ّ

[ّ @2iidw]

استـغفُرالله حتى النـقاء،مِن كُل ذنبّ.

[ّ @2iidw]

يا قطاة كروش يا عين الوحش يا غزيّل
يا ذهب يا فرنك يا دولار يا ااااغلى عمله

والله اني ودي امسي عندكم واقيّل
بس لو يدرررري هلك شلوا علينا حمله

[ّ @2iidw]

إليا سمع بيتين سرَّاه الذهول
وإليا سمع آيه رفع سبابته!

سيـرة ذاتية مثبته لي—

[ّ @2iidw]

هم يحسبون الدرب كلّه ملذات
و��نا على بعض السوالف كبرنا

[ّ @2iidw]

من وين جابك لعيني وقتي القاسي
ماهيب ب عاداته يفرج لي الكربه

اقرب ابيك اقرب اقرب لي من انفاسي
ابيك تقرب . . وغيرك مالي بـ قربه

ومكانك عيوني وقدرك على راسي
ومشاعري معك مندفعه ومضطربه

احس اني غريب . . وفاقد احساسي
ولا شفت وجهك يسججني من الغربه (:

[ّ @2iidw]

من شافك وصد عنك عاقب وخاسي
يفداك من شافك وواصل على دربه

يا فتنة تخلف المرجوج . . والراسي
بـ زينك المختلف واخلاقك الذربه

انا لا مني تذكـرتك وانا . . ناسي !
يجيني شعور قبلك ماكنت اشعر به

ولا شفتك اسج من حزني ومن ياسي
يا سلاح من غربته في غربته حربه

[ّ @2iidw]

احث القدم واروح وارجع على مرباك
ولا فادني مشيي ، لـ دارك ، ولا جريي

وجودي على قربك ووجدي على لاماك
وعلى شوفتك ، ياقطع كبدي ، ويابريي )؛

- محسن بن مترك

[ّ @2iidw]

عليك صوت يضيّع الّلي يدلون
و عيونك الثنتين مسرح جريمه

الظاهر أمك موت و أبوك مزيون
و أتفقوا يجيبون " حاجه عظيمه "

_ محمد ال شواي

[ّ @2iidw]

أنا وين اوجّه و الوصل بابه المسدود
مايقطع ضما الضامي ولا يسدّ له جوعه

الاحلام ما يرضى بها الواقع المشهود
و الامال في رجوى المقفين مقطوعه

عليه السلام إن هب من صوب داره نود
سلامٍ من الحرمان و الوجد و اللوعه

[ّ @2iidw]

لاتطيح بعين من شافك السد المنيعّ
لو تكمل باقي الدربّ تمشي وتعرج

__دايم خلك فوق الهقوه

[ّ @2iidw]

عفى الله عن صدرٍ من الوقت لو ينهار
مايشكي مُعاناته على بعيد وقريّب

ليا حس في حزنه توارى عن الانظار
ولا يوقع من همومه وضيقه قريّب

معه قلب ذيب ونفس طير وعزم واصرار
ومعه حسن خلقٍ لا يعذرب ولا يعيّب

لو تحطه الاقدار ما بين نار وغار
ماهوب متردي، كان ماهوب متطيّب

[ّ @2iidw]

طراة العلاقة لا تمادت ، على الشرهات
وجاك الولد منعور .. والبنت غندوره

وصالك . . يرجّع نبض قلبي وهو موّات
بس الزين يلعب في غروري يامغروره

ماآعرْف آتحكم في شعوري مع الحلوات
أنا نفسي " آمّارة " على البنت الاموره

[ّ @2iidw]

الغلا من دوّره في ضلوعي ما لقاه
ما ترك حبك لغيرك ولا شيٍ يروح

بايعٍ لأجلك حياتي وأنا أحب الحياه
الحياه اللي بدونك تجوز بدون روح

[ّ @2iidw]

مرحبا ياحي رقم اللي تمادى في غيابه
شلت جوالي وانا احيي وأرد وهو يحيي

فرحتي به عيت تخليني ابدا في عتابه
كنه يقول ادري ان بطاي يشفع له مجيي

أطرقٍ ماكن في الدنيا نعيم الا عذابه
هو معيي يسمح من الكبريا وانا معيي

[ّ @2iidw]

الله من واحد شرواي وضعه خطير
دموعه القاتلة يدري / بحزاتها

[ّ @2iidw]

حظي مثل خاطري بين العصر ، والعصير
لا قامت الذاكرة — تفتح ملفاتها —

الصمت ماله سنع والعذر مافيه خير
وأهل الحيل ماقدرت أسوّي سواتها

أهل الوفاء من وفاهم يجبرون الكسير
و أهل الجفى قلوبها أقوى من علاقاتها

والدمعة اللي ماهيب والله بدمعة صغير
في ( محجر العين ) تستلحق خوياتها

[ّ @2iidw]

ماعاد عندي ياحبيبي طموحات
إلا أنت في عرش الأماني لحالك

كل الغلا لك وإن تبي منّي اثبات !
تهجّ لي بالعكس - كل الغلا لك -

التلاعب بالمفردات على اصوووووله

[ّ @2iidw]

لو يهب النود فالصبح ولا فالعصير
صرت ماعاد أتضايق و قلبي مايخاف

ياعشير ٍ راح وقته يدوّر له عشير
اختصر وقتك وجهدك و دوّر لك لحاف

المحبه مالها أمان فالوقت الاخير
والمشاعر ما تحمّل و صايبها جفاف

انشد اللي جرب الحب من قلب وض��ير
وانجرح عشرين مره من أحبابه و عاف :)

[ّ @2iidw]

تعالي عساني ما أتعوضك ف ابن امه
يا شيهانةٍ ما تاثق إلا ب ملواحي

إذا العمر معك الله يتمم لي أتمه
و إذا الموت فيك الله يجعلك ذبّاحي 🔪

[ّ @2iidw]

الصلاة اللي مافيها سجود ولا ركوع
اتذكرها وينشب لساني فالجما

بس لي طلب واحد وانا رجل ٍقنوع
طهريني من غثا الارض واخذيني سما.

[ّ @2iidw]

انشد اللي لاعه العشق واعلم بالخضوع
وانشد اللي بايع الروح بالماء والهما

كنت من زود الشقاوه ومن شين الطبوع
انهض الجنحان واحوم من حول الحما

لين وقعت بمتاهات ما منها طلوع
الوكاد ان اقرب الامثله لزمة عما

احمد الله يوم مارحت في سيل الربوع
واخرتها رايحٍ في هوى عذب اللمى

[ّ @2iidw]

ماشلع قلبي وطيّر معه خمسة ضلوع
غير عينٍ تطرح الطير من سابع سما

كل ما ناظرتها قلت يا بخت الدموع
الدموع اللي تبختر على خد طخما

يا غناتي والله اني عليك اظما واجوع
لين اشوفك ثم لا عاد جوع ولا ظما

ودي اولع لك اصابع كفوفي شموع
وودي انزهك عن كل مخلوق إنما