سُلطان

تَأبّط حُبًا

[سُلطان @2i6i9]

حنا بالشمّال بدل مانقول ناظرني او شوفني نقول " راعيني " او بحّر بي " كلمات متداولة عميقة وشاعريّة فكلمة راعني مشتقه من المراعاة و كلمة بحّر مشتقه من الابحار !

[سُلطان @2i6i9]

تخيل اني اراعي وابحّر فيك ".

[سُلطان @2i6i9]

أنا لو ينسيّك الزمن ماني بناسيك
محبتك قصة ما أقدر أكتب نهايتها

لو الوقت يرجع قبل أعرفك وقبل أجيك
وقبل الهقاوي تنثني دون غايتها

بروح أنتظر في أول مكانٍ جمعني فيك
وبعيد تجربتي معك من بدايتها

[سُلطان @2i6i9]

"مرّي" مرورٍ يحقّق نايدات الشفوف
في ليلةٍ لوْ تجيبك شفت معروفها

[سُلطان @2i6i9]

اقربي
لين
يتلاشى
حزني
ويرتاح
ظلي
من طريقٍ فيه عيّفت القدم راس العدامة
واستريحي فوق ديباجك
وفلي شعرك اللي
ودي أقضي عمري الباااااااااااقي
تحت دامس ظلامه

[سُلطان @2i6i9]

« من العذاب أن تكتُب لِمن لا يقرأ »
- نزار قباني

« يحزنّي الشعر وافضّل عليه السكات
اليا انكتب في عيونٍ ماهي بـ قاريه »
-بندر الدويش

« من سمع فيك القصايد قال لله دره
مادرى انك مانت سامعها ولا قاريها »
- العبلان

[سُلطان @2i6i9]

ويش حبَّبني بـ فيضة موطنْك، وتْرابه؟
وأنت "لا قاضي نزيه ولا أنت حاكم عادل

[سُلطان @2i6i9]

أنتي /
أجمل حلم عانده النصيب
والبُعد والحظ وعادات أهلي

[سُلطان @2i6i9]

ياعظيمه وانتي الاشياء الجديده والقديمه
و انتي اللي لو تصد الارض ماصديت عنها ⠀

و انتي اشجع الانتصارات وملذات الهزيمه
و انتي اللي وين ما لقّيت قلبي قال .. عنها ⠀

و انتي اعجوبة زمان الشاعر اللي هلّ ديمه
و ارتوت جدب القصايد لين صح الله بدنها

[سُلطان @2i6i9]

« معك ادوّر ما يجـر السَّـوالف والقصيّد
ومع جميّع النـاس حتى الكَـلام يكودني »

[سُلطان @2i6i9]

يكفيني رحلت ولاحصل مني خطأ وقصور
وأنا حتى وداعي فيه بصمه تثبت اخلاقي

تخير بالدروب اللي يغشّيها ظلام ونور
وفرق النور بالظلمه يبين غلطة فراقي

تمرك ليلة تطفي مشاعرها على المغرور
تدور للبشر مثلي ولكن صعبه تلاقي

فمان الله يا آخر محطة والسنين تدور
فمان الله والهقوه تخيب هقوة الهااقي

[سُلطان @2i6i9]

رح قبل ما الله يبيّن في عيونك قدري
خبّ ما باقي من أحساسك و خله ذكرى

ولا تقول أن النصيب يصيب دامك تدري
بكرة الدنيا تلهّينا .. وبكرة نبرى

أدري أن البعد ماهو بـ اختيارك و أدري
أنك أبيض وجه لكن الليالي غبْرا

[سُلطان @2i6i9]

واذكريني كل ما أحتجتي تخونيني
«وخوني في غيابي كل ذكرّى بيننا كانت سعيدة»

ولا أنا لا من ذكرتك ؟ ما ذكرت الا طعوني
فالزمان اللي تجمّعنا به / الله لا يعيده

[سُلطان @2i6i9]

« أحس ان كل شي يبتسم لي ليَا لديت
وأحس ان نور الصبح يطلع على شاني »

[سُلطان @2i6i9]

بسَم الله ربّ البدايات صفحة جديدة
- ومافاتنا إلا الشر -

[سُلطان @2i6i9]

استميل لعزلتي وابعد ولا عندي سبايب
غير حبي للهدوء اللي عن اللجّه مبدّا

[سُلطان @2i6i9]

على رصيف الذاكرة موعد وناس
واشياء تشبه وحدتي وانعزالي
فيني سهر محتاج لي فايض نعاس
مافيه فاعل خير يسهر بدالي؟

[سُلطان @2i6i9]

٠١:٣٤:١٦ 💛

وقتي مَعاك يلغي مدى فااارق التوقيـت
كأني معك غيرت ــــ أرضـي وتوقيتي

[سُلطان @2i6i9]

لا منك ولا مني تصير الجفيّا
نرضى وننسى ياهوا البال مافات

ولا أنت حبك بالضماير هنيّا
تطري علي بساعتي عشر مرات!💛

[سُلطان @2i6i9]

ياوليدة كل لحظة.. بسمتك ذكرى مجيدة
ياحساب العمر؛ من أيامه إليييييين الثواني

ماعليك من الكلام اللي من القلب ووريده
الفعول أكبر.. إذا الله مَدّ بالعمر وعطاني

[سُلطان @2i6i9]

أنتي /
نصر من صابه الاحباط يا سلطةٍ ما فوقها سلطه