%

عِزّ نفسك .. عَن قلُوبٍ مآ تعزك .

[% @2i6iiii]

سرحت بخيالي فيك وأسهبّت فالتفكير
وطلّعت كل اللي مخبى ورى صدري

ماتمنعني حدود المسافة عن التعبير
أنا توّي مسولف معك وانت ماتدري .

- عبدالله السراهيد .

[% @2i6iiii]

مساء يوم الأثنين :
ماعاد حنا أثنين يامساء الاثنين
جارت علينا ظروف الزمن وافترقنا .

[% @2i6iiii]

- الحاله الشعوريّه :
« مثل البحر صدره يهّوج وظاهره ساكن » .

[% @2i6iiii]

« معك من وين ماودّك بلا مرسى ولا ميقاف
معك لو مالت اوراق الشعور المنهك الذاوي »

[% @2i6iiii]

صباح الخير للجميع : اما بعد
بعد ما مات الكلام و مالحقني بالمحبه لوّم
عزاي إني لقيت الصمت يغنيني عن عتابي

[% @2i6iiii]

تعبت وانا اتذكر صورته وأسمعه
تركلي الذكريات بلا وداع ورحل

" ليييته بعد مارحل خذا ذكرياته معه "

[% @2i6iiii]

الشمس ما عاد تذكر حبّنا زين
من بعد ما كان يبدى فيك يومي

كان الصباح افضل الاوقات والحين
خربت طبعك وانا خربت نومي

[% @2i6iiii]

« كامل الزين . . من حقه ليا شاف حاله
و إن تغطرس على جيله من ابسط حقوقه

جادلً ما يسولف عن مفاتن جماله
غير من فتح اوراقه . . و غذّا عروقه

لا مشى . . ما مشى الا ماخذٍ راس ماله
و إن قعد ، قعدِّالحلوات والسوق سوقه

من غروره يمشِّيها على ما بداله
كن ما الارض تحته و السماوات فوقه »

[% @2i6iiii]

إسبريسُو الجمعه بـ عنوان /
أحنك من جرح المشاعر وانا المجروح
واقول ماهي من سبتك وانت سبتها

[% @2i6iiii]

ليا سجوا العالم مع الوقت ما سجيّت
خذيت الطريق اللّي فجوجه تسليني

[% @2i6iiii]

جميلة محيّا وخلق .. ودقيقة عود
غزالٍ تقود الغيّد ماهيب .. تنّقاد

[% @2i6iiii]

فنجال إسبريسُو بـ عنوان /
يا ودَّ قدمته على أنفاس روحي
مثل الكفيف إللي يقدَّم عصاته

[% @2i6iiii]

صباح الخير

ترفق بي دام القلوب تحيا على نار الصدوف
وانا خايف لشوفك والمحبه منقفل مزلاجها

[% @2i6iiii]

صباح الخير
لا تحاول تنبشه " بتتعذب " /
" أحياناً ما ودك توايق على المستور
من خوف لا تفقد اللي ماتبي تفقده"

[% @2i6iiii]

« جيت المكان إللي به أيام لقياك
عينٍ تصد . . و عينٍ تلفت نظرها »

[% @2i6iiii]

«تغانمني ترا قد كبدي من الصبر عشر أقسام
على أدنى شي يمكنّي اغني لك .. وداعيّـه»

[% @2i6iiii]

وعن الإكتفاء والنضج يقول سفر الدغيلبي :

تعوضت عنك بطاعة الله وطيب الصيت
وكنزٍ من كنوز المخاليق يغنيني