جراح العيبان

[جراح العيبان @2rciir]

اسكت و تابع يا ضعيف الحيل ..
و استوحش الأيام , . لا دارت

تبي تصير الراس / و انت الذيل !
هذي هي اللي . . ما بعد صارت

[جراح العيبان @2rciir]

إن كان عينك تشوف الدرب منت بـ ضرير
تراي أجيد النقاش و عندي أخذ و عطاء

لكن إليا خربت أخلاقي ما أحّب أستشير
أمشي على اللي بـ راسي صح و لا خطاء

[جراح العيبان @2rciir]

يوم شفت البوم في وكر النداوي
شانت أخلاقي وسكرت الدريشه

بالطيور فروق ماهن بالتساوي
فرق عين وفرق قلب وفرق ريشه

والاوادم مثلهن عارج وهاوي
ماورى البومه ولا الرديان عيشه

لا انحنى راس الضعيف والدناوي
بدلوا روس الرخوم براس شيشه

[جراح العيبان @2rciir]

الفضل للي يعطي الطيب والجـود
ناس تسـددها . . وناس تقـرب

لا ترتـكي دايـم على المال و الـزود
والجاه والمنصب والاسم المعرب

يمكن تثـور فـ الخبا . . وانت بارود
ولا تصدي وانت سيف مجرب

[جراح العيبان @2rciir]

مانيب قايل ليه صار الغلا غل ؟
الحسْد ماغيّب عن الارض زوله

محرقهم انك صاير الكل بالكل
وانك قدرت تسوي اللي تقوله

[جراح العيبان @2rciir]

عزوم الرجال تموت مثل الرجال تموت
وانا أظنها ماتت مع خالك وجدك

انا والله المخطي خطا ما عليه ثبوت
عطيتك سلاح يرتعّد في كنف يدك

وذخرتك لو انك ماتنذخر في لعب بلوت
وتقدمت بك حدٍ ماهو والله بحدك

[جراح العيبان @2rciir]

اعتزلت الناس وابشرك طيّب
ماغبطت اللي ورا الدنيا يطارد

جعلني ماسوم وجهي عند خيّب
المقابل شين والترحيب بارد

والرفيق اللي محاضيبه قريّب
مايوردها عديات الموارد

محسنٍ ظني وحسن الظن طيّب
غير في بعض الامور الشك وارد

[جراح العيبان @2rciir]

من باب هذا الكلام اللي ع حله
علومي عفاك ياللي تسمع ابياتي

ياصاحبي خلها ماهيب منحله
ماعاد لك حل غير تروح سكاتي

وش خانة العذر عقب اللي حصل كله
كرامتي عندي اغلا من علاقاتي

[جراح العيبان @2rciir]

أحدن تبي تضحك له وجيه الليال
وأحدن تبي تضحك على شواربه

[جراح العيبان @2rciir]

تكفى تغانمني قبل ما اجاور اصحاب القبور
انا لو اني منك قمت بواجبي بأكمل وجه

[جراح العيبان @2rciir]

والله انك عزيز وغالي ومحشوم
ان قطعت الوصل ولاقطعت السلام

لو يموت التواصل بين ليله ويوم
ما تموت الضماير في صدر الكرام

[جراح العيبان @2rciir]

يامال الشحم روس النوايف هواها صلف
وهذي ضريبة من تربّع على القمه

[جراح العيبان @2rciir]

يا قوم أنا ما تناسبني هموم العبيد
اللي تغرف لصحنها من صحن غيرها

[جراح العيبان @2rciir]

قبل يوردني لساني زمهرير
على الكلام الزين ي رب اهدني
-

[جراح العيبان @2rciir]

تشره وانا ماني على شرهتك مكلوف
ولاني مساير .. عقلك الفارغ وطيشه

ندبناك فلزوم الرياجيل وحنا نشوف
تركت اللزوم ورحت تركض ورا العيشه

مواقفك يعكسها لنا وجهك المخطوف
وأكذبك لو تجيب الأعذار .. في خيشه

تهمشت بين الناس من ذل ولا خوف
والرجال مايرضى من الناس تهميشه

[جراح العيبان @2rciir]

عسا مراويح السحاب اللي على الارض امطروك
وازهر قوامٍ بعضه مثنى وبعضه منهصر

ماتاخذ الا ثار ضحكاتك من اللي زعلّوك
ومن السنين اللي تزاول لي وانا مازلت اصر

اوقّف اقدامي على خطواتها اللي ضيّعوك
واعلّق احلامي على طال الزمن ولا قصر

[جراح العيبان @2rciir]

@MajidMusaad بتوفيق يبو طلال

[جراح العيبان @2rciir]

وقوفي في سبيل الشّاردات من القصيد جهاد
لعين البندق اللي ما اخطت المطلوب في عينه

لو انّي من كثر ما اطلقت ساقي فوق الارض طراد
تصاغرت الوقوف الا الوقوف اللي على حينه

على جرّ النّسم من غير حاجة ما عرفت انقاد
انا اللي لو يوقّف ، وقّف الدّم بشرايينه

[جراح العيبان @2rciir]

أعمارنا تقصر لـو الدنيا تطول
والموت لايمكن تعدي ساعته
ٰ
مشغول فالدنيا واعاتبها واقول
الله لا يـشـغـلنـا .. الا بـطاعـته

[جراح العيبان @2rciir]

ياراسي أبطاك الصفى ماتباطيت
العلم فيه انه وانا داري انه

لكن متى ماضاق جوّك ومريت
مر المكان اللي يقولون عنه

وإبك .. البكى ما عيّبك لاتوازيت
ترى الضعيف اكثر من يشاف سنّه