୨୧⋆

بين فتورٍ و استقامة

[୨୧⋆ @21iie1]

'
أنا أقرب ما أقوله عن نفسي :
"قلبي شغوف وخاطري سمّح ورأسي طيب
وطبعي عنيّد ، أحب القصيّد اللي يفتح
مواجعٍ قديمة ، واحب الشعر اللي يواسي
الروح الحزينة".

[୨୧⋆ @21iie1]

لو الزمن في شوفته يصبح كريم
ساعه على شحّ السنين مسامحه

[୨୧⋆ @21iie1]

عامين مضت على رحيلك وفرقاك
جسمي مع العالم وقلبي معك ميت

اشد من فرقاك تقليب ذكراك
مر وندم حسرة ذهول وتشتيت

وللحين واقف بي الزمان ماتعداك
للحين اتخيل نظرتك يوم قفيت

وزولك وصوتك وابتسامة محياك
وطهر الحياد اللي بوجهك ليا جيت

[୨୧⋆ @21iie1]

بيني وبين انفجار الصبر حذفة حصاه
ياليت لو بيننا .. كلمة قريّب بدو

احساسي براحة العزله عطاني قفاه
الراحه الماضيه .غدو بها اللي غدو

العام .. اشوف العلاقات الكثيره غناه
واليوم سلّم علاقاتي هو اكبر عدو

من كثر الاحلام ومجاهد ضغوط الحياه
فاقد شعور السلام الداخلي والهدو

[୨୧⋆ @21iie1]

وأخاف الليالي ماتجيب الفرح قدام
وأشوف الفرح باللي تعديته خلافي

لو يطمّن احساسي شعور الهدوء التام
صدى الذكريات المزعج يقول خافي

[୨୧⋆ @21iie1]

من يجبّر كسر قلبي ويكسب بي جميل
ماعلي عوز .. ولا ابغي شداده وجمله

فاقد لي حاجة ٍ .. مايعوضها بديل
وماتجي من واجد المال والجاه وهله

اتعزوى دون قدري ووجهي والدخيل
ولاجل حق التاليه ما تركت .. الاوله

الرجاء بالواحد الفرد ذو العرش الجليل
عالم باللي نخفّيه واللي .. نجهلة

[୨୧⋆ @21iie1]

ياربِّ وأنا اللي كل ما تمضي الأيام
أنا الضعيف اللي رجاه سترك الضافي

ما تغريني دروب الملذات ولا الأحلام
ما دام إني بترك هالزمن كله إخلافي

رجعت لك تايب قبل لا ترفع الأقلام
من ذنوبي اللي ثقلها يتعب أكتافي

تقبَّلني بـ عفوك عليَّ و رضاك التام
رضاك أنت غاية قلبي الطيِّب الصافي

[୨୧⋆ @21iie1]

دارت بي الافلاك لين ابعدتني
عن صاحبٍ والله ما اقبل بديله

[୨୧⋆ @21iie1]

قسوة وعي ما ريّحت فكر النزيه
حطّت على باب الشعور ومقصدي

خلّتني أضحك شي كنت أبكي عليه
وأصمت لو أن الجرح فتّاك ونِدِي

آسامح المخطي ، و أطوِّف للسفيه
أكرم شعوري عنه وأصون اجْهدي

من كثر ما شفت بحياتي من وجيه
صرت أعرف الوجه الأصيل من الردي

[୨୧⋆ @21iie1]

الأيام ظلمة والليالي عديمة راي
مشاويرها حرمان ودروبها حرّه

خذت مني أغلى ماتمنيت في دنياي
وخلت لي اللي ما تعوذّت من شرّه

أنا بخير والله لو معي ذاكرة نساي
ماهي بـ الحنين ولوعة الوجد مضطرّه

لو الموت مرّه ما تعنّت في دنياي
أنا أشوف لي حييّن ما توا مية مرّه
ِ

[୨୧⋆ @21iie1]

أحيان ما ودّك توايق على المستور
من خوف لا تفقد الي ماتبي تفقده

[୨୧⋆ @21iie1]

#يوم_التروية
اللهم اروي قبر أبي من نهر الكوثر وطيب ثراه بماء الجنة اللهم ارحمه برحمتك التي وسعت كِل شي وأكرم نزله وطيب مرقده وابعثه طيباً مستبشراً اللهم عافه واعفُ عنه واجمعنا به في جنتك يا أرحم الراحمين.

[୨୧⋆ @21iie1]

كبار الذنوب تشيلها ذمة المغتاب
مثل ما تشيل علومه العز من صيته

لاجات السوالف من منافق ومن كذاب
اخذت الحياد وساقط الهرج خليته

اجنب عن الزلات لو مالها مجناب
وطريق يودي للمناقيد ماجيته

على كثر ماني باتخطرا خطأ الاصحاب
لو طويق واقف في طريقي تخطريته

[୨୧⋆ @21iie1]

البارحه احارب نعاسي عشان اسهر
و اليوم أدور على الغفوه و لا ألقاها

من سرع الايام كن الناس ما تكبر
يا كثر ما مرها الوقت و تعداها

أعمارنا تنسرق من غير لا نشعر
كم لحظه نعيشها لكن ما عشناها

أشقى القلوب الي ماتحتاج للمجهر
كثر ماتدفع ثمن طيبه نواياها ..

[منيره المطيري @Mutairiwe]

ما حرك الإنسان منزوع الضمير
كل ما بْسطت بيض الليالي ريشها

لو يختلف وجه الشبه بين الكثير
نقطة تلاقي الناس ، لقمة عيشها

نور البصيره في عيون المستنير
تستوجب أسباب السخط تهميشها

الـ ليش؟ ما تختار فـ لسان الصغير
رهينة لسان الطفوله ليشها

تبّت يدين الدرب مقطوع المصير
أشياء واجد ساعد بـ تنبشها

حاشد قليل الصبر زفره للأخير
مثل ما تحشد ذكرياتي جيشها

اذا انتهى الشر وبدا فالكون خير
يطغى على نفوس الأوادم طيشها

عشت الحياه وما هقيت إني بصير
ناسي أنا وشلون كنت أعيشها

[୨୧⋆ @21iie1]

جرّ الجسد قلبٍ تفجّر حنينه
بين الصبر والشوق شعره وينهار

كنه يقول: أغلى المخاليق وينه
محتاج له تكفين ياكف الأقدار

ردي على الموجوع ما تسمعينه؟
يرجي له الجنه وفي جوفه النار

معقول صار الحين بيني وبينه
حصى وتراب وقبور وأسوار

[୨୧⋆ @21iie1]

أنت ربحي فالحياة وطيب فالي و انتصاري
🩶

[୨୧⋆ @21iie1]

اخترتك من الناس للقلب خلَّه
🩶