مضر

سنوات من الخبرة في زيادة الطين بله

[مضر @36awei]

مابقى من ثورة الفكر وابداع القصيد
غير مايقضي لوازم ومايهدي بشر

اعتبر كل القصايد خطا ساعي بريد
جا يسلّم "ظرف سرّي" ولكنه انتشر

[مضر @36awei]

حنا عرب من يوم وقت المناويخ
لآخر فصول العالم الإيتكيتي

ميقافنا سمٍ سقطري بزرنيخ
كد هد قبل الاتحاد السوفيتي

وإيران و أمريكا ذويخ و ولد ذيخ
وعلومهم ما عكرت لي مبيتي

الفضل لله عشت في ديرتي شيخ
من مسجدي لـ أرزاق نفسي لبيتي

وشلون يزعجني هدير الصواريخ؟
والجو حاميه الدفاع الكويتي 🇰🇼

[مضر @36awei]

ولا يا كلام الحق تشبه عويد الراك
بك الناس لامن شانت أفواهها استاكت

اشوف الغبي واثق وأشوف الذكي شكاك
وأشوف اللي اذكا من الذكي شايف وساكت

[مضر @36awei]

مافيه ثابت من بعدك الا غلاك
ولا البقيّه ( كلهم ) مـتحركين

على يقين انك بشر ما انتي ملاك
لكن عجز لا يقطع الشك اليقين

[مضر @36awei]

من عنقك الفارع الى خصرك المحصور
لباقي الامور اللي بها عشت متريّب

يهبّ الهوى ويلاعبه شعرك المنثور
كما عودك اللي للهوى راح متسيّب

وعلى وين ما رحتي عليك الكلام يدور
تغيضين حسادك ولا عابك معيّب

يحق التباهي لك لو انه لحقك غرور
على كل تلعت جيد من بكرّ او ثيّب

[مضر @36awei]

" يضيع الحب بالإهمال والتجريح والإنكار "
ويضعف بالضماير مثل ضعف الوازع الديني

رح وعذرك سمين وفي دروبك يزهر النوار
مثل ما تذبل ان ماشافتك عيني بساتيني

يسمح دربك اللّه لا تحاتي من وراي اسرار
وعد ما أبوحها حتى لنفسي " لا توصيني "

[مضر @36awei]

اعتذر لك عن غيابٍ بدون مبررات
لو ما قلبي بـ خالي ولاّ الصدر دهنا

صح ماودي بهجرك لو يطول السكات
بس ماودي بوصلك وانا مانيب انا

[مضر @36awei]

يطيح سوق القصيد وترخص ابياته
لا صرت تكتب لواحد ما درى عنك

[مضر @36awei]

من لا يعرف الفك والتركيب
ما يفرّق الطيّب من الأطيب

أبن الثعل ، ما ياكل أبن الذيب
لو شجعوه الناس ، وأستذيب.

[مضر @36awei]

ناطح زمانـك لا تعود ناكس
ولا يصير شبحك فالحياه قريب
ㅤ
اصبر لو الايـام معك تعاكس
ولا عاكست معك اعرف اِنك طيب

[مضر @36awei]

طلّي الليله مثل طلّتك ذاك الزمان
يوم كان الوصل متبوع و العاشق تبع

يوم كنّا يد في يد طيش و عنفوان
ما علينا خوف من سِلم ولّا من طبع

جدّدي ذكرى المحبين في نفس المكان
و غيّري وقت اللقى من ثمان لـ سبع

وش يصبرني على الشوق للساعه ثمان
انا اخاف اموت لا جت ثمان إلّا ربع :)

[مضر @36awei]

أحب السوالف مِعك منّا إلى يوم الدين
وأحب التغلّي منك .. وأموت بـ عنادك

تسولف لي بـ تاريخ جدانك الميّتين !!
واهو والله التاريخ .. تاريخ ميلادك (:

[مضر @36awei]

انا اكذب فالقصيد وكلكم دارين
ولا فكرت فالشاره .. ولا الناقد

اقول البارحه ما غمضت لي عين
وانا من يوم صليت العشا راقد .

[مضر @36awei]

ياصاحبي لاتمسّـك في قناعاتك
بـ تطير الارزاق لاجا من يطيّـرها

غيـر مفاهيمك وجدد علاقاتك
حتى حبيبتك لامليت غيــــرها

[مضر @36awei]

لاتزود صبة الكيـف تحسـب لك ردا
ولاتطاول قاصـر الشبـر لو انحـازلك
ولاتتبع شون غيرك ولو شفت إمعدا
ولاتخالف راي ربعـك ولا ماجـازلك

[مضر @36awei]

ماعاد الخطا وارد ولا فيه احد مسموح
تراني على ادنى شيّ : بزعل واخربها :)

[مضر @36awei]

اللي خذلنا مانعيد الرجا فيه
لو هو بجنب اكتافنا مانشوفه !

[مضر @36awei]

ياجعل من عسرت مطاليبه تهون
وياجعل من له منوةٍ يلحق مناه .

[مضر @36awei]

تزين الخواطر كل ما زانت الأحوال
عسى أحوالنا و أحوالكم دايمٍ زينه

[مضر @36awei]

ما يسد بمكانك غيرك أحدٍ بدالك
بانيٍ لك قصور وبانيٍ لك خيام

عقب رمضا زماني جيت أدور ظلالك
بل ريقي بقربك عقب طول الصيام