.

[. @305__BD]

جادك الغيث يا قفرٍ بصدري سناوي
له زمن مانبت عشبه ولا سال سيله

فيه جرة هنوف وفيه مرقب نداوي
وفيه صوت يذكر كل خل بخليله

كيف ابسلاك ياوجه من الحسن ضاوي
العمى فيه يمكنه يقدي دليله

جيت له ناوي وضيعت وش كنت ناوي
جيت عابر سبيل وصرت راعي طويله

[. @305__BD]

ودي بواحد يسولف لي وأسولف علي��
من دون ما أحدّد الحزّه وتوقيتها

مندبلةٍ كبدي من الشعر من دون ليه؟
ياشلّة أسلم / ترى أسلم ذي ملّيتها

ودي بعزله عن الواقع وبعض الوجيه
مليت أجامل وجيه أضيق لا ريتها !

[. @305__BD]

كثر ما أنشرح صدري وأنا أحطّ عيني فيك
تقول إن جنبي شيخٍ .. يوصف لي الجنة

[. @305__BD]

ليا صد .. ماعاده مع الذكريات يلين
لو ان " الهوى غلّاب " ماتقدر تغلبه

ولو حنّ له قلبه و رفّت عليك العين
يده سكّرت عينه و رجله وطت قلبه!

[. @305__BD]

اخترت راحة خاطري والناس فالكون الفسيح
ماعاد اطالع في مزاياها .. ولا في عيوبه��

[. @305__BD]

أعرف من الألوان لون البدايات
أخضر و يذبل و يتحوّل رمادي

و أجهل من التوديع كل العبارات
الا فمان الله ، و طيب ، و عادي

[. @305__BD]

كثر ما كنت اخاف من المفارق صرت اشوفه خير
مثل ما كنت اخاف من البحر قبل اطلق شراعي !

[. @305__BD]

احس باحساس مْتقل��ب لا سعيد ولا حزين
و اعيش .. وظروف الحياة معلّيه و مدلّيه

تمرني لحظات آردد : " تالي الدنيا تزين "
و تمرّني لحظات اقول : ان الامور مولّيه

[. @305__BD]

الفرصة اللي تهيّت منتظر عام عام
يراود الشك فيها لين تصبح يقين

ايامنا البيض وشهي كان مابه ظلام !
وايامنا السود تُلمح من بياض الجبين

[. @305__BD]

في دربنا ، يا ثامن المستحيلات
صار العتب مثله ، مثل رمية النرد

يمكن يصيب ، و يقطع الاحتمالات
و يمكن يخيب ، و نؤمن ان الجفى برْد

خلّ الكلام و سكّت الشكّ بالذّات
و فيما عداه ، الله يعينك على السرْد

وشلون ما يحزن على الورد ، لا مات
اللي قضى عمره ، و هو يسقي الورْد

[. @305__BD]

جتني تعايدني بكشخه واناقه
وانا على وزره وأحد السكاكين

قالت متى تهديني الورد باقه
اهديتها كبده وجنب وكراعين

(خوش هديه)

[. @305__BD]

يقول فهد المساعد :
كل عام وأنا أعزك وأنت تغليني
كل عام والقلب بيتك والغلا دارك

العيد شوفك عسى ما تنحرم عيني
منك أنت يا اغلى بشر عايدني وبارك❣️.

[. @305__BD]

مرحبا ياطلة العيد .. وصباحه
مرحبا والعيد جاد ..بعيد ثاني

الوجيه احيان مافيها سماحه
وانت يا حلو الملامح مرحباني

ألبس اللي تلبسه ..وبكل راحه
دام شوفك ياحبيبي بالثواني

تاقف وتجفل مثل ظبي البراحه
عاد وصفك ما توصفه الاغاني

جعل قلبي كل مارف بـ جناحه
ينثني لك من غلاك اللي كفاني

[. @305__BD]

طلي مادام العود مبري ومياس
منّك المعايد صار كله قضايا

الله واكبر يوم جيتي على الناس
راحو ضحايا قبل ذبح الضحايا

[. @305__BD]

العيد بقربك غير يا بعد كل الأعياد
وش أبي أكثر دام عيدي معك

جعل كل عيد يمر علي وأنت معي
يانظر عيني اللّٰه يديمك لي كل عام
يا احلى من عرفت❣️❣️❣️

[. @305__BD]

عزّ الله انّ الجمال اليوسفي منحصر
فـ الفارع اللي يغار الزين ، من زينها

بنت ٍعليها خصر ماهوب بايّة خصر
من دقّه ا��صك قوسة قبضة ايدينها

اليا اقبلت بالتغطرف ضاع فيها البصر
واليا ادبرت قلت ينصر ربنا دييينها

الردف رويان ، في تقسيمها منتصرر
والخصر ناحل من التقسيم مسكينها❣️

[. @305__BD]

تبختري حسن ميلي غُنج تيهي دلال
أنا غرامي من الأغصان ميّاسها

فديت جيد ٍمن الشامات فيه إختيال
والشفّة اللي عرفت الخمر من كاسها

و جديلك اللي تفلّينه و ألمّه ليال
و عيونك اللي تسهرّني من نْعاسها

ما نام طرف ٍ نصيبه من جمالك خيال
كم نفس لحظة مرورك تحبس أنفاسها❣️

[. @305__BD]

الا ياغنوجٍ في رموشك رصاص الموت
وفي عنقك المنتوق سجني ومقيادي

ياحلو السلاسه في كلامك وحلو الصوت
بديع السوالف من شفايفك تنقادي

اصابع يدينك من غصون الكرز و التوت
وراحة كفوفك بلسم الجرح وضمادي

جمالك جمالٍ ساحرٍ من عمل هاروت
وعذابك عذابٍ مثل حجاج بغدادي

[. @305__BD]

ضويمرٍ بطنه صخيفٍ لطيفي
ياويل طراد الهوى منه ويلاه

لو يلبس الثوب الحرير الرهيفي
يضجر ليا منه لمس جسمه أحفاه

والنهد فنجالٍ جديدٍ نظيفي
في درزنه توه من الصين ملفاه

والردف شط حوار بكرٍ مصيفي
الله حسيبه لا مشى كيف يقواه :)

[. @305__BD]

قال مالك بالطويلة قلت لا بالله طوّل
انا عند الوجه هذا مالي الا بالطويلة

vs

السوالف بين أياديك ماودي تطول
ودي اقصْر بالسوالف واطول بالقُبل

[. @305__BD]

ياخشوعي في صلاتي ودعاي المُستجاب
يادف��ي ان ذعذع البرد لحظه موسمه

يا الثمان اللي تجلّت على السبع العجايب
حط فيك الله من الزين ما لا نعلمه

يوم قلت لي أحبك وقلبي فيك ذاب
صابني في وقتها شي مثل التمتمه