عبدالله نخيلان

خارج حدود الكلافه

[عبدالله نخيلان @232W]

من شافني في عيون الشك والريبه
ماقلت له فالعيون الطيبه شفني

[تركي بن حصين @TR_HSH]

( يا من شرى له علةٍ من حلاله )
يا ضيعة الهقوه ويا ضيعة الكد

الظن بك مثل الخطا فالحواله
كم سبب الحسرة و كم بيّح السد

حنا نحسبك فالمحيط ومجاله
واثرك من اهل الصيد فالجزر والمد

لا تحسب انك صرت صاحب جلاله
تراك حبلٍ بار في حزة الشد ..

ارسلت لك من طيب ولا جهاله
وتبي تهمشني وانا اقول لك : هد

اكيد ماهو جاي " رد الرسالة "
الارض من صب المطر مالها رد

لو تلزم من المال .. مالله قاله
اهم شي انك معي " تلزم الحد "

لو تقدر تدخل " جبل " في بياله
ما تقدر تقلل من " معرب الجد "

#تركي_بن_حصين

[تركي بن حصين @TR_HSH]

مافيه من بعض المواقف مجانيب
ان ماقدرت تحدها ، لا تحدّا

خسايرك دون المعزّة مكاسيب
العز في كل المواقف يبدّا

روس الرجال اللي ينومسهم الطيب
تتعب على كسب النواميس جدّا

و تعيش ما ترضى حياة المناديب
لا جاب مندوب الاسامي و ودّا

- سعد السبوق

[عبدالله نخيلان @232W]

@TR_HSH الله عليك يابو حصين ولا فض فوك 🤙🏻🤙🏻🤙🏻

[تركي بن حصين @TR_HSH]

اخواني الشعراء ( نحن رجال نرفع من قدر الشعر ولا ننتظر من الشعر ان يرفع منا ) لذالك منقوصين الثقة او المرجلة اذا رزقهم الله بالشعر استكبرو حتى على زملائهم الشعراء ..
ارفض اسلوب الاستذة
ارفض اسلوب التعالي
ارفض اسلوب تمثيل الكرزما
اي شاعر ماعنده من المرجلة غير سرد الكلام
ماله عندي مجال فالخاص والعام ..
واكرر

( نحن رجال نرفع من قدر الشعر ولا ننتظر من الشعر ان يرفع منا )

[سُداف @jjjlllbp]

عمرك سمعت بالقصيدة اللي تروي ؟ هذي هي

[عبدالله نخيلان @232W]

ماعاد نخلق للمقفي معاذير
ومن غاب قلنا رافقتك السلامه

[عبدالعزيز الغدير @Abdazizghadeer]

استضاف برنامج صانع السعادة بائعة بطاطا مصرية خرجت للعمل بعد وفاة ابنها الذي كان يعيل الأسرة.
فسدّد ديونها كاملة، لينقلها من ثقل الدين إلى سكينة ��هدأ في مواجهة الفقر.

[جرّاح العتيبي @AL___9999]

ما لـ الوفاء خطه و ميدان تدريب
يبين في صعب الأمور و سهلها

والآدمي مخلوق ما يعلم الغيب
خل الأمور تسير على مهلها

لا تتعب تدوّر على أهل المواجيب
اللي يبي روس العرب ما جهلها

المرجله و الدين و مزارق الطيب
تلقى مواريها على وجيه أهلها :)

[عبدالله نخيلان @232W]

@TR_HSH @habib6151 الله يصح لسانك ياتركي ولاهو غريب ابداعك

[تركي بن حصين @TR_HSH]

ما هقيت الطيب يمكن يضعف الشخصيه
لين شفت اهل اللكاعه تستغل ( الطيّب )

[عبدالله نخيلان @232W]

خل��ني لا تصحي كل ذكرى قديمه
راحت ومابقى الا طيفها في خيالي

للقضيه شهود وفيه مسرح جريمه
والمحامي تعذر قال مالي مجالي

[عبدالله نخيلان @232W]

يانقي السراير .. طيعني لا تشرّه
يوم ليل الشتاء ذعذع ونسنس براده

زر صدرك عن المشروه لاهنت زرّه
والله انك ماتلقى لا شرهة السعاده

[سعود @sud1iii]

عسى اللّٰه يعوض بالاجر فايض الاحساس
من يعيش زهرة عمره و لكن مشيّب

صدوف الليالي تمتحن كل طيّب راس
ما حس بمعاناة الكفو واحد خيّب

وانا فوق ماني ��نحرم لذة الاوناس
لو اقرا خبر عن شخص عديته قريّب

معي قلب متعبني ويحزن لحزن الناس
ولا يذبح الطيب سوا قلبه الطيّب

[عبدالله نخيلان @232W]

@iissub رهين الظنون وحيرة الشك والتخمين
تمر السنين وخطوته مافهقت ظله

ياسلام يامحمد ابداع

[محمد بن عديس @iissub]

تمادى الشعور اللي لو يشاف شوف العين
قدرت اّصله واستنتج الوضع واحله

اّلقي حياتي كل ابوها جناب اللين
لو الظبي قّدمي مستوي قلت لك خله

دموع السحابه تّبكي عيوني الثنتين
لاهلت سحابه .. دمعها لازم تهله

" لْكن الزمان يدور اللي جنابه زين "
يحد المصقل ! قدم عيناه ويسله

اشوف الغناه يسار وارفضها واروح يمين
على الرغم بـ اني ... عارفً دربها كله

تزين الحياه بنظرة الطامعين ايلين
تشوف القدا ؛ مايفرقونه من الزله

لاحب الزمان اللي حياته على الحبلين
" تحب الرجال اللي وفا ذاته جّبله "

مصير البنادم لو يّعمر مابين وبين
لحود القبر مهما المقادير تمهله

تجاهل زمانك لو مصيره ماتدري وين
لاتحسب حساب لـ دقه ومعضلة جله

رهين الظنون وحيرة الشك والتخمين
تمر السنين وخطوته مافهقت ظله

[عمر الهيت @3alheet]

دارت الدنيا .. ولكن ذي ظروفي مثل ماهي
لا الفجر يجلب حصيل ولا المساء يهدي سكينه

انصفيني لوّ مرّه .. وارسمي ضحكة شفاهي
يالليال السود مثلي ما يموت مْن الغبينه

مرّه اصبّ البحر فوق البحر .. وانا متراهي
ومرّه اتعب من نسيم الليل لا اغوى ساهرينه

كل ما شفت الرموش السود والنجل السواهي
يرتخي صوت العتاب العذب لا ارخى رمش عينه

ماعلى قدّه كلام .. وما على حسنه مضاهي
شامتينه كلّ مرّه .. تلجم ألسُن شامتينه

قد سمحت من القصيد .. وماله بصدري مشاهي
يوم شعري صافح الجمهور ، ما صافح يمينه !

الحزن خيّم على صدري بَعد ما كنت لاهي
وانكشف ستر الغياب بـ وجه الاعذار السمينه

في غيابه كان عذره مثل حبّه .. عذر واهي
وكان عذري مثل قلبي .. في قساه وفي حنينه

في بحر حزني غرقت .. ورغبتي عكس اتجاهي
ما معي مجداف يعبر بي على متن السفينه

يوم احنّه من مشاريهي وتقصيره تجاهي
كلّ ما جيت اتناسى ما قدرت انسى سنينه

اتركيني .. لا جفاك الخوف ، وبطيشك تباهي
واذكريني .. لا سجع قمري على اطل��ل المدينه

[راعي الاوله الهاجري @ra3i_alawlh]

تظل السنه واغلى التواريخ محض ارقام
لكن ما يخلّدها . . . سوى ما جرى فيها !

#عام_جديد_2026

[عبدالله نخيلان @232W]

@Qaf_96 نعرف المرور يخالف اللي يعكس السير
ياليته يخالف من يخون ( العهد ) معنا ..

عبدالله نخيلان

[عبدالله نخيلان @232W]

عطينا من أنفسنا وسقنا الوفاء والخير
وجانا الكلام اللي .. مايطرب مسامعنا

سعينا وحاولنا نحذف الغلط ونسير
وخابت مساعينا .. وضاعت مطامعنا

نعرف المرور يخالف اللي يعكس السير
ياليته يخالف من يخون ( العهد ) معنا