﮼لوعةالمغرم

الخيل حٌبـه في ضميري تعلاّ عشق البداوه للخيول الاصيله

[﮼لوعةالمغرم @305special]

لِيت القلوب تكون مثل الاسامي
تبقى ولو طال الزمن ما تغيّر

[باقي حنيني @3005awni]

ليتك تعرف الشوق لا صار واجد
وليتك تعرف أوّجاع كثر الحنين

[باقي حنيني @3005awni]

مابقى من حبه ألا بقايا ذكريات
ودي إنه راح كله .. وأخذها كلها

[باقي حنيني @3005awni]

يا اجمل اللي صار لي في سنيني
اليوم قلبي عن وصالك منعته

لو ان صدري ممتلي من حنيني
لـ صوتك اللي مبطيًا ما سمعته

والله ما بيّن لك الضعف فيني
ما دام حبل الوصل بيدك قطعته

" علاقتي وياك يا نور عيني "
ضرسًا به الخراج زاد و خلعته

[باقي حنيني @3005awni]

للعبد من نفسه على نفسه شهود
والنفس مرهونة بحسب اعمالها

ان كان لك نية على نفسك تجود
صل الصلاة اللي .. بعشر امثالها

صلاة .. مافيها ركوع ولاسجود
سهلة .. ولاهو شرط تتوضا لها
ﷺ

#عبدالله_الطلحي

[باقي حنيني @3005awni]

دق رقمي واتصل فيني وطمني عليك
وكل كلمة حب من ساعة عرفتك عيدها

صافح اسماعي بصوتك مثل ما أصافح يديك
عيدنا الليله وباقي الناس بكره عيدها

[باقي حنيني @3005awni]

ماترحمين الغيد ياباشة الغيد
من طلتك قامت عليهم قيامه

ياويلهم ويلاه من كشخة العيد
لاتكشخين وعيدي بالبجامه

[باقي حنيني @3005awni]

جمالها معضلة فكري إعجوبه
تزاوج أحلى نسل يعجز يكررها

كنها من الـ لا وجود فـ الأرض مصبوبه
تغار منها الأماكن بس تشكرها♥️

[باقي حنيني @3005awni]

أنا يوم واجهتك عرفت أن قلبي حيّ
تحسستي عروق الحياة ولمستيها

وأنا اللي قضى عمره ما يملا عينه شي
وجيتي بعد كبر الطموح ومليتيها

[باقي حنيني @3005awni]

من غبت عني والفرح مايبيني
اشكي من الفرقا وقل اهتمامك

صوتك وحشني ليتك تحس فيني
دق الرقم والله وحشني كلامك

ابيك لأيامي وفرحة سنيني
مشتاق لك ياللي ذبحني هيامك

خل التواصل حي بينك وبيني
لا يأخذ الحزن الكئيب ابتسامتك

وشلون تنساني وتنسى حنيني
وأنا الاسير اللي ملكني هيامك

[باقي حنيني @3005awni]

ليل الشتا جدد مواعيد الاشواق
ونسايم الذكرى تهادت فـ بالي

فاقدك ياللي خاطري كل ما ضاق
اشوف وجهك وابتسم لـ الليالي

[باقي حنيني @3005awni]

صاحبي مابينه وبين خلق الله شبيه
بس فيه من الوضيحي حلايا واشتباه

ودّي يحطون قدام بيته يوم أجيه
منطقة عبور غزلان يرجى الانتباه

[باقي حنيني @3005awni]

وجهك قضية جمال و نظرتك وادي
يهيم فيها القصيد و يختلف سرده

في لبسك المخملي او لبسك العادي
في كل الاحوال مختلفه و منفرده

[باقي حنيني @3005awni]

يا مدمنين انا تراني مدمن
لكن مهيب الحاجه الممنوعه

احلا من اللي تدمنونه واثمن
سوالفه ومقابله .. واطبوعه

[باقي حنيني @3005awni]

طلّة محيا العيوف اللي غلاها عفيف 
فيها : الكبر والغيا والغطرسة والحلا 

مابين سحر المفاتن والضمير النظيف 
وشلون ماقول تفرق عن جميع الملا

[باقي حنيني @3005awni]

عمرك كبر و انتي رفضتي تكبرين
لا طلّتك هانت ، ولا وردك ذبل

هذا الجمال الثابت ، تمرّ السنين
مافيه فرق ، الا انّه احلى من قبل💙

[باقي حنيني @3005awni]

أنا معك عن باقي الناس مشغول
وأحن لك وأحتاجك أكثر من أوّل

والله ولو أعيش عمري مية حول
قلبي لغيرك مستحيل يتحوّل

[باقي حنيني @3005awni]

وصلك ينسيني غرابيل دنياي
يحيي العروق الذابله في خفوقي

والصد يذبحني من اقصاي لقصاي
على عيونك يووه ياكثر شوقي

[باقي حنيني @3005awni]

أشتاق لك حتى وانا بين اياديك
وشلون أصور لك حياتي بدونك

حالي مثل طفل.. صغير يناديك
متولع باسمك وطيفك... ولونك

ارفع عيوني للقمر.... ثم اناديك
واصرخ وانادي يابعيده. بهونك

[باقي حنيني @3005awni]

حب فيك الزعل والغيض وجنونك
مع غيرتك وإرتجاف إيديك وعتابك

مدامك العشق الأول ليه ماصونك
تستاهل الحُب وأنت الحُب يزهابك🤍

[باقي حنيني @3005awni]

اما المحبّه وضعها وضع حسّاس
اغار حتى فالهوى من ظلالي

ماني بحـب اللي يحبونه الناس
انا احب اللي احبّه لحالي🤍..!