ِ

مالك إلا المرحبا ولو طالت المّدة ..

[ِ @2ttvi]

سبحان الله ، و الحمدلله ،
ولا إله إلا الله ، و الله أكبر ❤.

[ِ @2ttvi]

إقتنعت إن الليالي متاحف ذكريات
يوم تبطي سجّة البال بين أسوارها

اللي ظاهرها سعادة و باطنها شتات
وحشةٍ ما ملّت النفس من تكرارها

[ِ @2ttvi]

افضل العزله واعيش العمر واحب السكات
وازرع هقاوي الطيب لكن ماجنيت اثمارها

متشبعن من منبع الفقدان من كل الجهات
والضيق في صدور الرجال ولا تبيح اسراها .

[ِ @2ttvi]

لاصار ودّك بالشعور الصادق
عامل قلوب الناس طيب ونيّه

ترى الكلام الطيب يعيش دايم
حتى لو الوقت غّيب اصحابه

[ِ @2ttvi]

نمشي دروب العمر حلم وخيال
ونخفي جروح ما تبان بالصوت

نضحك ونخفي داخل القلب ثقال
ونقول عادي و الليالي تفوت

[ِ @2ttvi]

واثق من افعالي ومرتاح الضمير
خل الردي يفسرني على كيفه .

[ِ @2ttvi]

وإن اشغلوك اللي لهم عدة وجية
اضحك لهم ضحكة وسيع البنايد .

[ِ @2ttvi]

أثر الغلا والحبّ ماهو بالشوف
كم شخصٍ يعشق شخص ولا شافه

الحبّ فجأه يسكن القلب والجوف
وأغلب بدايات الغلا صدفه

[ِ @2ttvi]

لا تحتريني اسألك ليه غايب
من علمك تبعد يعلمك تنسى

علمتني شلون هجر الحبايب
بعلمك شلون الحبايب تقسى

[ِ @2ttvi]

ماهوب حنا اللي تغيرنا الايام
خل التشره والحكي والمكابر

لو رحت عنا عام او مية عام
ترجع وتلقانا على منت خابر

[ِ @2ttvi]

بالي من التفكير ماهو فاضي
عن زحمة الواقع اباخذ سلوه

خلوني احجز تذكرة للماضي
انا صديق الذكريات الحلوه

[ِ @2ttvi]

ياليت وقتي ياهوى البال وياك
عمري مضى وانا على قول ليتك

ماقول غير الله يحفظك ويرعاك
والله يصبرني ليا شفت بيتك …

[ِ @2ttvi]

يا ملهم الافكار للذكرى الى منك طريت
عرفت وش وقع الصبر على النفوس الشاكره

اسج واضحك واتظاهر للعيون اني نسيت
ولا انت شيٍ تبطي ايامه وهو في الذاكره .

[ِ @2ttvi]

ما عاد فيني غير ذكرى وذكراه
وأنفاس شوقٍ تحتضر بين الضلوع

خذا حنيني وانكسر قلبي ورضاه
وخلى عيوني في فراقه دموع

[ِ @2ttvi]

الزمان يحد نفسي على اللي ماتريد
وساق هقواتي والاحلام صوب الهاويه

وكل ما اذكر ذكرياتي وارجّعها واعيد
ضاقت الديره من الزاويه لـ الزاويه

هيه ياوقت الحزن علّم الوقت السعيد
زانت او شانت تراها كلها متساويه .

[ِ @2ttvi]

تعبت أدوّر في وجوه البشر طيب
وألقى النوايا خلف بعض الملامح

أتعلم الصمت وأخاوي المواجيب
وأداري الجرح اللي بقلبي مكافح

[ِ @2ttvi]

الظروف اللي ترد المهتوي عن دربه
ما ترد القلب عن حبه و صدق احساسه
ㅤ
مثل وضع المغترب لا طاولته الغربه
كل يوم يزيد شوق لـ ديرته و لـ ناسه .

[ِ @2ttvi]

مناديب تال الليل ضيق وسهر وإرهاق
و ذكرى قديمه و اضطرابات نفسيه

من يعيشها والله لـ يبطي وهو ماذاق
النوم الطبيعي و الحياه الطبيعيه :)

[ِ @2ttvi]

مساحة الليل ماكانت تكفّينا
كنّا نسولف ثواني والفجر يطلع

والحين عقب المفارق صار يمدينا
نشبع هواجيس من وحدة الين اربع

[ِ @2ttvi]

اجيب سالفتين حولك حواليك
لعل يأتي لك مع الناس طاري

وأن جاء مجالك واستمرو بطاريك
قمت اتليها كأن مانيب داري .

[ِ @2ttvi]

لاتنخدع في بعض الابيات والبوح
مرات كل اللي نقوله خيااالي

نكتب فرح والقلب مرات مجروح
ونكتب حزن مرات والبال خالي