.

[. @26xll_]

يا نديم الليل ما للصّبح صيت
وش جرى في شمس بكره وش جرى

اتحرّى الشمس تشرق ما غفيت
واستكنّ الليل والساري سرى

لا تراخى جفن عيني للمبيت
هاجرت من موقه طيور الكرى

تعتريني لهفة الشوق المميت
في غضون الساعه اثنعش و ورى

[. @26xll_]

ترى بيني وبين اللي مضى بالذاكره ميلاف
وإلين الحين ياخذني شعور من أغانينا

عرفت إن القدر فرصه سعيده والحياه أعراف
لو إن الشوق من كثر البعاد المرّ يصلينا

أنا ما كنت في عمري إلى هالمنتهى شفاف
لقيتك و الزمان حالف يخون أطهر أمانينا

أزورك حلم من خلف الحقيقه والشعور لحاف
ما دام إن الوله واقف على سكة هقاوينا

دروب التيه تاخذنا بعيد ومارضينا نخاف
نقول إن التعب يكفي شقاه.. بكل مافينا

أبيّن ضحكة الدنيا الرحيبه والجروح ضعاف
يمر العمر واحلامي معك نشبك ايادينا

عسى لاغبت عن عينك أوادع والقلوب نظاف
و أبشكر نجمة تسهر وتشوف أجمل ليالينا