العدو بالحيل قرّب واضح تكشير نابه
وبعضنا لازال يسأل ظنّكم أسرج خيولي ؟
بين تفريط وتطرّف تاه جيلي في خِطابه
خير أموري هو وسطهَا طال عن هذا غفولي
احترس يا ذيب واحذر من زمن زادَت كلابه
الوفا بَه صار عِجْبه والغدر فعل بطولي
ياليتها تستحق العذر واعذرها
وياليتها الغلطه الاولى و اعديها
و ياليتها تنّسي عشان ماذكرها
وياليتها رسمه بمرسام و امحيها
وياليتها حلم واصحى ثم اعبّرها
وان طول الحلم معها عاد وش فيها
وياليتها تعترف بالحق واشكرها
او ليتها شربتني الموت بايديها.
ما تسوّلت السعادة من أحد
ولا لأحد منّة على بسمة شفاي
إن تعبت السبت بطيب الأحد
وإن بكيت اليوم يوم السعد جاي
ولاكرهت إنسان لو جار وجحد
هقوتي ما تبعد اكثر من غطاي
ما علمك صمتي وش كثر فيني كلام
ولا أنا بس اللي أحسك وأسمعك
ما ذكرك مُر الجفى بحلو الغرام
ولا أنت بالثنتين ما تفرق معك؟
لا يخدعك هالبعد لو مر بسلام
ترى اول ايامه يا حبيبي تخدعك
بكره بتجيك ايام ما تقدر تنام
بتوله لذكراي والذكرى بتوجعك
اليا كسرت الغصن لا عاد تسقيه
ما عاد ينبت لو ترده محله
ما يامن قلب خابت هقاويه
لو تسقيه كل السعادة بعد المذله
ما يصلح كسر القلب ثم ترجع تداويه.
رح بأمان اللّه وقلبي خله محله
سمعت لي كلمة مدري وش أقصاها
حزة بصدري وأنا مانيب هارجها
لو كل كلمة اليا جتنا طردناها
بعنا الثمينه بسعر ما يخارجها
لو مرت السمع ما كنا سمعناها
ونقفل الراس عنها لا يبرمجها
ومن يم هذا لهذا ما نقلناها
والناس واجد وتلقى من يروجها