إنسان.

@33336i

ㅤㅤㅤㅤㅤㅤㅤㅤ ㅤㅤ ㅤㅤㅤㅤㅤㅤ⠀⠀⠀⠀⠀⠀⠀⠀ ㅤ ㅤوش يفيد الكلام؟ .ㅤㅤㅤㅤㅤ⠀⠀⠀⠀⠀⠀ ⠀⠀ ㅤㅤㅤㅤㅤㅤㅤㅤ ㅤㅤ ㅤㅤㅤㅤㅤㅤ⠀⠀⠀⠀⠀⠀⠀⠀ㅤㅤ

مـكان مــا .

Joined June 2018

97 Following

2.5K Followers

705 Posts

Pinned Tweet

إنسان.

@33336i

almost 3 years ago

"ما عُدت ذاك الضحوك اللي تخّبرونه"

10K

إنسان.

@33336i

17 days ago

لي ايام عقلي ما يوقف عن التفكير وانا واحدٍ ما يحتمل زحمة الافكار أدوّر مساحة هادية ما بها تعكير تنسي خُفوقي ما مضى له من الأكدار أداوي جروحي بالتناسي وبالتخدير وأشوف الأسى يبني على خافقي أسوار يخون الكلام إن جيت أدوّر على تعبير ولا ألقى سوى صمتٍ كتم لوعة الأسرار أجامل وجيه الناس من مبتدا التقدير وازم الحمول الكايده .... والظروف كبار طوينا سجلات العتب دون المعاذير وخليييت مااضينا على رفها تذكار ألا يا إلهي طالبك حـزة التيسيير ترى العبد ماله غيرك المنجي الستّار تفرّج هموم اللي شكى قلَّة التدبير وتجبر كسر قلبٍ على طاعتك صبَّار ابي ابتعد من كسرةٍ مالها تجبير وابي لي خبر يستنطق الساكت المحتار

874

إنسان.

@33336i

22 days ago

يروح الليل ما بين السؤال اللي يردّد ليش ؟ - علام الورد ما ينبت دام الأرض مبلوله !

295

إنسان.

@33336i

22 days ago

مرحبا ... تجيك حزه تضيق بك الدنيا بدون أسباب ولا سابق انذار تملي صدرك بالهموم وتضيق بك الدنيا وهي سعه وقيل على سياق ذلك: ضايق صدري ولا أدري ويين أروح كل ما حولت أسلي نفسي ما قويت ان شكيييت الهم تزداد الجـروح وان كتمت الحزن من همي بكيت

908

Who to follow

about 1 month ago

على كثر الوعي .. ضاع الكلام وعجزت اقول وعلى كثر الفهم .. مدري وشهي معاناتي! اعيش بنصّي الواقف .. وأخبي نصّي المقتول وأبين ضحكتي للناس .. وأخفي خلفها اهاتي أدور في زوايا الأمس .. مير الدرب لي مجهول يطول الصمت في بالي .. وتكبر بي متاهاتي سألت الليل عن همّي .. ومن اللي بالوجع مسؤول - أنا الجاني ؟ وإلا الوقت ؟ وإلا كذب هقواتي تعبت أكتب .. وضاعت من يديني حلول لو أكتب من هنا لبكره .. عجزت أرسم نهاياتي وعلى كثر الوعي .. ما زلت أدور مخرج مأمول " وطلع فهمي لهالدنيا .. هو أكبر جراحاتي! أنا جرح فهم نفسه .. وتاه ب عالم معزول وعلى كثر الوعي .. صارت جنازة صمتي أبياتي أنا اللى لو كشف همّه .. وقف كل البشر مذهول أبينَ ضحكتي للناس .. وأموت ب صمت صرخاتي

إنسان.

@33336i

about 1 month ago

ما عندك جهاز يلخبط المخ والاعصاب ويعطي شوي من الفرح . . والفكاهيه انا شعب به فوضى وانا حرب بين احزاب معاها سجين يعيش .. من دون حريه وفيني حطام سنين ومخلفات اغراب وغربه واغاني .. واقتباسات دينيه وشيخ انتكس مليون مره بعد ما تاب عجزت اختصر لك .. بس فيه ازدواجيه يادكتور انا عايش حياتي وانا مرتاب وصارت حياتي شخص مافيه شخصيه يجيني بكا وتضيق فيني بدون اسباب تخلي معي .. حالات نوب اضطرابيه وقلبي معذب دايم .. وخاطري منصاب ونوبات اعاني ... من شعور الانانيه انا شاعر مبدع .. وعايش بدون احباب انا نصف شعري .. فقد والنصف مرثيه تنادو علي وضيعوني .. وضني خاب وعاد الوفا فيني بضربات عكسيه عطوني حلول و عالجو قلبي اللي ذاب عجزت اتحمل كل هذا الوجع .. فيّه

إنسان.

@33336i

2 months ago

تناديك المساري ياظنون التايه اللي دلّ بعد ماصد من وجه العتاب وملّ تبريره تحت ليلٍ ماهو لا لأشتياق ولا معاتب خلّ لضلعٍ من زبن في نايفه مادور الخيره يشوف ان شرهته مهما تكابرها ماهيب الحل مع انه لو تخونه هقوته ماخان تعبيره ويشوف ان طول صبره ثوبه اللي لو شمر مابلّ كمومه من يقين جبلته والزهد ازاريره تهاتيه الشعور المنخذل طولي تراك بحلّ أنا اللي غض طرفه عن مداك و فضّها سيره و فتح لك باب قلبه يا هنوفٍ تتقي و تطلّ وهو قلبه مضيفٍ ما يملّونه مساييره تحت رمشك تفيّت عبرته ما كن غيره ظلّ عزاه أنك ملاذ لـ هاجسه و آخر مشاويره كريمٍ يوم جاد بضحكته لك جادها من قلّ يحن الغصن يوم يميل من شرهة عصافيره ما نادمْه بـ جفاف سنين عمره غير دمع و هلّ و ما واساه بـ ظنون الشامتين الا معاذيره عساه يصير من عقب السراب الضامي اللي علّ بعد ما زفّ له وجه الزمان أحلى تباشيره مهوب يخاف من عثرات خطواته يخاف يملّ و يفقد رغبته و احساسه و طبعه و تأثيره تغافل لجل يسمو بأمنياته عن دروب الذلّ و بعد ما قرْب من كسب أمنياته ، راحت لـ غيره .

إنسان.

@33336i

3 months ago

يا ملاذي .. لا تتركني ف رجوى وصالك لو ثمن رجعتك عمري ماسقت إعتذاري أجلس لحالي من الشوق أفكر ب حالك وش تسوي لا مر الشوق بين الطواري ! كنت أدور سعادة خاطري .. من خلالك وصرت أدور من فراقك طبيب إستشاري دام درب المفارق مثل درب المهالك وش يخليك تتركني أشوف إنكساري ! طيّب الخاطر إللي منكسر : طاب فالك لين أحس الرضى ماهوب حسب إختياري ليه أدوّر نجاه ؟.. وليه أدوّر بدالك ؟ وأنت حاجه ثمينه .. تستحق إنتظاري آسرف ب قلبي .. وما عندك إلا حلالك طاح لك قلب ما طاح ف يدين الضواري مر طاريك صبح و قلت ب أضرب مثالك كيف أشوف القمر يطلع و أنا في نهاري مالقيت أجمل من جروحك إلا جمالك لين ما صرت أدوّر من جمالك مواري! مالي إلا الطيوف .. إللي تمثّل خيالك راح وقتي وطيف سارح وطيف ساري كان .. ما تقدر تبادر ولو " ب إتصالك" لا تخليني !.. أفكر ( ب رد إعتباري ) أثبت إنك تبيني .. أو تبي عكس ذلك : و أوعدك مستحيل أعارضك في قراري

إنسان.

@33336i

3 months ago

على قبر اليتيمه( نـوت) ثوبي بالخلا شقيـت ذكرت الله وشبت في ضلوعي حـرب أهلـيـه عقب وتر السبع والخمس والتسبيح والتسميت طيور الما على سلمـى تغنـي ( طـاق طاقـيـه ) على باقي عـرق ساقي زجاجة كاهـنٍ شميت على قرنة حجاجه نجمـة السـبط اليهوديـه على الجنب التهامي لبسوني خرقةٍ من زيت تلالى مثل واري جمرةٍ فـي حوض صفـريـه على ساقة ملوكٍ من بـلاد الرافدين اضحيـت أركّـب سـن واقلـع سـن لـو مـالـه ولا لـيّـه وفي ريشة جناح ٍ من حمام الأخشبين أوديت أمذرع شان واقرع شن وآبـرقـع نصيـريـه وعلى ظهر النعامة سافروا بي سبعةٍ من هيت إلـى أعتـى شعوب الأرض الادنيـه والاقصيـه ذبحت العبد الادريسي ونجـل الطاغيه(حبريت) بأرض المغرب الأقصى طبخت مـن اللحـم نيـه على تابوت نـوت احيا واموت افنيت ما ابقيت ضربت الطار واجتاحـت عبيـد الـزار كونـيّـه على قبر اليتيمـه نـوت أجـدد حسرتي لاجيـت واقـبّـل ضاحـكـات الـمـوت تحتـيـه وفوقـيـه على شانك يانوت اعميت خطلان البشوت اعميت أقــارع كــل ذو ســدٍ وذو خـــدٍ وكـوفـيـه على شانك يانوت ادميت روس الخاينيـن ادميت أسـرّج مـرْج أمـرّج ســرج علـويـه وسفلـيـه على شانك يانوت اضرب بحد مصقلٍ إصليت وكدنـا ننتـهـي لــولا خيـانـة عـيـد الألفـيـه خبيثٍ من بني قومي سقاني حامـض الكبريـت قرت وسطه عجوز ٍ مـن ذوي حضـرم ظفاريـه وبسم اللـي لهول اسمه تزلـزل منبر السوفيـت نحرهـا اعلـى ظهـرهـا جـبـةٍ بالـسـم مطلـيـه ثلاث دهـور اصارع نافثات الزرو ماذليت أغيّب شمس وادفن رمس والأصنام مرميه ثلاث ازمان أداقش مسرجات الجان في تكريت ثلاث ازمان تمرخ لي ملوك الجان رجليه ثلاث سنين اعافر نافخات الطين ماوليت ثلاث سنين أكفن قاريـات التـيـن بيـديـه وثـلاث شهـور ألاعـي نـازلات الطـور مامليت أجاوب جنب خيمـة ضاربات الطنـب طبلـيه وثلاث ايام تنعاني سرايا يـام ليـن اصغـيـت أقــدم كــوع اوخــر كــوع يابـيـّي ويابـيّـه لذي الفيروز سادٍ معبد النيروز مالبيت لغير الواحد المعبود مـا أبديت مافيـه بوادي برك طارت بي حراير ترك يوم امسيـت أعاشـر ليـل عاشـر كــل ذي حـمـرا نميـريـه طباين سبك تدبك دبك ساع اقبلت ساع اقفيت لسـردٍ شـرد جـردٍ مـرد اصيّـح كــل قيسـيـه ببطن القرش اعشّـي حايمات العرش ماغديت وحرش الطرش اورّدها قليب الهـرش عصريـه بوجه الحوت جـل اللي خلقني ضيغم ٍ صنتيت هزبـر ماتحـرك مـنـه سـاكـن ألــف سكنـيـه ورب البيت ماخليـت منهـم بـيت ماهديـت أهــدّم دور وابـنــي دور والآيـــات متـلـيـه هل المزمار عبّـادة لـسـان الـنـار والباكـيـت بني الإفرنـج قـوم ٍ مـن فـروج الـزنـج مبلـيـه بكى سابور ذو الأكتاف في قصر الملك بلهيت على نيكل سقيفـة عـابد الهيـكـل ضحـاويـه تغطرس بطرس النقرس وجينا له على التوقيت من ارض الفرس وارض الروم جبنا القوم منهيه بعما والنبا والخمس مـن سورة سبأ شديت بقوة ماتـواتر فــي اللـيـال العـشـر مكـيـه أقمنا دولة الأيتام مـن حـلي إلـى حلـيـت وآخر عهدنـا مــا أوردَت ليـلـى الأخيلـيـه

إنسان.

@33336i

3 months ago

تصاغرت الشعور اللي وصفته في شعور "أعجاب" الين احسه بقلبي كبر . . ما ياسعه صبري تجاهلتك لعلي فالتغابي بأشغل الأهداب تجاهل غيرك ودار النظر لك رمشي الخدري كثر ماينكر أحساسي حديث لساني الكذاب كثر ما تأكد احساسي حوادث قلبي العذري ياكم عليت صوتي بالكلام وقهقهات الناب عشان أتوهه الجلاس عن دقات في صدري ولا زال الهوى تقوى رياحه لين زال الباب وشرع لك مواطن خافق ما هو على خبري من الله و الله اني مانويت وماحسبت حساب من الله و الله اني حيييل حبيتك وانا مدري تمر بدنيتي وجهٍ يحسبونه مثل الأصحاب وانا لا مرني وجهك اغنيله " وطن عمري" له الدقات في يديني وف عيوني له الترحاب وفي بالي تفاصيله قريرة بال ما تطري الا ياكذبة الصادق والا يا نزوة التواب الا ياغفلة العاقل والا ياكسري وجبري حفظتك سري الخافي عسى اللّٰه ما يجيب غياب اخاف اقول احبك ما تحب وينكسر قدري

إنسان.

@33336i

4 months ago

سيدة سدرة الوادي ودمث الجناب رجلها فوق الأرض وعينها فالسما ما تبع دربها غير المطر والسحاب ولا شلع قلبها اللي صاد واللي رما ترفةٍ تلبس الماء مثل لبس الثياب جادك الغيث.. ياغيث عليها هما حقها لو تماري بالقنا والحراب في مضارب عقيد وفي شداد زعما لا عليها ملام ولا عليها عتاب بنت من جندل الفرّيس فوق دهما يوم جات إتثنى فوق الأرض اليباب كل قاعٍ درج سيله وعشبه زما قالت العمر مثل النور ولّا السراب؟ قلت مثل الظلام اللي بعين العما قالت اللي ذخرته في سنين الشباب! قلت صبحٍ تركته فوق خد طخما قالت الصمت قلت الصمت ماله جواب يشبه الكلمة اللي ناشبة فالجما قالت الشعر قلت الشعر شك وعذاب قالت الحب قلت الحب جوع وظما أرهف من الحديد اللي ثعى فالرقاب وأجفل من الغزال اللي رعى فالحما قالت أنت الرضى بين الخطأ والصواب قلت وأنتي حياويّة وعذبة لمى

إنسان.

@33336i

4 months ago

ياوضاح الجبين انا فداوي و الجروح شهود لك اللّٰه كل جرحٍ من يدينك بالرضا دامي تباطيت اللقى والقلب نازح عن ثلاث حدود لو عيوني تراقب سكتك ما سارت اقدامي لا صار البعد حايل بيني وبينك عن المقصود اشوفك في تفاصيل الدروب و قسوة احلامي لا يتعبك ارتحالي فالحياة و موقفي مشهود لك ف كل الديار اسم شهير ، وبيت الزامي انا اسعى لكن الحظ ان تردى ما عنه منشود مصيبه كان خابت هقوتي في سكة اعوامي عصيت النفس و ادركت الحقايق والزعل مردود عن عيون لها ستة شهور تجدد إلهامي تحديت اشتياقي فالليال البيض ، قبل السود ليا شفت البدر يشعل قناديله من آلامي تهب النود مع لفحة شعرك ويستقيم العود و انطح صدري ل بارد هواك وتسكن عظامي سلاحي في مشاويري لعينك .. رمشك المجرود ولا املك من ذخيره ، غير احبك تسكن حزامي ما حبيت الحياه .. الا بقربك ي اوسط العنقود لو انه مر من عمري عمر .. ما كنت ف ايامي مع ان اول لقى صدفه وانا من عقبها محدود اجي كلي لعينٍ .. تنصر المرمي على الرامي خطفت الروح من بين الصروح وتستحق الزود مثل مانيب احق ف ضحكتك من عضة ابهامي تقول ان المطر يسقي دياري ، والسحاب يجود واقول ان شوفتك عدٍ عذي و خافقي ظامي سمي اللي تناقله الهبايب بين سبع ورود وبين الحاضر الشرقي وبين الماضي الشامي احبك كلّ ما زفت سحايبنا هبوب النود واحبك كل ما بدد ثبوتك ثاير اوهامي لو يطول الطريق انا ادري انك ف اخره موجود عشان انسى تعب كل السنين ان صرت قدامي

إنسان.

@33336i

4 months ago

يا باهي الحسن لا بعدك ولا قبلك مراتع الريم سيّدها .. وقايدها القلب والروح والابيات تطرب لك والله ما يزهاً حلاك الا جدايدها وشلون تحسبني آبنساك ؟ يا خبلك لولا محبّتك ما اجمّع فرايدها يمديني اقرا عليك الشعر واسهب لك دام ابتسامتك ما خلت عوايدها اعرف وش يجوز لك واللي يناسب لك ارمي على الشارده وآجيك صايدها - اجيبها تشبهك .. تقول تقرب لك عمرك سمعت بقصيده تشر بيدها ؟ خذها عساها تعانق حسنك ونبلك قريحتي فيك ما شابت قصايدها شاعرك عيده معك لا قام يكتب لك بعدين يفضى لخلق اللّٰه .. يعايدها

إنسان.

@33336i

5 months ago

صديقي ، صاحبي ، غربة شعوري،موطني، منفاي حبيبي ، لوعتي ، جرحي ، خفوقي ، جنتي ، ناري فخامة سيدي ، صاحب جلالة خافقي مولاي امير الشوق ل صاحب سموه واجمل اقداري تراتيل الغلا، سيد جروحي .. مختصر معناي ميادة هاجسي ، منبر حروفي ، جرحي العاري شواطي غربتي ، صمت اغترابي، منتهى دنياي مواري بسمتي ، ضحكة حياتي ، موطن اسراري! نهاياتي .. بداية منتهاي .. ومنتهى مبداي مصيري، حاضري، قصة حياتى ،موجز اخباري أحبك يا كثر ماقلت أحبك في حروف هجاي أحبك كثر مامل القلم من دفتر اشعاري أحبك ، ثم أحبك ، ثم أحبك ، ابك انا لولاي احبك ما تغافلت الجروح وجيت لك ساري أحبك ، واعترف لك ايه أحبك وان بدالك راي؟ اجي كلي على حشمة غلاك اقدم اعذاري أحبك واسبر اغوار المواجع ..وانثرك بغناي اترجم لك شعوري والمواجع تسبر اغواري احبك وألوي عنان القصيد .. وينحني لرضاي عسفت رضاه .. لكنك لعبت بحسبة افكاري اوقف للحروف اللي تلعثم في جدار شفاي وارتب لك صدى صمتي مشاعر واشعل انواري حبيبي يا كثر صبري عليك ويا كبر بلواي نفذ صبري على جال انتظارك وانت بي داري تغيب وتسكن عروش الخفوق، ودفتري، واشياي؟ تنطحت الدروب وكل شيء يجيب لك طاري انا م اقوى فراقك كيف تقوى تحتمل فرقاي؟ حسافه ما توقعتك تبيع وصاحبك .. شاري تراك اول غلا يسكن حشاي ويستحل اقصاي! معك تحلا مشاوير الشقا لو طال مشواري فداك ايام عمري والزمان اللي مضى والجاي تصدق؟ كل مازدت بجفاك يزيد مقداري! معك مركب غرامي ماسال عن منتهى مرساي بكيفك خذ مجاديف العمر يا غربة اسفاري كتمتك وانكسر صمت القصايد واختصرت اخطاي تعال اسمع معي نبض الخفوق وصوت قيثاري تجهمت الطريق وما وصلت اخر حدود مناي على صدر المسافه كل خطوة تقصر اشباري حبيبي انت يا سبة شقاي وعلتي ودواي دخيلك .. لاتمادى في جفاك وتقتل ازهاري دخيل الشعر واحساس الشعور وعزوتك واعداي دخيلك .. وين اولي عن عذابك واهجر اسواري؟ امانه لا غزتك الذكريات ومرّتك ذكرياتي تذكر من هدر دمع الفراق ان جاب لك طاري "كتبتك" يلعن اسلاف القصيد وتنكسر يمناي اذا اني ما قدرت ارضي غرورك باصدق اشعاري سرى ليل المواجع .. والتحف صمتي صهيل الناي على لحن الفراق اكتب حروفي واعزف اوتاري افجّر للحزن صمت المواجع وان ضمنت بكاي اغنيها على لحن أنكساري واسر يا ساري

إنسان.

@33336i

6 months ago

يراودْك الشعور المرتمي بين الرجا والخوف ياقلب حط شرهات الغلا بـ اوجيه غيَّابي غريب انك وصلت لمرحلة تستغرب المالوف ؟ وغريب اني احن لغربتي واشتاق لـ غيابي ؟ سؤالي للوجيه العابرة في وجهي المخطوف عقيم ولو مشيت يوقف الدنيا على أعصابي انا وشلون اواري عبرتي عن نشدة الملقوف مع ان الدمع دمعي كانت الاشواق لـ اترابي ادوّر ضحكة يدوي صداها من كنين الجوف مهي بـ الضحكه اللي ما تعدت لمعة أنيابي مقادير الحياة اللي مواريها تعب وظروف خذت من قلبي عزوم الشجاع وخيرة أصحابي احث العمر في درب من أنواع الخطر محفوف مسيّر بـ المسير وبـ السراب امنّي اركابي قصرت الدرب بـ اول خطوتين ولاقصرت الشوف ومبين العقل والقلب الشقي مدري من أولابي انا يا صاحبي ماني ذليلٍ ولا سليل ضعوف لذا لا تستهين برجعتي لك وأحسب احسابي أصد عن الـوله يومه ينادي صدّة الملهوف وارفرف لك غلى في هجرتي واخالف اسرابي امد القلب لكنّك تمد ايدين دون كفوف افا يا هقوتي ليه الحبيب يحب وايحابي بقى لي من هواك اسم مكوّن من ثلاث حروف نفخ بالجرح روح وكَفّن الذكرى على بابي قريتك ما كتبتك والهوا يلعب على المكشوف ترى يمكن تعيش بداخلي وتْموت ب اكتابي

إنسان.

@33336i

6 months ago

احيان تطري لي وفي بعض الاحيان احس حاجه موجعه في فوادي ابغاك ولو تسمح بقدر الامكان تكذب وتقول عادك بلادي مهوب شرط الغربه تكون الاوطان ترى الوطن يمكن تكون كتوف وايادي مدري وش الي احس به بس تعبان ومدري وش الي ابغاه لاكن عادي عادي يموت انسان في داخل انسان يمكن سبب هاذا العشم والتمادي وعادي تشح بغيثها سود الامزان ايلين مايبقا من الاغصان شادي وعادي تجامل في شعورك على شان لاتخسر وجيه وقلوب ومبادي وعادي تعيش العمر حسره وحرمان وعادي تجي الدمعه كذا لا ارادي وعادي ولو صدرك من الضيم مليان لاكن ملامح وجهك تكون هادي اموت من قبل اخذك وسط الاحضان هاذا الذي والله ماهوب عادي .

إنسان.

@33336i

6 months ago

في حديث الليل من ذاتي لذاتي ليت قلبي ما طرى الأوهام ليته من بداية خوف ما زعزع ثباتي لـ الطريق اللي بدا يوم انتهيته وشرهة الحلم الكبير و تضحياتي ولوم عقلٍ كم تماديت و عصيته بـ استقامة كنت اواجه مغرياتي والهنا من يوم صافحته رثيته يا حبيبي والحزن يعزف سكاتي كيف اغنّي دمع ما عمري بكيته ليه تنشدني عن آخر مجرياتي ذابلٍ جفن الوصال و لا سقيته جيت متبعثر من يلملم شتاتي من يذكّرني بـ عمرٍ ما نسيته كنت عابر ليه تسكن ذكرياتي كنت راحل عن خفوقي ليه جيته يا الرحيل اللي مع الأشواق ياتي يا الغريب اللي غدى الخفّاق بيته من يقول ان الظلام اربع جهاتي نور أماني رجعتك ما قد طفيته صورتي ظلّي تفاصيلي عصاتي وجهتي ذاك المدى اللي ما جفيته قبلتي ما عاتبت صمت إلتفاتي خطوتي ما تحكي اللي ما حكيته والله انّك كنت اماني وامنياتي يا العذوبه والعذاب اللي جنيته أنت فصلٍ لو تكرّر في حياتي ما طويته ما طويته ما طويته

إنسان.

@33336i

7 months ago

قبل اسافر كنت جالس في زمان الأنتظار ارتشف هم المكان .. وكل همي حاجتين كنت خايف من يباس .. وكنت خايف من خضار كنت اخاف انك تجين وكنت خايف ما تجين لين شفتك من ورا بيبان صالات المطار مقبله من كثر شوقك .. كنت اشوفك تركضين مرةٍ ركضك يمين و نظرة عيونك يسار ومرةٍ ركضك يسار و نظرة عيونك يمين تايهة .. ما كنك الا ضحكة وسط انكسار ساكته .. ماكنك الا دمعة فيها حنين خايفة .. وجلة .. حزينة .. يعني كنتي بأختصار تشرحين لكل جاهل معنى كلمة ( عاشقين) بعدها جيتك ولدت عينك و دار الحوار من كفوفي دمعتين و من كفوفك دمعتين كنت اصد وكنتي انتي ثايره مثل الشرار ما على لتغة لسانك غير كلمة ( وين؟ وين ؟) واذكر اني رحت قبل ابدي لك اية اعتذار رحت حتى قبل اطيب خاطرك في كلمتين لكن انتي عارفتني زين واللي صار صار سامحيني واذكريني قد ماانتي تقدرين اذكريني لاانتهت للشمس رحله مع نهار واذكريني لاصحى للصبح ورد الياسمين واذكريني لا لمحتي في ليالي البرد نار واذكريني لا سمعتي للمطر صوتٍ حزين اذكريني واذكريني واذكريني .. بأختصار اذكريني واذكريني قد ماانتي تقدرين

إنسان.

@33336i

7 months ago

صباح الخير ياوجه الفرح من خاطر زعلان صباح الخير يا أعذب من في هالدنيا تأملني صباح الخير وأن كان الربيع بكثرة الأشجان وش يكون الخريف الي عثى فيني ومشكلني خريف وكومة اوراقه تعاف الغصن وهو ذبلان طيور وهاجرت غصن الهوى وأمست تعذبني على طاري المحبّه والوله والشوق والأحزان أنا مسحور أو أني على شوفته منجني ؟! على جيده تساما فيه عقد اللولو والمرجان وعلى تفاحتينه يخرس الأنسان والجنّي تمثنى روض خصره ليلة البارح على الألحان وانا اونس ليلة البارح شفاياه وتمثنني وبعد كل الزمان اللي قضينا به أشوف الآن يغيب ولا تخيب الا هقاوي أخلفت ظنّي اليا منه ذكر أني عليه أضمى وانا شفقان لا ينسى بيوم من الأيام فيه الغيد لاعنّي يجوني بالكلام الجارح الي مانطقه أنسان يقولونه شياطينٍ على حبه . . تمردني على متني أشيله لو يجور الظلم والبهتان اليا صار البلاد اللي جمايلها على متني " عليه أحلا التحايا وأعذب الاشواق والعرفان وعليه أسمى المحبه للمات وهذا له مني "

33336i retweeted

إنسان.

@33336i

7 months ago

نقض ليل الشتاء قافٍ من .. لحون البطا مفتول وصحى جرحي على صوت الرقيبه يوم مشذوبه على صدك ملامة خافقي .. يا فكري المشغول لو ان عذرك سمين و كلمتك عذبه ومحسوبه يمّر الليل .. ويطل النهار .. ب وجهه المخذول وانا اللي كن عيونه عن شعاع الشمس محجوبه اغامر .. واتمنى .. و " الاماني سيفها مسلول " واداري دمعةٍ من ضحكة محياي منهوبه .. ياملهوف الحشا مدري مِن القاتل من المقتول ما دام ان وصلك عقوبة مثل ما هجرك عقوبة حبيبي واللّه اني .. بين ضيق .. وبين قِل حلول سوات اللي كلاه الهمّ من .. "راسه ل عرقوبة " عزاي ان ما بقى لي غير صوتك ف الضمير يجول واكابر ، واجحد جروحي معه ، وامجد عيوبه وكثر ما كنت اماري في عيونك واشقر المجدول اوصي ، كل عاشق لا يبكي عين .. محبوبه ): يقولون الليالي تطوي الماضي طوي واقول؟ انا للحين اضيع ان ذعذع النسناس من صوبه تدور أوهام .. وصله كل ليلة .. لين دار الحول ونار الشوق كنها من ضلوع الصدر محطوبة فراغات السطور اللي تهيّب عقلي المذهول تجرّي كل كلمة من شعور الصدق مسلوبه عسى عامٍ تجلى به ثغرك وهرجك المعسول فدا ليلٍ بعده تدور . . الغفران والتوبة انا من علق ف صدرك قصيده " وزنها من لول" ( كتبها ) والزمان يقول له .. (ماهيب مكتوبة )

إنسان.

@33336i

Who to follow

Last Seen Users on Sotwe

Trends for you

Most Popular Users