'

" الحمدلله ".

[' @27qxp]

أنت ياحلو الملامح .. وياحلو الصفات
جل شان اللي من الزين معطيك رهوه

كل يوم ، تحط دوبك ودوب الذكريات
لين ماياخذ بي الوجد والشوق .. نهوه

يا محاصرني بـ ذكرك من الأربع جهات
ما تركت لـ ساحة البال .. سجه و لهوه

ارتبط وجهك ، مع الورد و الما والنبات
وارتبط طاريك !.. مع كل ، فنجال قهوه

[' @27qxp]

خذتك الظروف ورحت وأدري ماهو برضاك
وأنا رحت أراجع ذكريات أجمل سنيني

ما يدري عن اللي بيننا غير أنا وياك
حفظت بغيابك ماحصل بينك وبيني

لا توجعني بكلمة "فديتك" فداك عداك
ترى فيني من فراقك اللي يكفيني

على كثر ما مرت ليالي على فرقاك
إلى الآن وأنت أغلى المخاليق في عيني

[' @27qxp]

ما طابت خواطرنا لكن للظروف أحكام
وأنا في رجا الله يوم أنا من ضحاياها

لي الحين عن لذة وصالك ثلاث أعوام
وعن الضحكة اللي يوجع الصدر ذكراها

من الحب ما أعاتب طواريك قبل أنام
لها الحق يوم أسهر لها وأتحفاها

ولك في الضلوع اللي تشيلك غلا وهيام
خذاك القدر منها ولا عشت وياها

[' @27qxp]

وانا شلون بنسى يامحمد ملام بخيت
بعد ماهقاااااا فيني وخيبت هقواته ؟؟

[' @27qxp]

لعل الليالي الماضيه ترجع وياليت
يجيني واشوف الشوق واضح بنظراته

عسى الله يرده دعوتي كل ماصليت
شفوقٍ على شوفه وشفقٍ لجياته

إلى الان اجي مدهالنا وانخذل لاجيت
اشوف بتفاصيله بقايا ملفاته

زرعت السكينه والطمانينه وهديت
على قلبي اللي مل من كثر صدماته

[' @27qxp]

أنا المخطي الي مستحيل اعترف لااخطيت
يخاف العلاقه تنتهي باعترافاته

أنا واثق انه يسمع الصوت لأناديت
ومتيقن انه يسمع القلب وآهاته

ويقرا قصايدي كلها بيت يتلا البيت
ومتأكد انه لا قرا بث ضحكاته

على الصدمه أصبحت وعلى الذكريات أمسيت
وجلست ارسم بلوحه حياتي حكاياته

يتبع ..

[' @27qxp]

لي سنين أخيله في عيوني ولا مليت
واشوف اتجاهات الحياه اتجاهاته

أنا لي سنين امر بيته ولا مريت
احس الخفوق بشوفه تزيد نبضاته

اصد وعيوني تلتفت كل ماصديت
من يلوم مهزوم الهوى في تلفاته

إلد النظر صوبه وياليت مالديت
ولا شفت يوم ألد الأنظار دمعاته

يتبع ..

[' @27qxp]

هذاك القديم اللي على شوفته حنيت
هذاك القريب اللي بعيد مسافاته

هذاك النديم اللي مايعطي كثر ماعطيت
هذاك الحبيب اللي تناسيت زلاته

بعد مامنعني عن مداهيله وقفيت
تركني وخلاني اضيع بمتاهاته

معه تشرق الدنيا ويستعجل التوقيت
قبل لايجي للموعد اصغي لخطواته

يتبع ..

[' @27qxp]

يوم انه طلبني ليتني رافض وعييت
ماكان انكسر قلبي وانا اسمع تنهاته

ماعلمته اني بالهوى وش كثر عانيت
تركته يفضفض لي ماثابرت لإسكاته

لكنه ماهل دموع عينه ولا هليت
ماهليت عبراتي ولا هل عبراته

طرا لي هذاك اللي بعد ماطرا سجيت
تذكرت ضحكاته معي وابتساماته

يتبع ..

[' @27qxp]

أنا شلون بنسى يامحمد كلام بخيت
بعد ماوثق فيني وخيبت هقواته

يقول انت ماحبيت قلت اي ماحبيت
وانا بالنهايات وبخيت فبداياته

تركته يسولف لي عن الحزن والتنهيت
وبدا يشفي أسراره ويشرح معاناته

طلب مني القي له قصيده ويوم القيت
سمعت بمعاليقه صدى صوت صرخاته

يتبع ..

[' @27qxp]

جمال الصباح و نفحته داخل الأعماق
أحس الصباح يكون سارق ملامحها

حبيبي عليك من الوله شرهة المشتاق
خذّتك الليالي جعل ربي يسامحها

على عينك النجلا و على نحرك البراق
سلامي سلام اللي ليا سج يلمحها

[' @27qxp]

دورو لي عمر ثاني ـــ هالعمر مأخوذ خيره
بين لوعات الغياب اللي التوى /خيره بشره.

[' @27qxp]

سيّدة قلبي ومنتوبة الساس الرفيع
الأصول اللي عليها الكلام اصولها

يخشع التاريخ في حضنها طفلٍ وديع
من نقـاها ماتدور السوالف حولها

مالقيت أزكى ولا أعذب من أنفاس الربيع
غيـر ريـح العود الأزرق على مجدولها

[' @27qxp]

ليا مرّني طاريه فالمجلس المليان
أخاويه وأترك هيكل الجسم متراكي

[' @27qxp]

عليك السلام الوافر الي بدون قياس 
ياعنقٍ عليه معلق باقي امالي

مع انك بعيد وطرقتك تتعب العساس 
انا اشوف حلي فيك واشوف ترحالي

يطل القمر ولا يغيب القمر لا باس
الاغلى تهون بـ حضرته قيمه الغالي

عن الطله اللي تنتظرها جميع الناس
أنا في انتظار الطله اللي على بالي : )

[' @27qxp]

من بغى ياخذ على راحة أعصابه ضمان
أنصحه .. لا عاد يشفق على مستقبله

الأمل بالناس بيت ٍعموده خيزران
والظروف أقوى من أقوى الرياح المُرسله

دايم الصامل من الله على الدنيا معان
والضعيّف طول عمره ضحية مرحله

[' @27qxp]

تفاهمنا على حسم الأمور وكلّنا راضين
وتوادعنا ما كن قلوبنا خضر و هواوية

ومع هذا عجزت أسج وأنسى وأترك المقفين
أغصب القلب لكن الغلا قدرة إلهية

أعن لكل ما في نجد حتى شارع الستين
وأحن إن ذعذع الغربي على أهل الشرق عصرية

[' @27qxp]

ضاق صدري من غثى الوقت عقب الاتساع
جعل يسقى يوم عندي على الضيقة مدا

الطواري تدمر الحال بعد الانقطاع
اشهد ان ما عاد لي من طواريك مغدا

[' @27qxp]

ان ثقل همه على متنه فـ انا اول من يشيله
وان تمادى بالسهر ليله فـ انا اخر من ينامه

يدري ان الدمعه الي في طرف عيني ثقيله
وادري ان عيونه اللي صدت ابلغ من كلامه

[' @27qxp]

بسم الله عليك ..