ًً

[ًً @2m7tar]

سبحان الله والحمد لله ولا إله إلا الله والله اكبر

[ًً @2m7tar]

من ظلمة الليل و عنى الايام و ظروف السنين
طال السهر و النوم ما مرّ العيون الساهرة

البارحة فوق الثرا بين الجدي و الفرقدين
ما غير افكّر و ارسم ايامي بـ فكرة زاهرة

رغم انكساري من ظروف الوقت لي جنبٍ متين
و ارادة الرجال تقوى بالظروف القاهرة .

[ًً @2m7tar]

اقول اني نسيتك و أدري ان وجهك خشير البال
تمر ضحكتك و أضحك .. ولو ضايق علي ثوبي

[ًً @2m7tar]

تاخذ الايام من وجهي الضاحك ذبول
كل ما يضحك حجاجي تقول الضحك دين

ان جرعت من المراره ، جزعت من الذهول
و ان صبرت من الصلابه ، بكيت من الحنين

[هاجس الصحو @wwwwewwwe0]

محتاج نور ٍ يبشرني على رجواي
واعَرْف هذا السديم أن طال؟ يا قربه

[مطلق @zrv98]

مهما إختلف الوقت والزمان تبقى "الحبيب ان غاب زوله او حضر/ مايحب القلب محبوبٍ سواه" ثابتة كدليل قاطع

[ًً @2m7tar]

الأحداث الأخيرة كلها حيرة وحرب أعصاب
وقلبٍ ما يرجعه لحياته غير مطلوبه

أوقف كل ما هب الهوى في عالي المرقاب
وأغني مثل من عدى الرقيبه راس مشذوبه

وش يطمنك من بعد الجفا يا قلبي المرتاب
وأنا شاعر يشوف البيد بيته والقلق ثوبه

#الحرب_العالمية_الثالثة

[ًً @2m7tar]

الظروف تعّلم اللي ماتعّلم
كلمةٍ كتبت على باب الليالي ..

[ًً @2m7tar]

ياقوم وش باقي من الوقت ياقوم
حنا نحسبها " دقيقه .. دقيقه "

هذي ثلاث شهور ما نعرف النوم
فالصبح همّ وتالي الليل ضيقه

ياكثر ما نبغي من احلام واليوم ؟
عسى جميع احلامنا في حريقه .

[ًً @2m7tar]

تضايق صدري وخابت هقاويي وظني خاب
من اللي لابغوني " رحت انا ادسّم شواربها "

ينرفزني الردي لامن تجمل بـ الرجال وطاب
وهو لولا الريا ما كان يسعى في مناكبها !

أمورٍ شيبت راسي وأنا توي صغير وشاب
و صكات اليالي كل ما عالت سبايبها

[ًً @2m7tar]

هبت انسام الرياح و زاحت اطراف الستاير
عن شعورٍ ما وراه الا الحسايف و الغبينه

كن حاديني من ظروف الزمان الشين جاير
كارهٍ بعض الحضور و فاقدٍ طعم السكينه

[ًً @2m7tar]

ماقلت كيف الحال .. لأن الحال مايحتاج كيف
اقول يا شين القوي لا صار منهوك القوا

ماعاد في نفسه عزم ماعاد في قلبه وليف
والله ماغير تشوف لك جثه معبِاه هوا

الموت ماهو دخله فالقبر لو انه كليـف
الموت لاصار الفرح و الحزن في عينك سوا

[ًً @2m7tar]

كلّ حلمٍ فاتني بالأمس وصّل له سلامي
ما على الفايت حسايف والندم قصة قديمه

ادري ان الحلم لا منّي عطيته إهتمامي
صار حلمٍ للجميع وصار له معنى وقيمه

[ًً @2m7tar]

من اول أشرّف على روس الأطلال
والحين اجنّبها و أجي مع طرفها

تلاشت الأحلام مع درب الامال
و اليأس مر الأمنيات و جرفها

كم لي وانا مع طيف الأوهام رحال
والحظ لا زانت حياتي حرفها

ابحث عن السجّه و عن راحة البال
اللي مااغير اسمع بها ما اعرفها

[ًً @2m7tar]

نذرٍ علي ان عشت ما انكّس الراس
لو كان كـلّـفت الحمول الثقيله

ما الله خلقنا ناس من عرض هـ الناس
ميقافـنا عز و سطـرنا فضيله

[ًً @2m7tar]

سمحنا وعفنا وانتهينا من الغالين
سماح الحشيم اللي وقف ثم نفض بشته

[ًً @2m7tar]

منعزل و العزله بوقت النفاق افضل سياسه
تكوي الحاسد وتبعد عني اللي مايبيني

وش كسبت من المجامل ماكسبت الا التعاسه
اتحمل غلطه الي بالقاء ما سر عيني

ولاني بـ مجبور اجامل واحد مابه فراسه
يظهر البسمه ويخفي داخله حقد دفيني .

[ًً @2m7tar]

الخاطر إن طاب من حاجة عليها السلام
لو إنها أغلى من عيوني علي عفتها .

[ًً @2m7tar]

رحنا وجينا و صار الصبر مثل السلاح
ماعندنا كان ماطاعك زمانك طعه

نخاشر الطير لوانه يرفّ الجناح
ونسوق الاقدام ودروب النشاما سعه

ماتربط ارزقنا في ليل والاصباح
الليل رزقه معه و الصبح رزقه معه

[ًً @2m7tar]

الورد لا كثرت يدين العرب حوله
حتى ولو ما انقطف ما عاد يغريني

إن جاء على باله إن يديني تطوله
يجي على البال يتبرّى من يديني

[ًً @2m7tar]

يعيش في قمة الساحه قوي العزوم
ويسوق الطموح لغايته لين يدركها