكان مدرب ممتاز وقبل يجي الهلال نشوفه Top3 بالراحة .
جاء لفريق مباشرة عنده مونديال ومافي وقت وبعده على طول دوري ، معسكر فترة قصيرة لبيئة جديدة وفريق جديد متهالك ومندمر نفسيًا بعد موسم سلبي
إنزاغي معنا في ثلاث مراحل
١- المونديال وكانت رائعة يدعمها رغبة الاجانب بالذات يخلون العالم تشوفهم.
٢- من بداية الدوري ليناير فريق طبيعي بمدرب جديد بداية متعثرة ثم تناسق وفريق يقدم كورة جيدة ويتصدر بفارق وبالاسيوية بدون خسارة وتدوير لاعبين .
٣- جدًا سيئة ولو انطرد بعد السد عادي
لغة الارقام دائما هي الحَكم:
للوصـول لنـادي #الـهـــلال:
الثاني يـبـي له ٣٢ لقب
الثالث يـبـي له ٣٧ لقب
الـرابــع يـبـي له ٤٢ لقب
الخامس يـبـي له ٤٣ لقب
نراكم بالموسم القادم بإذن الله،
وكـل هـلال وانتم بـعـز وفـخـر.
بالنسبة لي
سافيتش ثيو ( المواليد غير )
شكوك كبيرة بالاجانب عندنا ، نيفيز جدد وضاع -مالها دخل المركز بشكل واضح-
نحتاج حارس وظهير يمين وقلب دفاع ومحور صاحي وجناحين ومهاجم
فريقك تبنيه كذا ولو استمر انزاغي هي نفس الطلبات وواضحة
بنزيما اصعب شي تصريفه ، الباقين سهل
افضل لقطة كانت بالثمانين تقريباً ، ناصر يضغط ويكتم كرستيانو وياخذ الكورة منه بدون فاول ، بوقت كنو يشوف الساعة ويبي الوقت ينتهي .
والله الشخصية هي اللي خلتنا نطارد الدوري بالشكل ذا ، من +٧ وبهدوء ، قرر المجهولين بالنادي ان الفريق ينزف ومحد يتحرك . ومن اول جولة باسيا اوت وساكتين
اقسم بالله عناصر مافيهم الا سافيتش ولاجامي وناصر ومالكوم ، فريق بدون شخصية ، فريق مهزوز .
وش المشكلة خصمك بيحسم الدوري قدامك ، ليه خايف ؟؟
والله كنو هذا اخس من سالم وبنريما ، لعب كل البطولات وكل الظروف ويجي ضد النصر وركبه اسمع صوتها وانا بالبيت !!!!!
النصر جايك بدفاع مصاب ومحاور بركبة وحدة ولاقدرت تضغط عليه وتستغل كل الظروف ذي ، احتجت دعوة صادقة عشان تأجل كل ذا وتلعب الدوري بنقطة نقطة لين ينتهي .
إدارة ماتقدر على ليوناردو كيف بتقولها بنزيما وسالم لايلعبون اساسيين ع الاقل . والله الموسم اللي راح كان شلل بتاريخ الهلال كامل
صافرات الاستهجان تلقائية ، ومن يقوم بها هم هلاليون أصيلون وليسوا دخلاء ..
هذه الثقافة مارسها المدرج الهلالي حتى مع سامي .. فكيف بالبليهي ؟!
لا تزايدوا على أي تصرف تلقائي من المدرج الأزرق .. لأنه المدرج الذي صنع ثقافة أوصلت الهلال لما هو عليه الآن .. جمهور الهلال أبخص !
موضوع بسيط وصفرنا العام الماضي وسكتونا ولقموا كلهم من الرئيس للمدرب للمدافع . الجمهور هو الصح ويحكم عليك باللي تسويه بالملعب مهما كان تاريخك ، مندش صفق له ٥٠ ألف وتركوا النجوم والسوبر ستار ، لأنه يقدم ويحترق بالملعب وعذروه على هدف محقق . موضوع بسيط وبإذن الله ماتكون آخر فرحة
التصفير ماكان جميل ، لكن مستحق وهذا اللي مفترض يصير .
سالم سيء جدًا لكن ماكان يتخاذل ، هذا عمره وهذا وضعه ومع ذلك الجمهور صفق له وفرح معه بالكأس .
جمهور الهلال هو الصح دائمًا ، والرئيس سكر الموضوع نهائيًا وقال جمهور الهلال هو الصح.انزاغي الف فكرة يمديه يسويها ومع ذلك جماد يستاهل
بنزيما ولا كأن المباراة نهائي وكل مباراة تخسرها تطلع من المنافسة ، ومع ذلك لاشي . يستاهلون اللي جاهم وقدامنا نهائي والجمهور اللي بيحضر ضد النصر بيسوي اللي عليه ويعرفون أن جمهور الاواي هو العاشق اللي يدفع عشان يشوف فريقه ويفرح ،أي مباراة خارج الارينا هي مقياس لعملك بالفريق وتلقاها
تلعب الخليج بعدها النهائي بعدها النصر بعشر أيام
لازم معسكر داخلي وفل تركيز .
مستحيل بهالشخصية المهزوزة اللي شفناها تقدر تسوي شي ، حتى بالنهائي مافيه ادفانتج لك غير الحضور الجماهيري ، ٥٠٪٥٠ نسبة فوزك على الخلود ، وهذا شي كارثي وأنت تجي تتمرن كل يوم وتلعب المباريات وماعندك أفضلية
أنا من رأيي فريقنا يحتاج ينضغط بالإعلام وتتسرب أخبار داخل النادي وتصير رأي عام وكلام هنا وكلام هناك ،اربع مباريات نسبة أنك تفوز بالثلاث غير النصر عالية ، مباراة النصر لاتلعبها ثلاث نقاط .
هي نهائي
الضغط على النصر أكثر منك ، وعشان كذا شادين وكل فرصة يستغلونها .
نحتاج يدخلون بالضغط