.

السهل الممتنع

[. @2hdajj]

لا خابت الهقوه : تطيح المشاريه
لا شرهةٍ تسوى ولا عذر يسوى

[. @2hdajj]

إن تبسّم ثغرها طاح الشجاع المنجي
مثل إطاحة أنور السادات بعد الثوره (:

- محمد ابن الذيب

[. @2hdajj]

لاتدورنا ليا هب النسيم انواده
غير في يومٍ نهاره يلتهب من حره

[. @2hdajj]

ياحبيبي لا تعاتب وانا قلبي ضمان
وانت حبك بين عوج الحنايا طابعه

مالك الى الصبر والصمت في شهر رمضان
والوعد يا ثالث العيد ولا رابعه (:

[. @2hdajj]

@lqqqlu عليش

[. @2hdajj]

والله إني من بنات آدم و حوّا شبه سامح
كل ممشوقة قوام أشوفها ماهيب زينه

الوجيه الكاشفه واجد ولا فيها ملامح
الملامح كلها في وجهش اللي تسترينه

[. @2hdajj]

غرورك تمتع به على اللاش والمسكين
أمّا أنا ؟ نظام الغطرسه مايناسبني (:

[. @2hdajj]

الورد لا كثرت يدين العرب حوله
حتى ولو ما انقطف ماعاد يغريني (:

[. @2hdajj]

سقت الغلا لك والنوايا مغاتير
ولاهمني حقد القلوب المغله

مدري صباح الخير ولا مساء الخير
مير الوكاد بوجهك الخير كلّه :)

[. @2hdajj]

كن في راسي من البارحه سكة قطار
وكن في صدري من الضيق هباب وجمر

غادي قلبي مثل بيت بدو ٍ في فقار
نجر ٍ يدنه سنافي على وقدت سمر

من لقالي قلب يسج لو أجره إيجار
إن لقالي قلب وإلا يسلفني عمر

راحت الدنيا وأنا أعيش في وضع إنهيار
لا قدرت أغير الوقت وازريت أستمر

[. @2hdajj]

@l2l____ عليش

[. @2hdajj]

الحياة أبرك محاصيلها صيت وغناة
وأتلعٍ غضٍّ عويده .. وحلوٍ مبسمه

فارس الحشار

[. @2hdajj]

كن صدري ديرةٍ من جملة الناس مّهجوره
الـدهر جفّف مواردها وعشّى فـي طرفها

- جابر النشيرا

[. @2hdajj]

مساء الخير اما بعد..

فنجالها لو ذاقه أيّات دكتور
يعطيني العشرة ومعها شهاده

[. @2hdajj]

جادلٍ تستحي حتى من الإبتسامه
تحسب البرق يبرق من ثنايا ثغرها

بنت راع الشداد وبنت بيت الزعامه
راس ذباح أبوها تشرط إنه " مهرها " (:

[ِ @Doosr77]

الارض في عين غير المهتوي ماتزين
لو انها جنةٍ خضرا تصير شهبا

مدغم ابو شيبه

[حمد بن محمد @hmd5lfan]

تراني وإذا غرّبت عنّك ولو شرِّقت
على درب غيرك ما خذا القلب منهاجه

يقولون بلقى لك شبه بس ما صدّقت
شبيهك على درب النقا وقّف إنتاجه

[. @2hdajj]

ترا القليل اللي عن الناس يغنيك
يسوى الكثير اللي عليهم يحدك ..

V60

[. @2hdajj]

@rrcv0 علييكك

[. @2hdajj]

عن البال ما راحت طواريْك لاجل تعود
مثل كل ليلة طيش مرَّت على تايب

طبيعي بأن الناس تستشعر الموجود
وأنا أستشعرك موجود وأستشعرك غايب

[. @2hdajj]

الصبر قطعة جمر وأنت مغرور وبخيل
يووّه عاد الثانيه .. وين تلقى طبها !

في يميني شمعدانه وفـ اليسرا فتيل
وأنت ؛ تبغى روحي أصبّها وأشبها

وأنا روحي كل ما هبّ نسناسٍ، عليل
قمت أصايد للهبايب عشان تهبّـها .

[. @2hdajj]

اليا مشى من خشيم الذيب منتلي
يزمي على كبد نجد تقول طبشوره