دوامَــــه

﴿فَاسْعَوْا إِلَىٰ ذِكْرِ اللَّهِ﴾

[دوامَــــه @2uuuuf]

الشيخ منصور بن زايد
الامير خالد بن سلمان
🇸🇦❤️🇦🇪

[دوامَــــه @2uuuuf]

قاعد أسمع بارت لعبد المجيد
لما غنى وقال /

"وش تغير فيك منت إللي على خبري
ا��ت ذاك ولا إنت ذا احترت بك مدري "

وتساءلت يالله كيف كذا يكون البني ادم مره
اقرب من زرار ثوبك ومره ابعد من سهيل والجدي
مره يوهمك انه يودك ومره افعالك انت عنده
عدم اهخ ياناس الله يكفيكم من متقلبين الود

[دوامَــــه @2uuuuf]

أنت الأستثناء والباقين نزوات تتشابه
لا تخليني أحس انك تخليت بسهوله

في غيابك ماني الا غصنٍ في رجوى سحابه
ما فقدت الا السحاب وما أنتظرت الا هطوله

كم سؤالٍ ودي أقوله وأنا عارف جوابه
وكم جوابٍ ودي أعرفه ولا ودي تقوله

[دوامَــــه @2uuuuf]

أنطفى نور الأمان وما غدى للصبح طاري
وأبتدا ليل الشعر يرس�� مع العتمه نذيره

مر في بالي شريطٍ فيه من عمري مواري
يشبه أحلام السنين وعثرة الياس الأخيره

مو غريب ان السكون يجول في سكة نهاري
الغريب ان الصخب في ليلي أحداثه كثيره

[دوامَــــه @2uuuuf]

من بعد ما كنت أحسب اني نسيتك
مدري وش جابك على البال وذكرتك

ولا وعيت الا وأنا قدام بيتك
ما تقول اني قبل مدة هجرتك

ذا مكاني لا غفى الليل وسريتك
شف كم لي ما سريت ولا سهرتك

وذا مكانك لا تضايقت وجفيتك
وشف كم لك ما ترجيت وعذرتك

وذا مكان قلوبنا لحظة هويتك
فيه عمري أختصرته وأختصرتك

[دوامَــــه @2uuuuf]

تعبنا من مجامل واحدٍ يلعب على الحبلين
يظن إنه ذكي و الاذكياء تستغبي ظنونه

یا مرهين الملام ، اللوم ما يبنى على التخمين
اذا مابه خطأ مبين ، على اي اساس تبنونه ؟

يجاريكم وسيع الصدر من باب الذرابة لين
على حِدة عباراته و قسوتهــا ، تحدونـه !

[دوامَــــه @2uuuuf]

والله اني كنت ما أسمع كلام العاذلين
وكل ما قالوا لي أتركه عنك قلت لا

لين ما شفت العزاير وبيحت الكنين
وأنكشف وجه المضرة عقب وجه الغلا
‌ً
علموه اني لو أموت ما شفته بعين
ان رحل الله معه وان رجع فلا هلا

الوصل سلم على أهل الهوى والعاشقين
ورجعه من عقب وجعات ما فيها حلا

[دوامَــــه @2uuuuf]

أيامنا ماهي بماضي وتذكار
عشان تكفيني معك ذكرياتي

ما شفتها في يوم صورة وإطار
دعوه وعيّت لا تفارق شفاتي

عليك قلبي عايش بنفس الأصرار
أكثر من أصراره على أمنياتي

محبتك تبقى رغم كل ما صار
من أجمل أقدار العمر في حياتي

[دوامَــــه @2uuuuf]

ياللي لك الشعر يُكتب والمشاعر تذوب
الشوق ما يرحم والطواري بلا

تعال ما فيه واحد خالي من الذنوب
أما كذا مواصل العشاق ولا فلا

ان كان للحب دولة تستضيف القلوب
من غيرك أبايعه وأقدّم له الولا

أنا معك خاطري واسع وصدري رحوب
حتى لو اني حزين وخاطري ما سلا

[دوامَــــه @2uuuuf]

مدري خطاك أنت ولا الحظ ولا خطاي
سؤال منه الإجابات أستشفّيتها

علوم والونه المتفجره في خفاي
غفت على وسادة ضلوعي وصحّيتها

بقت لي الذكريات اللي عزاها عزاي
الله من ليلٍ سرّني وسرّيتها

[دوامَــــه @2uuuuf]

على الله لو يروح اليوم كله بين حزن وياس
وأنا ما أحب كسرة نفسي وما أداني خضوعي

وأنا أتعبني السهر وأرهقني التفكير والهوجاس
مضت حول الثلاث أيام دمعي مغرقٍ كوعي

بلاني ربي بقلبٍ صخر وبخاطرٍ حساس
ما بین أمسح غلا الغالين وبين أمسح دموعي

[دوامَــــه @2uuuuf]

يضيع الحب بالإهمال والتجريح والإنكار
ويضعف بالضماير مثل ضعف الوازع الديني

ما دام ان المواصل تم بالإخلاص والإيثار
على درب ما يشبهني لا يطري لك تجافيني

اذا بترحل شف دروب الفراق الراقيه وأختار
لجل ترحل ما تترك جرح واحد بينك وبيني

[دوامَــــه @2uuuuf]

بعض المواقف مالها أي تبرير
تراكمت وأنا عدوي عتابي

أعاتبك مره على شان تقدير
عنواني يمكن ما وضح من كتابي

وأعاتبك مره كـ أسلوب تحذير
أ��ا أعتدل ولا خصيمك غيابي

والثالثه لو توّقع النفس وتطير
لي عزةٍ تفرض عليه صوابي

اللي يحب رضاه برضاه يصير
الا الكرامة جرحها من عذابي

[دوامَــــه @2uuuuf]

أبرضيك لو رضاك من داخل الجيب
خلنا نتقابل والوجيه تتصافى

حاولت أوصلك بشتى الأساليب
أبيك من ضيم الشكوك تتعافى

حرصي عليك أحيان ما يعتبر عيب
العيب لا أغلينا بعض ونتجافى

الله يجعلني من الحب ما أطيب
وان كانك مرض يا جعلني ما أتشافى

[دوامَــــه @2uuuuf]

أحب زود الثقة وأحب قل الظهور
ما أحب أطارد ورى الأضواء مطارد سراب

أطلع وأنا غايب من الغايبين الحضور
ما أطلع وأنا حاضر من الحاضرين الغياب

لا تتهموني بفرط الكبرياء والغرور
لو ماني بذيب كان أكلوا عشاي الذياب

[دوامَــــه @2uuuuf]

كثر ما أحب الشعر ما أحب الظهور
أشعر برغبة شديدة للجفا السرمدي

ودي بدرب الغياب اللي يصون الشعور
ولا حضورٍ يكسر نفسيتي وجسدي

مشكلتي اني مزاجي وانتقائي حضور
اذا أنتهوا فوضويّن الظهور أبتدي

بيني وبين المقام السهل حالة نفور
أدور الحاجة اللي تستحق جهدي

[دوامَــــه @2uuuuf]

ماني على تبرير الأحداث مجبور
وما عاد عندي للتخاطب وسيله

برحل ودنياك الدنيّه بتدور
وتقول ليت الأرض تنبت مثيله

بتفقد اللي يفقدك بين الحضور
وتبحث عن شعوره بـ قصة بديله

فقد الأحبّه ما تعيشه على الفور
باكر تفوق وتجني أردى حصيله

[دوامَــــه @2uuuuf]

تمره ذكرياتٍ ما خذتها نعمة النسيان
ويزعجه الحنين اللي أمتلى به صدره وكنه

[دوامَــــه @2uuuuf]

عطيتك من بشوت الهقاوي ثلاث بشوت
ولا فيه بشتٍ جا مقاسك ولا قدّك

أحسبك من اللي لا دعيته يرد الصوت
وأثاريك تسمع��ي وودّك ولا ودّك

أنا والله المخطي خطا ما عليه ثبوت
عطيتك سلاحٍ يرتعد في كنف يدك

وذخرتك لو انك ما تنذخر في لعب بلوت
وتقدمت بك حدٍ ماهو والله بحدك

[دوامَــــه @2uuuuf]

لا باس يا راسٍ ملته التفاكير
وعاف المنام وعاف لين الوسادة

لابد من عقب المصاعب تياسير
والآدمي يصبر وصبره عبادة

نتعب ونقطع بالركادة مشاوير
وسعي الطفاقه غير سعي الركادة

بكره يبين الصبح ويغرد الطير
وأمشي مع العالم وأوزع سعادة

[دوامَــــه @2uuuuf]

أنا مُسالم ما أحب العداوات
العمر فاني والليالي قصيره

ترى السكوت أحيان مثل الإجابات
الصمت نعم�� له معاني مثيره

اللي يعيش الوقت عنده قناعات
لا مات يبقى عند الأجيال سيره

ماهو ضروري تعيش عندك علاقات
العُزله أحيانًا علاقة كبيره