𝐴𝑏𝑑𝑢𝑙𝑙𝑎ℎ 𝐴𝑙-𝐾ℎ𝑎𝑡𝑒𝑟

[𝐴𝑏𝑑𝑢𝑙𝑙𝑎ℎ 𝐴𝑙-𝐾ℎ𝑎𝑡𝑒𝑟 @2amk_]

يالله عسى حزنٍ غشانا براعه
يمطر حيا يبرد قلوبٍ كسيده

ياجعل راس الي فقدنا سناعه
يمسي بجناتٍ تعلى رصيده

صوت علينا فاقدينٍ سماعه
عز الله انها فاجعتنا الفقيده

نــورٍ علينـا دايـمٍ بالرفــاعه
لا ظلمت دنياي عسرً ضهيده

يما عسى قبرك يزيد اتساعه
ويعضوك الله بالسنين الشديده

[𝐴𝑏𝑑𝑢𝑙𝑙𝑎ℎ 𝐴𝑙-𝐾ℎ𝑎𝑡𝑒𝑟 @2amk_]

صدفـة بـلا ميعـاد دايـم لقانا
واحلى لقاء اللي كان من غير ميعاد
ادري وتدري كيـف قيمة غلانا
والناس في وادٍ وانا وانت في واد

[𝐴𝑏𝑑𝑢𝑙𝑙𝑎ℎ 𝐴𝑙-𝐾ℎ𝑎𝑡𝑒𝑟 @2amk_]

العقد منثور في منحرك ياخلي
مازاد زينك ترا زينك هو الطاغي
بالزين حضرت وخلفك ناسٍ تولي
متفردٍ كالقمر ماحولك مصاغي

[𝐴𝑏𝑑𝑢𝑙𝑙𝑎ℎ 𝐴𝑙-𝐾ℎ𝑎𝑡𝑒𝑟 @2amk_]

عطاه الله امن الزين فوق الجمال وتاج
يشابـه مهـارٍ عرضـت دون السروجي
عيـونٍ ظليـلاتٍ وخـده لميع العاج
وخصرٍ نحيلٍ فوق الارداف منسوجي

[𝐴𝑏𝑑𝑢𝑙𝑙𝑎ℎ 𝐴𝑙-𝐾ℎ𝑎𝑡𝑒𝑟 @2amk_]

الا ياعيـون اللي كفـخ وانقطـع سيره
تلقـى الخـلا واقفـى يـرف الجناحيني
نطحـني غـزالٍ جافـلٍ شايـفٍ ذيره
طفح شوف عينه من ورا الناس الاقصيني
عديم الوصايف مع هل البر والديره
انا قبل اشوفه شوف والله معافيني

[𝐴𝑏𝑑𝑢𝑙𝑙𝑎ℎ 𝐴𝑙-𝐾ℎ𝑎𝑡𝑒𝑟 @2amk_]

تبصر بقلبك كان شفت الدروب اشباه
ترا قلبك ابصـر من عيونـك مية مره

[𝐴𝑏𝑑𝑢𝑙𝑙𝑎ℎ 𝐴𝑙-𝐾ℎ𝑎𝑡𝑒𝑟 @2amk_]

أنا لا لاح لي زولك نبت حول الطريق اشجار
لو إني ماشي بصحرا ربيع الوقت جافيها

دخيل الله حبك كم له بقلبي يعزف اوتار
ليا من حل طاريك بدى لحونه يغنيها

[𝐴𝑏𝑑𝑢𝑙𝑙𝑎ℎ 𝐴𝑙-𝐾ℎ𝑎𝑡𝑒𝑟 @2amk_]

ما عاد انا ذاك القوي اللي على حيله يمون
اخيط جرحي بالسكوت وصوت غبني ينسله

[𝐴𝑏𝑑𝑢𝑙𝑙𝑎ℎ 𝐴𝑙-𝐾ℎ𝑎𝑡𝑒𝑟 @2amk_]

ليتني مثل الحمام الطايرات
ان بغى له حاجة ٍمايستشير
يرتفع فوق البيوت العامرات
مستعين ٍفي جناحين ويطير
سامرات ٍبالأغاني ساجعات
يشدهن أهل المودة بالعبير

[𝐴𝑏𝑑𝑢𝑙𝑙𝑎ℎ 𝐴𝑙-𝐾ℎ𝑎𝑡𝑒𝑟 @2amk_]

ول يا غريـرٍ بالمحبـه كفـر بي
لاهوب ذابحني ولا اشفا صوابي

كضمت بالانياب مما استقر بي
حتى غطس في شفتي راس نابي

[𝐴𝑏𝑑𝑢𝑙𝑙𝑎ℎ 𝐴𝑙-𝐾ℎ𝑎𝑡𝑒𝑟 @2amk_]

وجودي على بدوٍ مشاتيهم المحواز
عليـهم عيـوني ما تونـي حضايبها
َ
يقولون حالك شين وانا اقول مايعتاز
بـرت حـالي الونـه وهاذي سبايبها

[𝐴𝑏𝑑𝑢𝑙𝑙𝑎ℎ 𝐴𝑙-𝐾ℎ𝑎𝑡𝑒𝑟 @2amk_]

صبح عيد الضحيه عرضت يمي
وزادت المشي والخطوه بمقفيه
ماقوت بالمشي خطواته تلفي
زادت بمشيها والقلب مرميه
ويوم قفت وانا بالفكر متوني
ميسمٍ وسط قلبي نارٍ وكيه
زينها هو شبيه البدر المتمي
عنقها عنق ريم بروضٍ مفليه

[𝐴𝑏𝑑𝑢𝑙𝑙𝑎ℎ 𝐴𝑙-𝐾ℎ𝑎𝑡𝑒𝑟 @2amk_]

نطـحني حبيبي بالوريسي نهـار العيد
تحت مكسر من الزري عود الغضي يزهاه

حلـي اشقـرٍ شفتـه العـام عند عبيد
فـداع الحبـاري كل عصرٍ على يمناه

[𝐴𝑏𝑑𝑢𝑙𝑙𝑎ℎ 𝐴𝑙-𝐾ℎ𝑎𝑡𝑒𝑟 @2amk_]

جية الرجم الطويل اكبر خطيه
غيـر حدتني غرابيـل الليالي

احسب ان عيني عزايمها قويه
لين شفت الليل داركني لحالي

عادني راجيه في عيد الضحيه
يوم فات العيد الأول ما صفا لي

عايش عيشة وزا ما هي هنيه
عيشة بين الحقيقه والخيالي

[𝐴𝑏𝑑𝑢𝑙𝑙𝑎ℎ 𝐴𝑙-𝐾ℎ𝑎𝑡𝑒𝑟 @2amk_]

الرضا قدمي وكل اللي خسرته في خلافي
والقناعة داخلي تبقى مناكبها عريضة

والفراغ اللي يشوفونه من الاوجاع ضافي
ياكبر فضله علي لو مسني حره وقيضه

[𝐴𝑏𝑑𝑢𝑙𝑙𝑎ℎ 𝐴𝑙-𝐾ℎ𝑎𝑡𝑒𝑟 @2amk_]

فتحت باب الكـلام لعمـري الثاني
والغيت صمت السنين اللي تجرعته

مليت و انا اكثـر احلامـي تعداني
يا كثر ما شلت بالخفاق وأوجعته

مرات اقـول انت حبـك وين وداني
ومرات اخاف اني من الطيش ضيعته

[𝐴𝑏𝑑𝑢𝑙𝑙𝑎ℎ 𝐴𝑙-𝐾ℎ𝑎𝑡𝑒𝑟 @2amk_]

الا ياحب قل إحلاك لو قد جازلي ماضيك
وجعل أمحق دروب اللي على دربك توديني
والا ياخلي اللي ميـزك بد العـرب باريـك
وصب بهيكلك حسنٍ عليه الشوق طاويني
عسى الله لايبارك فالضما كان الضما طاريك
ولا طـاري فـراقٍ كـل مايطـري يسـريني

[𝐴𝑏𝑑𝑢𝑙𝑙𝑎ℎ 𝐴𝑙-𝐾ℎ𝑎𝑡𝑒𝑟 @2amk_]

كم على مترامية الأطراف من مترامي
ياهدب سود الليال الناعسات النجل

تصغر اسامي وتكبر فالعيـون اسامي
وكل ميقافٍ بصفحات الزمان مسجل

ما يدوم الا مقامـك يالمقـام السامي
لارخص من كان قدره فالضلوع مبجل

[𝐴𝑏𝑑𝑢𝑙𝑙𝑎ℎ 𝐴𝑙-𝐾ℎ𝑎𝑡𝑒𝑟 @2amk_]

ياعيـون النـادر اللي على يمنـا ملك
من فصيلات النوادر عسيرات الوكور

وش تصير الخيل والهجن والغزلان لك
والشفق والنور والليل وانسام السحور

[𝐴𝑏𝑑𝑢𝑙𝑙𝑎ℎ 𝐴𝑙-𝐾ℎ𝑎𝑡𝑒𝑟 @2amk_]

اعذلوني فيك عشاق النصيحه
ونشدوني عنك طرفين الحكيا

أن شكيت الهوى قالوا فضيحه
ان سكت استنقظوا جرحي عليا

ان نويت البعد ضاقت بي الفسيحه
وان بغيت القرب خان القرب فيا