هادي

هاذا مكاني مرني كل مااشتقت .

[هادي @2iihr]

ليا ضاقت بك الدنيا

تذكر مواساة محمد المقحم لما قال/

انفض غبار الهم عن قلبك ترى المهموم ميت
انحش عن الضيقة وشرّف في الرجوم وذبها

لاتنطوي نفسك على نفسك وتذبل مادريت
خل المطر يمطر عليها والهبوب تهبّها

إن مالقيت اللي تحب لازم تحب اللي لقيت
أصعب حياة تعيش ماعندك حياة تحبها.

[هادي @2iihr]

عساهم على أحسن حال وأنا على احسن
حال وهم في غنا عني وأنا في غنا عنهم

[هادي @2iihr]

كم حجم أسفك لنفسك
لما كنت تحط مبررات لمواقف تفسيرها كان واضح؟

[هادي @2iihr]

"ابحتفظ فيك وادري منت نافعني"

هذي الجُملة مو مجرّد بيت شعر!
هذي اعتراف صريح بالهزيمه الذاتيّه انك تربط مصيرك وقلبك وسنينك بشخص انت متأكد ماراح يقدّم لك شيء (لا أمان، ولا حُب، ولا حتى تقدير) .
-أنا ضدّ هالمبدأ تمامًا، ومع بن جدلان يوم قال:
"من عطاني قدره عطيته احترامي
ومن تجاهلني، تجاهلته وطفته
ومن يدوّر قربي عطيته اهتمامي
ومن يقفّي عني أهملته وعفته" .

[هادي @2iihr]

- مطلق الودعاني حالة استثنائية في ساحة الشعر :

روابعك مْن الردا ماتشالت
معك مرض مزمن رخامه و اصابه

عليك في تالي زمانك تتالت
و جنوبك اسخف من جنوب الرّبابه

لا غرّك ابليسك و نفسك تعالت
بتروح صيده في حلوق الذيابه

اقدر اقصّرها معْك يوم طالت
و اقدر اقوّم فوق راسك حرابه

لكن على قول البدو يوم قالت
" الرمح غالي و الفريسه ذبابه "

[هادي @2iihr]

لاقام يتشره واحدً صافيه دنياه
عذرني رفيق من عنا الوقت متعلم

خذ العلم من رجلً يكفيه ماقد جاه
غدا قلبه لضربات الايام متوّلم

من تغنّي الدنيا الدنيّه على ليلاه
تدور وترده عقب غنّاه متظلّم

انا الي تجاهل همه لين جاب اقصاه
تمره غرابيل الليالي ولا علم

سكت و الطعون تلوف صدره ولا تدراه
بعد ما نزعها كلها ليه يتكلم؟

[هادي @2iihr]

سبحان من يمسح على قلب الإنسان
ويوزّع عليه من الرضا والرحابة

الآدمي يسعى على الأرض إحسان
والله يشرّع في السماوات بابه

الدعوة اللي أدعي بها كل الأحيان
مرّة قريبة، ومرّة أبعد سحابة

ما غرّ منها قلب مؤمن ولا لسان
والبارحة عيّنتها مستجابة

[هادي @2iihr]

«وانـت تدري كل ماتحتاجني تلقاني
يشهد الله : عنك ماتقدر تشح ايديّه»

- تركي الميزاني

[هادي @2iihr]

يقول سعد علوش :

انتظرت ومقصدي اشره عليه
لين طال الصبر والشرهه علي .

[هادي @2iihr]

ولا تبالين بالضيقه ما دام إني معك موجود
لو إن اللي تحسينه جبل عن عاتقك شلته

و أنا فـ أيامك اللي كنّها ضافي جديلك سُود
أحامي دونك و عمري فدى عينك تساهلته

[هادي @2iihr]

اعفوني من النشده وكثر الازعاج
انا ابخص بدرب السنع والمتاهه

ياكثر ماصديت منعاً للاحراج
وضيّعتكم بين الغباء والنباهه

احيان ما القى لي من الضيق مخراج
واحيان يضحكني كلام الفكاهه

انا بشر وأمر بظروف واحتاج
عن عالم الازعاج فترة نقاهه

[هادي @2iihr]

كن ورا صدري من الضيق جمهورٍ غفير
لو سكت شوي . . يمكن تبين أصواتها !

_ محمد آل شواي

[هادي @2iihr]

يتوبني عن المسيار / مسياري عليك اليوم
زبنتك عن لهيب القايله واظهرتني فيها

- محمد السكران

[هادي @2iihr]

والله أن أشدّ وأقسى محطات الحنين
حاجةٍ ماهيب في يدك بس تشوفها !

_ عناد الشيباني

[هادي @2iihr]

علم اللي مافهـم لاينشـد الا فاهـم
ذاق من مر الحياه وذاق من سكرها
ㅤ
ذكريات الراحليـن أشد من فرقاهم
من فتح له خانةٍ فـ القلب ما سكرها

علي الدعيه

[هادي @2iihr]

- من ليلة البارح . . كني على جال نار
ياطول الافكار في بالي . . وياسمنها

لاذت جميع الحلول الممكنه بالفرار
مدينتي . . خوفها حلّ بمحلٍ أمنها

محبتك يااقرب من الثوب ومن الزرار
قلي وش بقا من بركتها ومن يُمنها

احلامي الواقفه في صالة الانتظار
يؤسفني انك ماراح تكون من ضمنها -

[هادي @2iihr]

يوجع اني في سبيل رضاك سوّيت الهوايل
وأنت مستكثر علي آسف و مستكبر عليها !

_ سعود مهدي

[هادي @2iihr]

سلمت لك قبل روح الروح خفاقي
لاصنت روحي ولا قلبي بعد صنته

الله أكبر ياجرح حل باعماقي
والجرح من كف غالي ماتوقعته

كان الغلا ورد غالي وكنت أنا الساقي
لاطلت عطره ولاخنته ولابعته

يمكنها غلطتي يوم اكشف اوراقي
واسلمك قلب لو أدري ماسلمته

[هادي @2iihr]

من غياب اللي رجيت انه يعوّد من غيابه
ماني بهادي ولا اعد الصحيح ان قلت هادي

يدري انه طول غيابه و شوقي ما درابه
وادري اني يوم انادي لاحياة لمن تنادي

يوم وادعني يقول ان البطا حاسب حسابه
من هذاك اليوم ماشفته ولو هو ف العيادي

قفت ركاب السعادة يوم قفت به ركابه
ومالقيت الا عذاب اشد من بطش الاعادي

انتظاره فيه حزن و فيه شي من الكآبة
لا ارادي حزني وحتى انتظاره لا ارادي

عادي ادور عليه ولو تورالي سرابه
بتبعه واللي ماهو عادي عشانه صار عادي

لو يحس بحزن اخذت الحزن عنّه بالنيابه
ماتركه لو هو تركني بين الابيض والرمادي

دايم حيادي لاجا فالموقف شكوك و غرابه
الا في موقفه اوقف ماعرف معنى حيادي

ماتحملت التمادي غير من حضرة جنابه
ولا انا من قبل اعاف ان شفت ف الدعوه تمادي

لو اشوف ان الامل ماصك عن رجعته بابه
ف اعتقادي ماني بشايفه لو صح اعتقادي

ودي اسأل بس اخاف اني ما احصل لي اجابه
واتراجع واترك اللي في فؤادي في فؤادي"

[هادي @2iihr]

يا سيّد الروحات والجيّات
والذكريات الحلوه المرّه

تبي تعرف معناة جلد الذات؟
شفني وانا اعاود الكرّه

بيتك مزار الضيق والآهات
وعلى الرغم من ذلك .. امرّه

مازال وجهك سيّد الاوقات
رغم الغياب المرّ بالمرّه

يمكن تخون الذاكره مرات
ومعك انت ماخانت ولا مرّه !