ِ

[ِ @2rh6_]

« بعد ايام وسنوات،
حتىٰ لو نال المرء ما هو مناسب له.. سيظل واقفاً عند تلك اللحظه التي لم ينل فيها ما كان يريد، حتى لو لم يكن خيراً له »

[ِ @2rh6_]

انا من الحزن مثل اللي معه سكر
لاجاني الجرح يبطي ما برى مني

-مدغم ابو شيبه

[ِ @2rh6_]

"لو بقى للهيل صبرٍ على فوح الدلال
ما بقى للقلب صبرٍ على شيء يرتجيه"

[ِ @2rh6_]

عقلي الي كان يبغي من الواقع هروب
تالي الايام يبغي الهروب من الخيال

ما تنحّت ضيقتي يوم لاحيت الهبوب
زال شيءٍ همومي وشيءٍ لا يزال

ّضيقّوك وجابوا اقصاك يا الصدر الرحوب
كل ماراحو وعادوا على نفسى السؤال

المعزه يوم شافوا مزاياها عيوب
قلت اشوف عيوبها ايه من ايات الجمال

كان ذنبك عزة النفس تكفى لا تتوّب
جعل ربي ما يذل العزيز مِن الرجال

طال صبرك وانت دونك النور محجوب
تنتظر يوم الفرج من هلال الى هلال

احسب لك حسبة الصايم لوقت الغروب
كن ممشى الوقت ممشى محاميل الجمال

ياكثر ما تلزم الصمت وعيونك تنوب
لحظةٍ فيها لسانك رهين الاعتقال

لا رقت لأطراف الاحداق غصّات القلوب
حولت مثل الجلاميد من روس الجبال .

- جابر النشيرا

[ِ @2rh6_]

قالو علامك غادي اليوم شيبه
توك شباب ومالين راسك الشيب

ان كان شيبك فاقدن لك حبيبه
ياما فقدنا والليالي تجاريب

قلت الهوى كبّيت خبثه وطيبه
لو الهوى ما هو حرام ولا عيب

شيبي فراق اهل العلوم العجيبه
اهل النخاوي عند عوج العراقيب

غابوا وغيبتهم عليّه مصيبه
وفارقتهم ما فيه شكٍ ولا ريب

الموت خصمٍ مالقينا طبيبه
علة نحر ما تنعرض للأطابيب

والفقر غلّقها عسى اللّٰه حسيبه
واللي ما شاب بوقتنا اليوم ما يشيب

لا صار تقدير الرجل غير جيبه
منين لك تقدير يا فارغ الجيب؟

حيٍ يجيب له المكاسب نصيبه
وحيٍ نصيبه لا يودي ولا يجيب

[ِ @2rh6_]

اللهُّم ارحم من هُم في ودائعك وبرد عليهم قُبورهم وأجعل الجنة داراً لهم اللهُّم ارحم موتانا وموتى المُسلمين.

[ِ @2rh6_]

كيف بـ انساك وان هب النسيم ومال
قام يجتاح طيفك سبع الاراضي

يمكن العشق يوقف بك على الاطلال
بس انا العشق وقفّ بي على الماضي
— فالح بن غشام

[ِ @2rh6_]

واصلٍ لي مرحله ماهي مثل باق المراحل
تعترض قدامي الفرصه .. وأخلّيها تعدَّى
— عناد الشيباني

[ِ @2rh6_]

ولو حاول الشايب يكافح ظهور الشيب
تدور الليال و تفضحه عشر ذي الحجة

[ِ @2rh6_]

« كل ما اشيّد من احلامي مشاريع وعماير
لا انتهى ليلي تصبحها . . مراسيم الازالة »
— سفر الدغيلبي .

[ِ @2rh6_]

«أنا يا ربّ لو كانت حظوظي في حياتي قِلّ
عزاي إنك لطيف، وكل شيٍ — موكلك أمره»

[ِ @2rh6_]

«العمر يفنى والحياة أحلام والدنيا متاع
يا كم نفسٍ روّحت ما حققت مطلوبها»

- وصل العطياني

[ِ @2rh6_]

عقلي اللي كان يبغى من الواقع هروبّ
تالي الأيام يبغى الهروب من الخيال .

[ِ @2rh6_]

لا باس يالجوف الكتوم وسلامات
فيك اسرفت كف الجروح الكريمه

‌واللي يشوف الوجه والابتسامات
ما يدري ان الصدر مسرح جريمه

— سالم حمد الملعبي

[ِ @2rh6_]

لا تحسب السّاكت اللي مايسولف سالي
ساكت ٍ من كثر تفكيره و قلَت وجده "

خاطره من ضيقة الايام مّاهو خالي
الصبر مّاعاد فاد و لا لقى له نجده" .

[ِ @2rh6_]

ياعذاب اللي هقاويه وأحلامه كبار
يحسب الدنيا تراعي شعور الطيبين

[ِ @2rh6_]

« يارب الأرض ويا بديع السماوات
فرج هواجيسٍ .. بقلبي تخاوت »
— عبدالله بن عون

[ِ @2rh6_]

حالي من حال ابن جدلان يوم قال :
" ماعاد لي في هزيّج المجتمع فاقه ".

[ِ @2rh6_]

كل ما جيت أتخلص من علامات أضطرابي
ما قدرت أزيّف الواقع، وأصد مْن الحقيقة

-عويد النجود

[ِ @2rh6_]

في مجريات الحياة، العقل دربّه دليل
أسرافك الزايد بطيبك بلا فايده

حْاول تجي معتدل ويصير مالك مثيل
ما ينّكب الطيب إلا الطيبه الزايده

-تركي الحويّدر