‏‏☤ .

لايهمك جور الايام يالصدر الرحوب .

[‏‏☤ . @2vvwii]

ماسلم من ضيق بقعا لارسول ولا صحابي
خل عاد اللي يجدد توبته تاره وتاره

جعل ربي مايبدي ذنبي ويترك ثوابي
كثر مابدي على نفسي ونفسي فالصداره

كم قضينا حاجة المحتاج واللي فالمخابي
ما يطفي لمبة البانزين ويولع زقاره .

[‏‏☤ . @2vvwii]

الا يالله تقوم حظي اللي عاجز ما قام
على من بشتكي غيرك ومن بشرح ظروفي له

دعيتك يا قريب ويا مجيب تخفف الالام
تفرجها على اللي زادت الدنيا غرابيله .

[‏‏☤ . @2vvwii]

شيلو زهابي ترا صبري وصل حده
ابطيت عن شوف نجد وشوفة هضابه

تكفون خلوني اسج القدم قده
على رجى واحدٍ ماخاب طلابه

الرزق لا جابه الله ماحدن رده
وان كان ماجابه الله ماحدن جابه .

[‏‏☤ . @2vvwii]

عاضني ربي عن الشمس بالبدر المنير
وعفت حنّيت دفاها وبرد ظلالها

ما يشابه طهر الإحرام في السيل الكبير
غير قلبٍ ردّ روحي على مدهالها

يا حبيبي غاية الحب توحيد المصير
القلوب اليا التقت ما تعيش لحالها

أنت كنّك ركعتينٍ مع الثلث الأخير
كان ما صليتها ما عرفت أفضالها .

[‏‏☤ . @2vvwii]

تكوّني في داخلي يا سحابه
ثم اغسلي جمر الوله عل يطفى

واسقي متاهات الضلوع بـ إجابه
الين صدري من بلى الناس يصفى

وان ضقت حطيني بوجهه الرحابه
الضيق لـ صدور المخاليق منفى

ملت مشاعرنا تبوح بـ كتابه
و ملّت على صدر الوهم دوم تغفى

يعيش قلبي حر باقي شبابه
ولا يشيب وجلسته وسط تكفى .

[‏‏☤ . @2vvwii]

ظاهري هادي وداخلي بحر غريق
موجة ترفع خيالي وموجة تاخذني بعيد

في وسط راسي محيط ما يبي غير الضيق
يدي تلوّح من أعماقي تبي وقتٍ مديد

ألبس الثوب الرزين وأخفي الهم العميق
والحقيقة داخل أفكاري يتيم وسط حيد

يا كثر ما قلت طيب وأنا غارق ما أطيق
أصارع أمواج صمتي في زمانٍ ما يعيد .

[‏‏☤ . @2vvwii]

لو عزومي ما توردني العد الجذوب
صار حلمي مثل وردٍ نبت في مقبره

طالب العليا لو تضيق به كل الدروب
كن في صدره عن الياس عودٍ ينهره .

[‏‏☤ . @2vvwii]

انا والعين والصدر الكتوم بغيبتك نطريك
تمنوا شوفتك وانا ماظن الشوف يكفيني

تمنت عيني بنومي لو اني في محل اخيك
عشان اليا ضمت لك ترتوي من شوفتك عيني

وتمنا صدري المزحوم لو اني في محل ابيك
عشان اضم صدرك فوق صدري يامشقيني .

[‏‏☤ . @2vvwii]

بين تيار الظروف وبين خطوات المساعي
صرح المسؤول عن حلمي بمفلاس الذخيره

يضميري وليال دروس والدنيا متاعي
وابنادم لوتهرب ماتهرب عن مصيره

خابر اني قبل خمس سنين كنت اجتماعي
غير مدري وش بلاني فالسنوات الاخيره

دبرة الله خير دبره وامر خلاقي مطاعي
والقدر ينرد بالدعوات يالعين السهيره

[‏‏☤ . @2vvwii]

دعيتك ياسمي الريم وانت تقولي لبيك
وانا انشد وش بلاك وانت تقول ابيك لاتخليني

وليفي لاتلوم الشوق لارمد وهو يرثيك
بعد ماحالو اخوانك وأبوهم بيني وبينك .

[‏‏☤ . @2vvwii]

" ما أشقاهُ إلا عقله ، ورقته المفرطة على الأشياء، يتمنى لو كان عاديًا باردًا لا يحرك شجوه رفيفُ شجر ولا قطر مطر ، ولا يثقل قلبه انكسارُ أحد ، ولا لؤمُ لئيم ،لكنه يفهم كثيرًا وكل ما يمر عليه يسكنه ، وكل ما يسكنه يُتعبه ."

[‏‏☤ . @2vvwii]

يُخفي الله عن المؤمن حُسن العواقب اختبارًا ليقينه، ولو أبصر ما خفي من لطف ربه، لاستلذَّ البلاء كما يستلذُّ العافية .

[‏‏☤ . @2vvwii]

الصريح تحذفه العربان في سجن أنفرادي
تالي الأيام قول الحق نوع من الجريمه

يا زمن لا نيتي سودا ولا وجهيّ رمادي
أنا من قوم تشوف الموت أحب من الهزيمه

يفرقون أهل المبادي عن قليلين المبادي
مثل ما تفرق عن الأحجار الأحجار الكريمه .

[‏‏☤ . @2vvwii]

يانجوم الليل عني عايديه
قولي ان صويحيك عقبك وحيد
قولي ان النوم عيا لا يجيه
قولي انه حرم اللبس الجديد
وقولي انه مانسى العهد وعليه
وقولي ان الحال ينقص ما يزيد
والسبب كثر انتظاره علميه
الانتظار اشد من سجن الحديد .

[‏‏☤ . @2vvwii]

يسافر المرء لسنوات عبرَ دروب التجربةِ باحثًا عن موطن الخلل ، بينما الحقيقةُ تكمنُ في ظلمهِ لِنَفسه .

[‏‏☤ . @2vvwii]

حداك الحلم عن طيش الشباب لصحوة الإدراك
بعد عشرينك اللي من ربيع العمر مسروقه

اسولف لك عن شعور الندم يا عقلي الشكّاك
تقول أنه ورى حدب الضلوع مضيّعٍ نوقه

على كثر الشكوك اللي تراودني هنا وهناك
انا رجلٍ يشوف المستحيل من ابسط حقوقه

[‏‏☤ . @2vvwii]

العام يطرونه بكل التفاصيل
واليوم غاب الوصل حزت سحرها

عقب المواصل ضيعتنا المواصيل
عوج الليالي مالقت من جبرها

وادخل على الله يالليالي المقابيل
ماعاد ندري وش موالي صورها .

[‏‏☤ . @2vvwii]

صراع الحياه اكبر من العقل والتفكير
لا حنا على قدّه ولا رِتمنا رتمه

نشوف الحياه بوجه خيّر ونية خير
ورا سيرةٍ لابد في يوم منختمه

من يحس فالغربه ورا موجة التغيير
سوات اليتيم اللي محد حس في يتمه

يعيش ابن ادم بين يمكن وبين يصير
وهو خيط مربوطٍ من النور لـ العتمه .

[‏‏☤ . @2vvwii]

من الثلث الاول في مكاني على مركاي
مع هاجسي لين الفجر دق توقيته

تخالف همومي مثل وردً على سقّاي
حيام عليه وكنّه القيض مضميته .