NAIF bin AWAIDH

[NAIF bin AWAIDH @2f_1i]

إذا مررت من هنا اكتب شي تؤجر عليه❤️📮.

[NAIF bin AWAIDH @2f_1i]

إخترتك من الناس للقلب خلّا
ياحيثك مرادي وكيـفي وذوقي

مارحت أدوّر كل زولٍ تحلّا
لولاك تسوى ماعطيتك خفوقي

[NAIF bin AWAIDH @2f_1i]

من عقب ما كان يكتبني ويقراني
ما عاد يدري مع الأيام وشلوني ؟

[NAIF bin AWAIDH @2f_1i]

بغيت أجوز من الهوى مير ما تمّ
تايب وردّتني على الودّ هلّه

يا ليتني مع نزل خلّي ولد عمّ
حتى ضلوعي من حديثه تملّى

[NAIF bin AWAIDH @2f_1i]

الناس جمع وهو على جمعهم راس
تفداه عيني مع خفوقي وروحي

محبتي له ياعرب مالها قياس
لو قلت اداري موق عيني يبوحي

[NAIF bin AWAIDH @2f_1i]

عجزنا على جبر الخواطر ولا شيء زان
وعجزنا نراعي عالمٍ ما تراعينا

وعجزنا على ظلم المحبين والصدقان
وسعينا مع اللي ما يقدر مساعينا

[NAIF bin AWAIDH @2f_1i]

تمنيت لو مرسل سلام مع تقدير
معاهن على اللي وين مارحت له ذكرى

ابي ياصلنّه قبل تدرج مساء الخير
أنا خابره ذي حزته لابغى يقرى

عسى لأوصله العلم يستأنف التفكير
ابي ينشغل فكره من الحين لي بكرى

تمنيت وصله بالفكر ماطلبت كثير
أبي اطري على باله مثل ما علي يطرى

[NAIF bin AWAIDH @2f_1i]

باسي قوي لكن معك ضاع باسي
يهزمني شوقي لو بغيت اتحداك

في الحب غيرك ماحد جاب راسي
والصدق اقوله ماقدرت اتخطاك

اقول انا ناسيـك ومانيب نـاسي
جايز اصدق كذبتي في يوم وانساك

امثـل اني ما ابـالي وقـاسي
يمكن اعيش الدور عن جد واسلاك .

[NAIF bin AWAIDH @2f_1i]

على طاري حنين الليل شعور الشوق ما مرك ؟

[الطـواري @_Al6wary_]

عز الله إني للمخاليق عيّاف ..
إلا أنت ياللي هيّمت بي طيوفه

[NAIF bin AWAIDH @2f_1i]

حسناءُ باهرةُ الجمال و عيبُها
أن اكـتمـال جـمـالها جـبّـارُ

لمّا بدت هتف الزمانُ مكبراً
ثم انحنـتْ لجـلالها الأزهـارُ

[NAIF bin AWAIDH @2f_1i]

أرضى إذا وقتك سمح لي على طول
وان ماسمح .. في كل الأحوال راضي

أصير فاضي .. كل ماصرت مشغول
وتصير شغلي .. كل ماصرت فاضي !

[NAIF bin AWAIDH @2f_1i]

ما يثني عزوم الرجال القويين
غير الغياب الي يجي دون سبّه

في غيبتك ذقت الاسى والامرين
واصبحت كني عايش بُجوف غبّه

ترى الجفا ما هو بشرع المحبين
كب الجفا - والصد والهجْر كبّه

يالي على بالي تجين وتمرين
انتي تراك أعلاج قلبي وطبّه

[NAIF bin AWAIDH @2f_1i]

الوجة مثل القمر والخد براق
والعنق عنق المها والعين نجلا

مملوحة الحسن ذات المستوى الراق
وفوق الحلا والدلع والذوق خجلا .

[NAIF bin AWAIDH @2f_1i]

يا عنا القناص يا الصيد المدسم
ياكتاب الشمس وكتاب الطلاسم

املك اعصابي ولا شفتك تبسّم
كنْك تكويني على الكبد بمياسم

حبكم سيطر على قلبي ورسم
مثل ما سيطر على بغداد قاسم

كن بياضك في حمارك لا تقسم
عارض ٍفي وجنتك موكب مراسم

[NAIF bin AWAIDH @2f_1i]

الي يحب الشمس يبكيه الغروب
والي يحب الليل يضحك للقمر

والي يحب انسان مايقدر يتوب
لاصار هاذا الحب يسواله عمر

[NAIF bin AWAIDH @2f_1i]

لا تزعليني وتحكم على اني زعول
وانت تدري مستحيل ازعل الى من بلا

والعذر في بعض الاحيان مايلقى قبول
في وسع صدر تحمل زعل لين امتلا

مشكلة غلطتك ماتقبل انصاف الحلول
والمصيبه لك معزه وتقدير وغلا

[NAIF bin AWAIDH @2f_1i]

صاحبي يوم جاب الزينه ما ردّه
من يوازي له ابو عين نعّاسه ؟

يوم ينقض جديله في طرف يدّه
قلت؛ مرّ الملك من بين حرّاسه

ناعم العود.. لا ميّل على قدّه
جلّس الواقفين، وْ فزّ جلّاسه

كل ما ارخى هدب عينه على خدّه
كنْه.. دف الهبوب بـ ريش قرناسه

[NAIF bin AWAIDH @2f_1i]

تغاضي يا عيوني والسنين قصار
وانا ظلم " الليال السود " والفته

احب اللي مضى لي واكره التكرار
واشوف اللي يخوّفني .. ولا خفته

غريب شعور والواقع غريب اطوار
كثر ما كنت راضي .. كثر ما عفته

ياكثر اللي تحاشيته يصير .. وصار
ويا كثر اللي تمنيته .. ولا شفته !

[NAIF bin AWAIDH @2f_1i]

رح واترك اللي معي من باقي احزاني
ما دام كلٍ خذا من ما كتب .. قسمه

وانا .. لو انّي بـ اضيق ايام .. واعاني
مصيري انسى وذكرك ينتهي حسمه

ولا انت .. لو اتّناسى .. راح تلقاني
فالبال لي جره .. وفالعين لي رسمه

ماهو بـ أنا اللي تذكّرني .. وتنساني
انا اللي بتموت والله مانسيت اسمه

[NAIF bin AWAIDH @2f_1i]

معك اغتنيت من الهوى والحب يامال الغناه
وحبّبتني في أيامي اللي ماهقيت — أحبها

انت الحياه اللي عطت للناس معنى للحياه
وانت النعيم اللي عليه الناس تشكر ربها ❤️.