اغرب فترة ممكن تمر علي هي ذي الفترة، صرت ما أعرفني ولا أعرف قراراتي، ولا أعرف ليش جالسة أسوي كل ذا ، حياتي صارت عبارة عن استفهامات كثيرة، وجالسة أشوف تغير كبير فيني، صرت ما أبغى أقابل ناس، ولا أي مناسبة تجي، ما أبغى أتعرف على أحد، ولا أسولف مع أحد ، صار مافيني طاقة أسوي أي شيء
كأن كل شيء صار يمر مرور عابر ، مشاكل عائلية حتى الجروح الي كانت تكسرني صرت أتجاوزها بصمت، من كثر ما تعودت على كل شيء سيء، تعديت مرحلة التبلد، وصرت أحس إني إنسانة ما عاد تحس بشيء
الغريب من الأشياء الي جالسه تصير لي الغريب إني تعودت عليها، التعود نفسه صار يخوفني يوم بعد يوم، لأن أشياء قبل كنت أبكي عليها أيام وأتأثر منها بشكل كبير، الحين صرت أستقبلها وكأنها شيء عادي، بدون ردة فعل، بدون حتى شعور واضح
أنا أختار أن أكون باردة، لا لأنني عديمة الإحساس، بل لأنني أحمي مشاعري تمر مواقف تشيب الرأس، وتأتي أيام حتى القوي ينحني لها ... إلا أنا ، فقد تعودت، وتجمد قلبي منذ زمن ومن فرط اعتمادي على نفسي، صرت أختارها لتساندني في كل شيء، حتى نفسي غدت ترى كل ما يحدث عاديًا وطبيعيًا