#عّذب
انطفى نور المدينه واختفى صوت الزحام
وكل ما عمّ سواد الليل سألني وش الجديد ؟
علمه انه جديدي والبدايه ومسك الختام
وعلمه اني كل يوم احبه واسايره من بعيد
دسيت لك سر ما بيّحت سده سود الايام
ولا شافت الأيام مثلي ولا لقت مثلي عنيد
أتمنى لي قلب ولو قسمته من عدة اقسام
كل قسم يحبك ويتفاخر بينهم اللي يزيّد
لا تلومني والله انك تدري ومثلي ماهو يلام
وانت من يموت فيك حبك يدعونه شهيد
يروحون ويجيب الله على دربي كثر ما راح
ولكن ما خذا غيرك بعمري نزعة هيامي
كأنك منخلق من ضلع قلبي اندماج ارواح
مابيني وبينك احساسٍ غريب اغرب من اوهامي
انا جيت أسكنك موطن لحد ماجيت لك سواح
لقيتك منشأ الحب الأخير وريحة أحلامي
تمر الشهور كل يوم ولا فيه يوم من الأيام
الا وقبلت لك صوره في بوك جيبي مخبيها
اتقوى بك في حياتي وانت الوسيله والغرام
يا الحياة الي كل الطرق ما تؤدي إلا إليها
#عّذب
#عّذب
مرحبا يوم جيت ومرحبا يوم تنقال
تاخذ من عمري سنه لواحدً غالي
لعاد تنشدني شلونك وكيف الحال
وانت تدري ان صوتك يغير احوالي
لبيه لبيه يا صوتً يحيّي بها الأمال
ولبيه لصوتن علقت به كل آمالي
شف كل غصن مع الوقت قد مال
وانت غصنك لحالك للحين ما مالي
يوم الناس ما تكنز الا الذهب والمال
انت كان قوت يومي ورؤس اموالي
انا اسف انك معي في الحلّ وترّحال
اخاف أتعبك كل ما جيت في بالي
#عذب
الله خلقني لك ولجلك ولـ هواك
مالي مع الناس مجنب ولا مّله
شفني وانا تايهن في سماك وماك
وانا فيني من الشوق الفين عله
لا ما نسيتك قلي كيف بنساااك
وانت لغز(ن) عجزت العالم تحله
قلي وشهي حياتي بدونك ولولاك
وانت الي خذيت قلبي دقه وجله
أبحلف ما على الدنيا هذي سواك
والله ولا فيه مثله ف الكون كله
ادري انك اتناسى وتلتهي بدنياك
وان جيت في بالك تطرده وتشله
لا مر طيفي عليك ، عاني لك وجاك
قلطه ما بين عوج الحنايا وخله
شف وش حصلي من بعد فرقاك
عندي شي في الخاطر ودي اهلّه
انسى دقيقه ماحصل لك بدنياك
لك بيت في عيوني وقصرً تدله
تعال قلي وانا بجلس هنا واتحراك
قلي انك بخير وامورك مستقله
ليه الوم الناس لا همشوها وانصفوك
وعينك اوسع من بحرها ونوفك نوفها
لك قلاده فـ المرايه وصورة وسط بوك
كل ماحاسب على الطيبين اشوفها
ليلةٍ جابتك من غرب واحلامي بروك
والله ان اموت ماسج عن معروفها
استكن الليل واستاكن اوراق الشجر
وابتدا ليل الهوى الي يلاعبني هواه
الله اكبر وش خذيتي وانا توي غّمر
لين بان الشيب في وجهي واعتلاه
ما اتخيل يوم واحد في بالي ماتمر
واشكر الله واتحمد على منة عطاه
لك معي صوره وفيها تفاصيل وعمر
كل ما ضاقت علي جيت ادور للنجاه
صورتك شافت عيوني كل يومً تنهمر
بحتفظ فيها وهي قوت يومي والحياه
كل ما شلت صورتك كني اشيل الجمر
يحترق جوف قلبي وجعل قلبي فداه
ما نسيتك ولا لي حيله غير الا الصبر
كل يوم احبك وحبك مستحيل اجفاه
#عَذب
طاحت الدمعه وانا حالفً انها ما تطيح
ويوم طاحت كنها الغيم يمطر وابله
من يقول اني بعد هجر خلي مستريح
ماصدق في قولته جّعلْ يفقد ناس له
والله ان يبطي غرامه وانا بابطي جريح
و والله ان عروق قلبي غصونن ذابله
فالنهايه دايماً مايصح الا الصحيح
عاش قلبي في غرامه وراسي شاب له
#منازع