عسساف :)

انسني وقت الرخا واليا ابتلشت اذكرني :)

[عسساف :) @2ssaf_]

لا تنادي للمقفي و لا تهيم بـ كل وادي
القلوب الي تحبك ما هي بحاجة عزيمه

[عسساف :) @2ssaf_]

يارفيقي يوم مال النديم الا النديم
والله اني غبت من حاجةً متسبّبه

عادني ذاك المشبّب وصاحبك القديم
غير مرّتني ضروفً .. ماهيب مشبّبه :(

[عسساف :) @2ssaf_]

عن الي قد مضى لي لاتسولف يا نديم الليل
أنا من راح عني .. مانشدت الناس وشلونه :)

[عسساف :) @2ssaf_]

تبدد ضيقي الطاغي وسيّل محجري عبرات
وانا رجال لو يخسر حياته .. ما خسر سلمّه

اصارع ما بقى من لذة اللهفه وحرب الذات
فقيرٍ ما بقى له .. في قواميس الهوى كلمه

عرفت أن الهوى رحله نهايتها " جفا وشتات "
مع أن دور البطل ما ينتهي ، لو إنتهى حلمه

[عسساف :) @2ssaf_]

@babwjeop @sueud_5 8

[عسساف :) @2ssaf_]

أنت حلم لو كسرته كني أكسر ساقي
مثل حلم القدس في رام الله وفالضفه

أنهزمت من الفراق وحزن قلبي راقي
والشجاع ان حب توخذ بندقه من كفه .

[عسساف :) @2ssaf_]

تعمدت السكوت و رحت متجاهل وانا ملتاع
عسى غيابي يتلك للسؤال و ينثر اشواقك

اوزع باتجاهات اللي يعرفونك نظر و أسماع
يا عل اصواتهم في قفر روحي تمطر ارزاقك

يقولون البعاد ينسي قلوب و يزيل اوجاع
علامي كل ما طال الغياب احن و أشتاقك

[عسساف :) @2ssaf_]

رسمت وجه المليحه في خيال الكفيف
وابحرت به بالوصوف الين شاف وعرف

فيها طهور النزيه اللي مقامه شريف
ودّك تطهّر بدمع عيونها لا ذرف

في مثل هذي العيون اللي هدبها كثيف
تسلّم الروح ويموت الشجاع بشرف :)

[عسساف :) @2ssaf_]

اي والله اني مبعد وغايب ومسرف فالغياب
صايبني من المجتمع صده ونفسي شايمه

اغيب واليا غبت يلحقني مشاريه وعتاب
وإن جيت قالو مرحبا بالغايب وغنايمه.

[عسساف :) @2ssaf_]

@Hedajj_ غيرنا محتوى تويتر .. 😂

[عسساف :) @2ssaf_]

انتي ستيييرة عرب .. و انا ولد راسس قـوم
في وجهي ووجه أبوي انه مايلحقك اذى :)

[عسساف :) @2ssaf_]

بادرت ما بادرت ما عدت أنتظر منكْ اهتمام
حنانك المزعوم وينه يوم كنت بحاجته

ما والله أطلب منكْ شي ويلحقك مني ملام
الحاجة اللي ما تجي من طيب خاطر باهتة

[عسساف :) @2ssaf_]

*

والله ما اخترت الفراق ولا تساهلت الرحيل
لكن قلوب الطيبين تضيع مثل حقوقها :)

[عسساف :) @2ssaf_]

في ذرى الله مالنـا بـ المّقفين حاجه

[عسساف :) @2ssaf_]

وإن حصل مني خطأ لا ترديه انتقام
إنتقامك يجعل القلب من يمك جزوع

قفلي باب العتب وافتحي باب الغرام
واسفهلي وأغرقي بالغلا حدب الضلوع

ودعيني للبدايات يا مسك الختام
ودي أعيش أول الحب بإدراك وخشوع :)

[عسساف :) @2ssaf_]

انت عندي مثل عاقاً ما يبر ب والدينه
لو يوريهم نجوم القايله ،، بيضل غالي :)

[عسساف :) @2ssaf_]

ذكرياتك كيف بنساها وكيف امسحها
من يبعده القدر ماهو بـ مثل العايف

فاقدك والفقد حاجةٍ ماقدرت اشرحها
من تجرّعها يعيش العمر منها خايف ")

[عسساف :) @2ssaf_]

يالربع لا احدٍ يشرّه و يلحقني ملام
الضغوط تزيد و الصبر منسوبه يقل

المحبه طبعها من قبل 200 عام
تخلف اللي يلبسون المشالح والعقل

من يهاوي ناحل القد ممشوق القوام
لو تثيقل بعض الأحيان ماحوله ثقل

والبـلاء لآصـار توّه مداااقش فـ الغرام
وطاح له في وحدة ٍ ماعطاها الله عقل :)

[عسساف :) @2ssaf_]

احبها صح بس احبها .. بـ إحترام
حتى من النفس صاينها ما ضريتها
"
كتبت فيها البيوت اللي بعضها حرام
وانا علي الحرام .. اني ما مسيّتها
"
الحاصل ان الكلام اللي عليه الكلام
وصيتها لا تخليني . . وخليتها '

[عسساف :) @2ssaf_]

على شعور المحبه .. يحسن الله عزاي
ماعاد ابي من طيوفك شي غير الخلاص

لو اني انسى الفراق .. اللي مبّيح خفاي
مانيب ناسي كلامٍ مثل ضرب الرصاص

آحاول أقسى على ماضيك .. لكن وفاي
يقول .. ما لك عن الرجعة مفر ومناص

أنا ما جيت أختبر حبي .. وآجرب غلاي
جيت آتطمّن عليك إنّك بخير وخلاص