هوى

كل قاسي بامر الله يلين ؛)

[هوى @33m5]

عَفى الله عن كلامٍ في حنايا الصدر ماينقال
تركته لـ الزمن لو هو ثقيل و جمرته حيّه

وعَفى الله عن همومٍ ما تخلي مستريح البال
يعيش أيام عمره في صفا ذهن وصفا نيّه

وعَفى الله هواجيسٍ توقف بي على الإطلال
تعيد الذكريات اللي مع الأيام منسيه

[هوى @33m5]

ضاق بالي و الطواري مؤسفه .. والجو هادي
وش يسوي من يعيش العمر ب النفس الكريمه

راحت أحلامي ضحيّه من سبب لحظة عنادي
لين ما صارت حياتي كنها " مسرح جريمه"

ودي أبلغ حلمي الزاهي .. قبل يوم التنادي
خايف إن الحلم يصبح مثل نارٍ في هشيمه

عند عزّة نفسي أصدح .. لا شداد إلا شدادي
العزيز يموت ما يترك غرام '" شداد ريمه "

كل شخص من البشر عنده قناعات و مبادي
ليه اساوم من يشوف إن وجهة دروبه سليمه

أدري إن الناس مابين التصاحب .. والتعادي
بس عيب إللي ليا خاصم ينقص من خصيمه

عشت بين الفوضويّه .. والشعور اللا إرادي
وذكريات العمر تجرح قلبي و تطعن صميمه

الهنوف إللي خذت قلبي .. وخلتني مفادي
اتركت نفسي تشوف من الفراق أكبر ظليمه

يوم آنادي ل المواصل .. لا حياة ل من تنادي
ما بقى لي غير صوره من " ليالينا القديمه "

مستحيل إني أوقف ف الهوى موقف حيادي
كيف أعيش الحب من دون التفاني و العزيمه ؟

لو توريني طريق الموت فيها !.. قلت عادي
كل غالي لأجله نعيش الغلاب أجمل هزيمه

مادريت إن ساعة الفرقى : مثل سل الهنادي
لين ماشفت الغرام يزيد و جروحي جسيمه

إغتربت ب عالم الذكرى .. وأنا داخل بلادي
وكل لحظه عشت فيها تعتبر قصّه عظيمه

[هوى @33m5]

البارحه والضيق مشروع مشروع
ضاقت جفوني من بعضها و زاحت

تواقد الطاري من الهاجس شموع
شب الحنين و دلة الشوق فاحت

لا الشوفة قريبه ولا الصوت مسموع
حطت على الغصن الحمامة وناحت

اتحايل الغفوه على المتن و افوع
لـ الذكريات اللي من الوجد لاحت

صديت عن وجه المقادير مفجوع
مرتني الفرحه تودع و راحت

صار الصدر لـ احداث الايام موضوع
منه الضنون تمكنت و استباحت

ليت القلم مثل العتب عنك مرفوع
و اشره على قطرة حبر منك ساحت

كم لي وانا بغيابك اهدي الروع
اضحك ونفسي بالخفا مـ استراحت

أشتقت لك وانا من الوصل مقطوع
رفت عليك العين والاذن صاحت

يا قربها لكن مثل حبة الكوع
الدمعة اللي لو تراخيت طاحت

والدمع في سلم الرياجيل ممنوع
لو السدود من المقادير باحت

ما كان فـ ايديني ولا جيت لك طوع
حطتني الاقدار قدمك و راحت

[هوى @33m5]

مرحبا يامنوة اللي يوم خذك ونالك
عاف كل وجيه خلق الله وجاه جفالي
ㅤ
يوم لفيت السواد اللي زهاه بـ شالك
قمت اعدل غترتي واعدل ميل عقالي
ㅤ
انت مالك اربعين اشباه غير اظلالك
يا فديت اللي تعمد ضيعّتي وضلالي
ㅤ
سو ماتبغي وماودك ومايحلا لك
في عيوني لك ديار وفـ الحشا مدهالي .

[هوى @33m5]

تخضع لك رقاب القصايد يا حبيبي وتلين
وتقبل عليك بيوت شعري صاغرة وتهاب

يا حورية من فوق عرش الحسن والدين
تأمر وتنهي في قلوب الناس دون أسباب

عيونك الثنتين هذي معجزات الزين
من شافها عز الله إنه فارق الألباب

فيها من الهيبة حكاية تبهج العينين
وفيها من الرقة حنان يضيع العراب

يا سيدة هالأرض يا طهر السحاب الصافي
الكون كله في حضورك يلتفت لرضاك

تمشين والورد بنعومة خطوتك طافي
سبحان من صب الدلال وحطه بممشاك

يا بعد روحي ويا دفا قلبي وغلاي كافي
والله مالك في عيوني والدنيا أية أشباه

أبشري بقلب يصونك صادق ووافي
يموت بك حب وغرام ولا يطالع لولاه

[هوى @33m5]

من وين ما تشرق عليّ شمسك أقول
«أصبحت أَحبك،و أصبح المُلك لله»

[هوى @33m5]

فديت جيدً من الشامات فيه اختيال
والشفة اللي عرفت الخمر من كاسها

وجديلك اللي تفلّينه وألمه ليال
وعيونك اللي تسهرّني من نعاسها

أنتِ قمر فوق غصن وله معنّق غزال
والقاع من تحتك أزين منك ما داسها

الحلوة اللي تفوقك وين ؟ هذا محال
هي حلوة الين فيك يْتَم مقياسها .

[هوى @33m5]

حطني بين المعنق وبين الخوختين
و أنثر السود الجدايل علي و فلها :)

مالك إلا تم ، و أبشر ، وحنا حاضرين
ليلةٍ وحده ، و تسوى الليالي كلها .

[هوى @33m5]

مرحباً ، اما بعد :
غالبا الأيام والدنيا ما تجي على
" مانتمنى ونحب "

لذلك تذكرت أبيات تقول :

أشوف الأحلام ما هي تشبه أحلامي
كل ما تخيِّلت حلمي ضاق بي صدري

مدري إلي الحين ماجات اجمل أيامي
او اجمل أيامي مرّتني وانا مدري ؟

[هوى @33m5]

علي بالحرام اني لـ احبك ليوم الدين
عسى الله لايغيّبك من قلبي وبالي

محارب عشانك كل طرقاً وسيعة عين
والى الحين وانا فدوتك حالي ومالي

صدوق الوعود وقلبي اللي تعرفه زين
ماعلمك في اللي تعرفه زين يالغالي ؟

معوّد علي بلاي الاول وانا ذلحين
اواجه لحالي ما تركتيه في حااالي )؛

[هوى @33m5]

قبل أشوفك كنت تايه فـ الحياه و غادي
لين مرتني على غفله .. سنين الغفله

جيتي من الغنج مغروره .. و أنا متمادي
كن حولك موكب أمير و مراسم حفله

في غرامك ذقت لذّة فرحتي و أعيادي
من يقول إللي يطيح من الهوى يؤسف له

غايتي لي طلتّك يا موتي .. وميلادي
أمتلكتيني و أنا رجل .. و أنتي طفله

[هوى @33m5]

المبسم النرجسي والنظره الخجلا
تناقضاتك ! تزيد اهل الهوى عله

وش هو له ؟ تكٌحلين عيونك النجلا
انتي الكحل في عيونك وهبه من الله

[هوى @33m5]

لجل ذيك الثنايا تقبل مهار القصيد وفود
جعل قلبٍ يوريّك القسى ما يقبل إحسانه

ملك دنياه من يملك هواك وحلمه المنشود
يا كم سلطان رحتي من يديه ، و زال سلطانه

أعرف أنّك بحر واللي نجا من غبّته مولود
من يخاف البحر ما يستحق يفوز بـ الدانه

[هوى @33m5]

عاشقك ما تاب من طرد الهوى الا من عفافه
ما لقى مثلك من احبابه و لا من معجبينه

أرخصي لي وجهك اللي تختلف فيه الثقافه
و أفتحي لي قلبك اللي يشرح أنواع السكينه

و أن تمادا الحسن من زود الترف ولا اللطافه
عاد قلبي يحتري منّك وصل لا تتركينه

[هوى @33m5]

عذبتني بالدلع ياسعود شفها
والتغنج يا عشيري هد حيلي

والله انه لا طلبتني اعرفها
غصب ألبّي لو طلبها مستحيلي

من زعلها خايف قلبي كسفها
بان همي وبان جرحي وطال ليلي

من زعلها ضاق صدري ، واحترفها
في قصيدة علها تشفي غليلي

في دلعها وفي زعلها في ترفها
حبها طاغي على قلبي .. ياويلي

[هوى @33m5]

هلا ومرحبا وارحبي ولبيه ياثالث والديني
يا اجمل مكاسيب الجلا والغلا في مقره

وانا ذرى ان ضاقت الدنيا عليك ازبنيني
من عقبها عنك اشيل الهم لو كان ذره

يامنورة الدرب يامطهر الذنب مني وفيني
وانتي الاميره اللي تجي في العمر مره

من زود حبك طاوي غلاك بداخل العيني
ياللي معاليق المحبه معك ترا مستمره

[هوى @33m5]

ضيدان بن قضعان استطاع ان يختصر الحب وكيف العاشق لايهتم بخسائره :

استلذيتي بطعناتك واخذتيها هوايه
كن مالك حربةٍ توجع وطعناتٍ أليمه

حتى قال :

فدوتك مافات من الايام واللي عاد جايه
يا بعد عمرٍ مخاسيره معك عندي غنيمه

[هوى @33m5]

مادام الاحباب لـ بيوت الغلا تبني
لك فـ الحشى بيت من يقدر على هدمه

ماكل احبك من اي انسان ! تعجبني
مشاعري عند بعض الناس منعدمه

من يوم .. حبيتك الله لا يعاقبني
حطيت كل الحبايب " خارج الخدمه "

[هوى @33m5]

تمام وبخير ..و أيامي معك في تمام
معك اشوف الفرح من غير لا اصايده

تسعفني عنايّتك من : دافع الاهتمام
على كثر ما معاناتي .. معك كايده

لاتحقرين القليل اللي يجي بـ الغرام
انا لو اقنع بصوتك .. طالع بـ فايده

عمري !.. فدا نبرتك ( 26 ) عام
النبره اللي تجيب الفكره السايده

قلبي عليك انتي لحالك .. يرد السلام
ويعس جول الظبا ويشوفك القايده

إن مت فيك اشكرك على بلوغ المرام
حتى لو اموت فيك بجرعةٍ .. زايده

[هوى @33m5]

فاقدٍ لي خفرةٍ ما تنتعوض
بنت شيخٍ ضاري لـ ذب الخريمة

مهرةٍ ماهي تقاد ولا تروّض
ومالها عَنَّه ولا سرج وشكيمة