المصمم بدر العتيبي

اجدد الشيلات الحصريه تجدونها في حسابي الرسمي وضع حسابي بالمفضله ليصلك كل ماهوا حصري حصريات اول بأول في قتاتي حياكم الله جميع 🌹 snap ::: D5-1D

[المصمم بدر العتيبي @2200aaaaaa]

حصريا وجديد

شيلة

2026

ياركن روق🔥

مهداة لي رجل الاعمال
ماجد بن عواض الدلبحي

كلمات
محمد بن غازي التوم
@mo7md_2m

أداء العذب
خالد المري
@khalidal3thb

رابط الشيلة في قناتي مرحبابكم

https://t.co/S986tvFaCf

[المصمم بدر العتيبي @2200aaaaaa]

@AL___9999 صح لسانك يا شاعرنا

[جرّاح العتيبي @AL___9999]

الطيبه الزايده تفتح على الشخص باب
ما ينكب الشخص غير الطيبه الزايده

سوّ الجمايل مع اللي كل ماطبت طاب
وأبعد عن اللي مزاجه لازم تصايده

و اتعب ورى المرجله والصبر خله زهاب
لا تصدق اللي يقول المرجله كايده

وان شفت مالك حضور اختار درب الغياب
أطيب لك من الحضور اللي بلا الفايده :)

[المصمم بدر العتيبي @2200aaaaaa]

@AL___9999 صح لسانك يا شاعرنا

[جرّاح العتيبي @AL___9999]

أنا ادري ان الشوق طاغي وجبار
والعاشق يشوف الثواني دقايق

لكن من بعض المقاطع و الأفكار
تشابه اللائـق مـع الغير لايـق

وحنا لنا دين و تقاليد و نـغـار
وفي سلمنا من باق فالجار بايق

الجار ما يحرص على غرّة الجار
ياللي على غرّات جااارك توايق :)

[المصمم بدر العتيبي @2200aaaaaa]

@AL___9999 صح لسانك يا شاعرنا و مبروك عليك الشهر الفضيل

[جرّاح العتيبي @AL___9999]

المشالح و المظاهر مااا تودي ديره
والرجل يعرف من فعوله ماهو من شكله

حسب ما نسمع و شفنا شيخ ولا غيره
اغلب اصحاب المشالح ماعليهم تكله

الردي لا كـفّ شرّه كثر الله خيره
لاكفانا شره ابرك للعرب وابرك له

دايم ضعيف الروابع يكشفه تفكيره
ما يفكّر غير في نومه و شربه و أكله :)

[بوح غفراني @bo77_1]

جـادلٍ ربي عطاها الـزيـن كلّه
الجمال اللي عليها ما حصرها

كبر عين وحلو ثغر وزين طلّه
وكنّ نور البرق في لبّة نحرها

والشعر قصّه لحاله دون زلّـه
والله إنّ الليل كنّه من شعرها

[المصمم بدر العتيبي @2200aaaaaa]

@AL___9999 صح لسانك يا شاعرنا

[جرّاح العتيبي @AL___9999]

الا واهني اللي ما سامر نجوم الليل
ومن الضيق و التفكير ماثار قيلونه

ما مرّه مع الايام ضيقه وهمّ وميل
وترقد عيونه حين يقفل تليفونه

وأنا كل ليل احط في خاطري واشيل
يـ لين الفجر يقشع ظلام السماء لونه

اجاهد نصيب ٍ يوم يضبط ويوم يميل
و حلم ٍ مقادير الزمن و قّفت دونه :)

[جمال بندر @JamalBander]

( بندر بن سرور )
.
.
حتى لو ان الزيت محتاج تبديل
ماهو على تبديلة الزيت ناوي ✌🏻
.
.
#جمال_بندر

[المصمم بدر العتيبي @2200aaaaaa]

@JamalBander صح لسانك يا شاعرنا

[المصمم بدر العتيبي @2200aaaaaa]

@aprvip الله عليك

[محسن بن مترك @aprvip]

ياعشيري ، برودك ، باري ٍ حالي
مثل مبريك اللي قاسم طولك

في حراوي وصالك تزهر امالي
ورابط فرحتي في لحظة وصولك

كل ما دق قلبي شفت جوالي
ولا اتصل رقمك ولا وصل مرسولك

تارك اللي على بالي على بالي
لين عيني تبدل طيفك بـ زولك

يكفي ان ليلي اللي همته لحالي
فيه من عينك الخرسا ومجدولك )؛

[المصمم بدر العتيبي @2200aaaaaa]

@AL___9999 صح لسانك يا شاعرنا العزيز ♥️🫶

[جرّاح العتيبي @AL___9999]

اشهد ان الصدر فلل من الضيقه وفاض
ومشتحن والبال مشغول وإحساسي غريب

و القدر مكتوب ولا عليه ايّ اعتراض
يالله بـ صبر ٍ يجمل و حظ ٍ ما يخيب

لي شهر وشوي وانا ماغادرت الرياض
بين مستشفى اليمامه ومستشفى الحبيب

حالتي حالة ضماياً ترد عْـن الحياض
يوم امر الاستشاري و أعوّد لـ الطبيب

كن في صدري سناء نار و حروب ٍ تخاض
بين جساس ابن مرّه وابن عمه كليب :)

[المصمم بدر العتيبي @2200aaaaaa]

على الطريق المظلم الرايح الجاي
طالت مشاويري و ضاعت سنيني

واليا فهقت النقطه و زان مسراي
لقيت طيفك واقف ٍ يحتريـني

واخذت معه ومع هواجيسي ادواي
ورجعت و أنا مـثّـر الشوق فيني

رحتي و قفيتي و الأقفاي الاقفاي
حسبي على اللي حال بينك و بيني

جراح العتيبي
@AL___9999

[المصمم بدر العتيبي @2200aaaaaa]

@bo77_1 الله عليك

[(مسيّب العتيبي) @MUSAIABALOTAIBI]

@saddahalotaibi تقول ياسداح نفسي حالفه:
عن الهدايا دقها مع جلها:

امش بطريقك والهبوب مصالفه:
لاتعترض بين الهنوف وخلها:
✋

[المصمم بدر العتيبي @2200aaaaaa]

@MUSAIABALOTAIBI صح لسانك 😹♥️