*

حطيت لكل زلاتك أعذار لكن ترديّت .

[* @2_jiik]

يوم شفت ان التشرّه هجمته مرتدّه
صار لي فتره مفعّل خدمة المتغاضي

[* @2_jiik]

لا تاخذ عتابي لك بـ دافع الشين
لولا الغلا بـ الروح ما جاء عتابك

من باب ود ونفس تبغى لك الزين
يزداد معها الضيق ساعة غيابك

إن شفتك مبادر على الوصل للحين
شرعت لك بيبان صدري هلا بك

وإن شفتك مقفي بـ درب المقفين
إشره علي إن جيت .. طقيت بابك

[* @2_jiik]

وشلون جاء لك على هالجفى قوّه
وشلون تسلى وتبعد وتنساني

لا عزّتك شيمه ولا تعرف مروّه
ولا ردتك سلوم جدانك وجداني

لكن بعلمك شي وأعيد و أنوّه
ما ظنّي بعد هالبيتين تلقاني

تبي تذكرني في نهارٍ ما بدا توّه
وقتها عاد دوّر من يعوّض مكاني

[* @2_jiik]

و رأح السبت و من قبله كثير أسبات
يليت اللّي وعد ما يخلِف بـ وعده

وعدتي قبلها بـ حاجات و بـ حاجات
ولا جاني من وعوده سوى .. بعده

لك الله يالخفوق الصادق النيات
تقرّب لكن العربان مبتعده

[* @2_jiik]

اليا متى و المشاعر في مهتمه
سويت كل شي لكن ويش سوه لي

ماعاااد اعرف اتكلم مع بني عمه
لاسولفو كن صورة وجهه فبالي ،

[r @raaayoonnn]

ليتك ترجع مثل ماعـرفتك

[* @2_jiik]

مصيرك تحن ولو الفرقىّ اختيارك

[* @2_jiik]

مرحباااا بك و المشاعر لو تشوف اقصاها
تدري جييت عندي … ماهي عاديه

[* @2_jiik]

لا زلت اقول الحي بيصادف الحي
رغم اني اواجه معاك الف عده

قيدين في رجلي وقيدين ف يدي
وبيني وبين الوصل عشرين شده

وش اللي مجلّس طيوفك حواليّ
وانا مسافر روحه بدون رده

تبعتني لندن وبيروت ودبي
ورحلة رياض كويت وكويت جدّه

ان كان مرخصني من العام، لا شي
يقدر يحكْم الهارب من الموده

[* @2_jiik]

قفيت عن دربك و أنا خاطري فيك
و أقفى زمان كان يجمعـنا سـوا

ما كنت أظن إني أخليك و أجفيك
لكنـها الأيـام و تدابـيـر الهـوا

أنت أخترت بعدي يوم حظي يناديك
ًو أنا شـربت النفس من نفس الدوا

لا تحسب إني عقب فرقاك بـ أرجيك
عـزيـز نفـس .. لوّ ذبحـه الهـوا

[* @2_jiik]

أعيش في حالة أستنكار ذات وشعور
ووصلت نقطه غريبه ما تصورتها

أحس روحي لحقها قل جهد وفتور
من كثر ما أحترت فأحلامي وحيرتها

عودتها كل من يبعد بعيد معذور
وعمرتها بـ التسامح إلين دمرتها

[* @2_jiik]

عفى الله عن صدرٍ من الوقت لو ينهار
مايشكي مُعاناته على بعيد وقريّب

ليا حس في حزنه توارى عن الانظار
ولا يوقع من همومه وضيقه قريّب

معه قلب ذيب ونفس طير وعزم واصرار
ومعه حسن خلقٍ لا يعذرب ولا يعيّب

لو تحطه الاقدار ما بين نار وغار
ماهوب متردي، كان ماهوب متطيّب

[* @2_jiik]

سعيت أكافح الدنيا شقي، وساءت الأحوال
ولا زلت أترقب غيث صبري يسقي ركابي

أنا في يدي راحة، وأعتبرها راحةٍ للبال
كثر ما ترتفع لله تعالى تشكي أتعابي

ما عاد الوقت يغري والليالي تسرق الآمال
ليا ضاقت علي الأرض، ما ضاقت بي ثيابي

[* @2_jiik]

تبت عن الحب وعن كل ذيك الذنوب
وابتعدت عن كل طريق مالي فيه قيمه

هو كل طريق الحب لعب بالقلوب ؟
ولا أنا ما كان لي عند حبيبي حشيمه

فرصه سعيده، وفرصه لقلبي إنه يتوب
ويترك كل الذنوب والعادات القديمه

_ تبت والتّوبه هي التّوبه (:

[ð @_2iixiii]

لقى من يسليه
ونسى من كان يواسيه

[* @2_jiik]

لا تعطي وعد ما تقدر توفي فيه
ولا تمثل شعُور انت ما تحسّه ..

[* @2_jiik]

شف حالتي بالغياب أشكيك منك وإليك
همٍ برى الحال وعيونٍ طواها السهر

وش يمنعك لا تواصلني وأنا أموت فيك
ظروف ليلة ثلاث أسبوع ياخي شهر

ان ما سقيته وصل ما عاد هو مرتجيك
باكر إليا هبت الجوزا يطير الشجر

[* @2_jiik]

اقول وين الوصل وتقول ياتيك
هذا شهر وش عاد باقي علينا

تغيب وتكابد غيابك و احاتيك
دمك ثقل ما عادك تحس فينا

ماعادك تداري هوى بال مغليك
الي عطاك من الغلا ياسمينا

[* @2_jiik]

وان طروا السلوان ماني بساليك
طيفك معي حتى وأنا في صلاتي

[* @2_jiik]

غلاك بوسط صدري ما تغيّر ولا مات
لكن كرامة خاطري قامت تسدّ الطريق

[* @2_jiik]

ما هان غلاك، بس الوقت علّمني أخبّيه
أموت فيك بصمتي، ولا أمدّ إيدي وأرجيه