لا انشرح ظرفي لمثله سلمت من الحسوف
إن قدر وإن ما قدر ما ينقص من غلاه
إن قـدر يـدرك لزومي . . ملكني بـ معروف
وإن تعذر من لزومي عسى الدنيا فداه
سعد بن جدلان
نسنس الحزن وِإجتاح الضّلوع وبكيت
لو عيون الرجال تعيب عبراتهـا
أدركتني وانا هلّيتها م َ إستحيت
آه يالحظة الفرقا ولـوعاتها
والله إني من الفرقا شبعت ورويت
أعرف دروبها وأبخس متاهاتها
أوجعتني وأنا من جورها ماحكيت
في رجا الوصل والجمعا ولذّاتها
- صالح ال مانعه
لا استوت في عيونك الثنتين قُربي وابتعادي
والظروف أقسى من الماضي على اللي يستعيده
المصافح بالقلوب أصدق من مصافح الأيادي
اسمحي لي كل يوم أصافحك وأنتي بعيدة ..!
- صالح النشيرا
الكرم : من اجمل الصفات وفي ذالك .
قول شعرائنا
باطراف بيته للمواجيب شنكار
معلاق كبشن عند راعيه غالي
بندر بن سرور
املو الوجار وخلو الباب مفتوح
خوف المسير يستحي ما ينادي
محمد بن شلاح
اذا اجتمع في الجيب قيمة ثمن شاه
هزع على سوق النسيم و شراها
عبد الله بن زويبن
لو يستقر الماء على مفصل الكوع
ما يستقر المال في راحتينه
حزمي بن سعد
له مجلسٍ من ثقلت همومه تنصاه
دكو خطاطيره هدب زوليته
عبد الرحمن بن جزاء
من علامات النضج وتقدير الذات أن لا تبتهج بالمديح ولا تحزن من الإساءة.
نايف السراهيد:
لا يرفعني مديح ولا ينزّل من مقامي سبّ
أنا مدرك ولي عقل أستشيره وآخذ بـ رايه
حفرت بذكرياتك بصمةٍ ما جاء لها .. تقليد
مداّها شعرّي الفارق ، و تاريخي ، و عنواني
أنا ماني بـ عابر، في سفر عمرك بـ جرد البيّد
أنا مزنٍ يهلً الغيث له .. لو شحَّت به أزماني
أنا ما أقبل النسيان ! ، لاني — سيد التخليد
و لو تحاول تناساني ؟ ما راح تقدر تناساني
أنا سيّد أفكاري ما أحب أتبع التنوير
قناعاتي اللي داخلي موجز أحزاني
ما أعيش الحياه اللي تجي وفق فكر الغير
شعوري عميق ومنطقي منطق إنساني
ولاني بحاجه حب واهم ولا تقدير
أنا نصفي الأول . . وأنا نصفي الثاني
الشدايد لعبة كبار الأشدّه
والزمن فتاك والغافل يعاني
لو تهادى بين لين وبين شدّه
ما لـ راعي الوجه الابيض •وجه ثاني•
البشر يظهر مداها بعد مده
لا تغرك في الرخا روح التفاني
ماتخفيه الصدور سنين عدّه
تكشفه بعض المواقف •في ثواني•
على الله والانسان يتعافى من الازمات
لو النفس تفنى .. قبل تقضي عوايزها
تعيش الاوادم .. كلها في عنا ، واثبات
وتسعى .. ورى غاياتها لين تنجزها
والاهداف كل اللي بعدها من اللذات
ما يشبه متع لذاتها .. قبل تحرزها
عسى نفسي اللي بين الاحلام والغايات
ما تفقد شعور الكلمة .. اللي تحفّزها