ًً

[ًً @34hvi]

الظروف الي ابد ماتنتواجه
كنت اروضها على عز انزعاجي

يوم ليل الوصْل يعميني عجاجه
مالقيت الا من العين ابتهاجي

اثر في رجلك على دربي عواجه
لو تسّهلك وسيعات الفجاجي

حط في بالك ترا عنق الزجاجه
قد تعّديته بابو برجٍ زجاجي

من تذّكرني على صفوة مزاجه
ينتظرني لين يصفى له مزاجي

[ًً @34hvi]

سجّ القدم وأضرب وساع التخاتيخ
ولا ضيقه الا مقتفيها انفراجه

لاترتجي تاجر ولا ترتجي شيخ
الحر مايرجي من الناس حاجه

[ًً @34hvi]

الغيم مايحزن على موت الأشجار
والشمس تشرق لي وتشرق لغيري

ماني لكل مضيّع دياره ديار
ولا هو ضروري كلٍ يذوق خيري

[ًً @34hvi]

انا ليا كثرت الأشاوير ماشير
حلفت ماتي بارزٍ مادعاني

وانا خويّه بالليال المعاسير
والا الرخا كلنٍ يسد بمكاني

[ًً @34hvi]

اكبري يالعزايم واصغري يالضروف
واركدي يالهبايب واثبتي يالجبال

كن ما اسمع كلام وكن ما اشوف
ميت احساس عامد واخفي الانفعال

بين راسٍ عنيد وبين قلبٍ عطوف
وبين حظٍ تعيس وبين ظرفٍ عضال

ما كسبت العزايم من عزوم الضعوف
لا طموحي حرام .. ولا التهاون حلال

[ًً @34hvi]

من صفاوة خدها اللي فيه لمعه وانعكاسه
تقدر تعدل شماغك لا لمحت العين فيها

[ًً @34hvi]

يالله برزق مالحد فيه منه
ينسي المحتاج وش كان محتاج

ويا الله بمحتاجٍ لياسِد عنّه
يذكر مواقفنا بدعوه وهو حاج

ويالله بقافٍ يطلع الرزق منه
مثل مايطلع بالسماء النور لانباج

الليل موحش والعرب مستكنه
واللي يبي له درب ماعين سراج

[ًً @34hvi]

أحترت فيني قبل أحيّر عذولي
ولا حسبت لهرجة الحاسد حساب

واللي وهبني بالشعر جزل قولي
ماني لـ غير الله لو أموت طلاّب

مشيختني قبل عرقي فعولي
مثلي تفاخر فيه معاليه الأنساب

حلفت أحقق للأماني وصولي
لو بيني وبين الرجا تله أرقاب

[ًً @34hvi]

تشيمت من رد الخطا ياضعيف الراي
وانا لو ابي ضربك على الصدر ما اخطيته

سلوم العرب تفرض علي التزم مبداي
وخطا اللاش لاجاني من اللاش عديته

[ًً @34hvi]

سهران ونجوم المجرّه مدابيح
يم المغيب ومقدم الفجر لايح

وقتي بحر وهموم بقعا سبابيح
وانا مع الافـكـار مقبل و رايح

اودّعك يا مرافق الركب تصريح
بثّه لقومٍ يحسنون النصايح

انا الغريب اللي تصافق به الريح
هوج الهبايب والهقاوي شحايح

[ًً @34hvi]

الخوف مافك الحباري من الموت
والمدح مايرفع مقام الهلامه
المال يفنى واخر اعمارنا الموت
والذكر يبقى للنشاما علامه

[ًً @34hvi]

لعنبوها حاجة ترخصك وانت محسوب
في عيون القوم ويطيح قدرك عندها

كبها لو هي ثمينه وعرضها الهبوب
وانسها لا رحم ابوها على ابو جدها

[ًً @34hvi]

ولو قال ماقال فيني بارد الغمه
ما أحسب حسابه ولا هو مفورً دمي

ولو ترخي أذنك لمّن جاء فاتحً فمه
مافيه طيّب بيسلم من الذمي…

[ًً @34hvi]

بالجوف تلقى ما بغيت وتمنَّيت
دارٍ بها المهموم ينسى همومه

وانا لها من بدّْ الاوطان حبِّيت
ومن لامني بالجوف ربِّي يلومه

[ًً @34hvi]

شفت النجوم اللي تخاوت مع الليل
أضرب عددها في عددها وزدها

أحسب خطوط الطول والعرض بالميل
أجمع شعوب الأرض وادبل عددها

أكتب رقم مليار مليار تدبيل
مليار في مليار وضاعف عددها

أحسب عدد ماسبح العبد بالليل
ومادارت أيام السنة في بددها

شوف النتيجة كم تطلع بتحليل
ذي قيمتك عندي وهذا عددها

[ًً @34hvi]

دربي طويل وتايه فيه ممشاي
مثل الغريب اللي مضيع دليله

يحدني وقتي على ضيم دنياي
ورضيت بالمقسوم حتى قليله

ياطول صبري ويكبر بلواي
اخفي عن العدوان وهمي اشيله

اخاف ابوح بسر قلبي وشكواي
وتصير نفسي بين ربعي ذليله

اضحك ودايم بسمتي تسكن شفاي
ومن شاف حالي قال محدن مثيله

[ًً @34hvi]

انا الذي شفت البلاوي و صديت
و من بعّد الصدات قلت شطونه

ماني وانا بندر بهيتٍ ولد هيت
هيت يجامل خمةٍ يكرهونه

من كثر ماجربت واقبلت واقفيت
قولت هلا لمن لا يودك مهونه

[ًً @34hvi]

للفناء روس من لا شي خافت
اقـنـعـتـهـا تفاهات المشيـره

يوم عين الشقا شافت وعافت
سلّمت للعـمى لو هي بصيـره

غمّضت عامده ما كن شافت
كـنـهـا من حسايفها ضريره

الليالي جـفـا عـنـي تـقـافـت
كلما مات حلمٍ قلت خـيـره

ليتها في عزيز الراس رافت
يقنعه لفتةٍ لو هي صغيره