✨

ان غاب ذكري يوماً اذكروني بدعوه تنير لي الحياة الاخرى *'

[✨ @33ll_]

أني أُحِب عبدي هذا فأحبوه .
-يارب هذه المنزلة 💛.

[✨ @33ll_]

عاشروا وحبوا اللي تنطبق عليهم مقولة :
ما أحتجت أناديه ، دايم منتبه لي❣️.

[✨ @33ll_]

انعم وأكرم ياربي وإنت خيّرك كثير
يا ميسّر اليّسر بعد العسر والفاجعه

عطني من أيامك البيضا محبّه وخير
النفس من ماضي الأيام مستاجعه .

[✨ @33ll_]

جابك الله .. تمطر الدنيا و تزهرها رَحابه
يوم أظلّك من طرف قلبي وقلبي راس مالي
ٰ
أنت مثل الدعوة اللي صادفت وقت استجابه
و أنت مثل الليلة اللي .. ما تعوّضها الليالي

[✨ @33ll_]

والله أن صدري معافى وخافقي نظيف
لو أشوف الحزن في عين حسادي زعلت

الملامح بعض الأحيان تظهرني عنيف
ولا أنا بالكلمة الطيبة ما قد بخلت

أقبل بوجهٍ يشرّف ومنطوقٍ عفيف
ولا لقيت اللي ينقص من حضوري رحلت

اتعدا عن عيوب البشر كنّي كفيف
وأن تبين شي للعين جنبت وغفلت

[✨ @33ll_]

لقيتك مثل ما أعرفك وهذا اللي يشد الروح
على حطة يدين الصدق والتقدير والهقوة .

[✨ @33ll_]

كل عبره فالعمر .. جات من ردّ اعتبار
علم الغافل عن أحداث غيره .. ينتبه
.
الشماته .. باب خيبه وحسره وانكسار
جعلني ماضحك على شيّ وابكي بسببه .

[✨ @33ll_]

دعيتك والكفوف المستغيثة خاليات يدين
يا ربّي لا تعوّد خاليات .. الَّا من ذنوبي .

[✨ @33ll_]

أحلام قلبـي كبيرة .. من كبر شانـي
والصّعب لأهل الصعب تتسهًل دروبـه

مدري على وين بمشـي ،لكن إيمانـي
أصدق من إيمان مُذنب مسّته توبه

ما طيّح الله هالدعوات بـ لسانـي
إلا وهي لي .. مقسومه ومكتوبـه 🤍.

[✨ @33ll_]

ياربي وأنت جلَّاي الظلام الراحم المنَّان
يارب المرسلات ورب قلبي وأنت تاوي له

أعوذ بنور وجهك لاتصيِّرني ضعيف إيمان
تلقَّاني بعطفك يا كريم إن قلَّت الحيله .

[✨ @33ll_]

فداك العمر وايام الشباب ولمّة الاقراب
وسنينٍ تجي وتروح قبلك ماهيب محسوبه

وفداك القلب وراعي القلب وربوعه الاجناب
ياوجهٍ من عرفته صارت الايام مرغوبه♥️.

[✨ @33ll_]

أمي تراحيب المعزب بضيفه
مالك لوا وابشر وحياك مع تم

وأمي ربيع الوقت الاغبر وريفه
لامن نشد عن كايد الجرح بلسم

يفداك ياغصن السلام وحفيفه
قلبي وماشالت ضلوعه من الهم

وتفداك هقوات العقول الحصيفه
وهاك السحاب اللي نظرك وترزم

لايا بعد كل القلوب النظيفه
والله مابه مثلك انتي ولا ام

[✨ @33ll_]

يارب عنّا على التقوى وزدنا ثبوت
في مغريات الحياه ، اللي علينا تمرّ

نلهى والأيام تجري والليالي تفوت
والعمر محدود والدنيا الدنيه ممرْ

[✨ @33ll_]

عاد عيد اللي وجوده لذة العيد السعيد
" جعل زوله ما يغيب وكل عام اعايده "

[✨ @33ll_]

من عرفتك و الغلا فـ الصدر لله دره
يا أجمل ارزاق الحياة و مكسبي واقداري .

[✨ @33ll_]

تسامحت مع نفسي وهوّن عليّ دعاي
خصوصاً دعاي اللي دعيته وأنا ساجد

غمرني شعور من الرضا للزمان الجاي
ولا صار عندي خوف من عضة الناجد

اثر من عطاه الله .. نزاهة ضمير ورأي
يغيب الغياب ، اللي يخلّيه .. متواجد

لاتشره عليّ يوم أبتسم في وجيه عداي
محبّيني .. أكثر من معاديني ، بـ واجد .

[✨ @33ll_]

"استعذب اللي تقوله لو تردّ السلام"
كنها ثلاثين بيت يليق في مسمعي!

[✨ @33ll_]

انسحب من كل قلبٍ مايشيلك
و ابتعد عن كل عين .. ماتودّك

ولا تجي للي تجيه وما يجي لك
و لا تعد اللي تعمّد .. مايعدك .

[✨ @33ll_]

ذخرتك عوني اللي دايمٍ تصبح يدينه ظل
يحاوطني دفاه و استريح بـ صدقه و طُهره ♥️

[✨ @33ll_]

تجيني على غفلة من الليل والترحال
وأحب النسّيم اللي يجيبك وأهلي به .