يزيد العذل في طاري الشِفّ، لين يمَلّ
عدوّ الرجل : رجلٍ يماليِه في شِفّه
إلى ضعت في شِفّي، جعلني ما عاد أدَلّ
ضياعي ماهوب أكبر من القدس والضفّة
على ديرتك .. يا مورق المايل المبتلَّ
يا جعل الحيا لا بكَّر الوسمي، وزفَّه :
يدفّ الهوى مقدم سحابه إيليِن يْهلّ،
على سور بيتٍ يجمع الظلم، والعفّة
تدوس الخطاوي ناقع الما إليِن يْقلّ !
توالى النهار، وكاد شمس الضحى جفَّه
فدتك الطواري، ماني بْقايل أخذ وخل
خذ ولا تخلّي ما تبقَّى على رفَّه !
نبيهٍ إلى جرَّ النسم في ديارك: زلّ ..
لا سمَّوا عليه، ولا أنت كفّك على كفّه
وقلبٍ إلى هَبّ الهوى من طرفْك أختلّ..
تعال أدَخِل إيدك من ورا صدري وضُفّه
{ لغة العيون و الشعراء }
نظرة العين تنبي عن كنين الجوف
غط صدرك و عينك لا تغطيها
-ملفي المورقي
يا كثر ما تلزم الصمت و عيونك تنوب
لحظةٍ فيها لسانك رهين الاعتقال
-جابر النشيرا
قبل ليلين من ذا الليل شفت عيونك الثنتين
ودريت اني هذاك الليل ... اخر مره اشوفك
-عبدالله ال لزيوح
متحلفٍ فالسـانه اِنه ما يـقول
و عـينَه ماخلت شيءٍ اِلا قالته !
-عُمر بن هذال
خل الكلام من اللسان واخذ الكلام من العيون
اذا بغيت تترجم شعور العرب . . واحساسها
-محمد الشمالي المري
جعل صبح فيه ممل وليل فيه اشوف
طيفك اللي ينزع الضيق ويزيح الشقى
تردفه نفحة وصال مثل غيث القنوف
في كنف بشت الغلا اللي على وضح النقى
عاد هقواتي مواكيرها روس الطفوف
وعاد ظني فيك من فوق هقوة من هقى
في رجى بوح المظاليل واعناق الكفوف
واللقا اللي بعد عامين من إلى اللقى )؛
الله هو اللي الاقوياء عنده ضعوف
يعطي ولا يبخخل و يِحيي و يِفني
اللي بحب خشوم ومصايد شفوف
لو لاحح لي بـراقهـا ، ماشعـفني
وانا الى ماشافني قاصر الشوف
والله ما اقول لقاصر الشوف شفني
عند الدنيّ واللاش مانيب معروف
بس النـزيه من الرجال يـعرفني .