/

[/ @3_clll]

يالله أنا قلبي عزيز وحياويّ
شيً يهين النفس لاتقسمه لي

حتى لو إني له شفوقٍ و شفاوي
تغسل فؤادي منه قبل أغسل يديّ

[/ @3_clll]

يمكن ابي نجمه و ربي كتب لي قمر
احيان الاحلام تظلم حظ حالمها

ويمكن ابي قطره و ربي يبي لي مطر
يرويني اللي روى هاجر بزمزمها

[/ @3_clll]

اللي معه تاثق وتامن وترتاح
احفظ جنابه مثل حفظ الوصيه

ما دام روحه تفهمك بين الارواح
عطه على كل البشر .. الاولويه

اللي مثل ذا النوع بالذات لا راح
ما عااااادك محصل مع الناس زيّه

[/ @3_clll]

تجيبك في ربوع الذاكرة يا صفوة الخطار
مقاديرٍ رمت بك في طريقي وأنت ما تدري

[/ @3_clll]

جعل النفوس النقيّة والقلوب النظاف
ما تـنطوي غير في ذاتٍ . . مثل ذاتها

[ِ @ajm1ii_]

احيان ماودّك — توايق على المستور
«من خوف لا تفقّد اللي ماتبي فقده»

[/ @3_clll]

يارب انا مدري وش تخفي أقداري
لكن ادري انك أرحم الراحمين

ولا أعلم متى موعد ريّ أزهاري
لكن أعلم انّك أكرم الأكرمين

[/ @3_clll]

لاتحسّف لعنبو جد الحسايف
الزمان بخير والدنيا مديّـه

دامك معافى وجو اليوم كايف
لا تضيع بغبّة النفس الشقيّـه

لو منت بكفو ماجتك الكلايف
القوي دايم صواديفه قويّـه

[/ @3_clll]

القلب يجفل من وجيه مصده
وأنا اشهد القلب دليل راعيه

وسيل جرى عن مدرجه لا تحدّه
جنّب وخل السيل يضرب مجاريه

ومافات من دنياك صعبٍ مرده
خذلك من الماضي عبره وتوجيه

[/ @3_clll]

عندي يقِين ان اللّيالي المقبله ماهيب سود
انقى من قنوف السحّاب اللي تلوح بروقها

[/ @3_clll]

مادام لك في ذا الحياه استطاعَه
فـلا يعيـقك جـزر الأيـام و المـدّ

احرص على نفسك تراها وداعَه
مـهّد لها مجـرى و شيّد لها سدّ

وغامر على الرآي الموشَّح شجاعَه
و أرسم طـموحٍ غـايته ما لها حـدّ

يمكن تصيب من الوِفق ظرف ساعه
تنـسّيك عثـراتٍ مـضت ما لـها عـدّ

[/ @3_clll]

//

[/ @3_clll]

اللّي يعدّك شمس لا تخلف له ظنونه
أشرق على قلبه من الحب وأغرب به

[/ @3_clll]

لا يهمك جور الايام يالصدر الرحوب
خلها تمضي مثل ما على غيرك مضت

[/ @3_clll]

يارب خذني من بساط الدالهين الغافلين
وأجعل بنفسي لامشت درب الخطيّه تنفره

وأرزقني القدرة على التقوى ، و برّ الوالدين
أبي من الكره أخيَره ، وأبي من الخير أوفره

وأجعل كتابي لاخذيته ما آخذ إلاّ باليمين
مع النفوس الراضية ومع الوجيه المسفِره

[/ @3_clll]

كنّك العذب المصفى ماخلق من هو يعافه
تجلي عماس النّفوس و تنقلب عقبك نديّه

[/ @3_clll]

جعل ربي ما يجرِّدني من شعور القناعة
يا كثر ما فاتتني فرصة عمر وأقول خيرة

[/ @3_clll]

" يارب ما يوالف قلبي شيٍ مايستاهله "

[/ @3_clll]

لا تقول الشمس لو تشرق تغيب
قل مصير الشمس لو غابت بتشرق

عش حياتك حر لو قالوا غريب
الحياااااة ايام والايام تسرق

كل ما الهقوات فأحبابك تخيب
ارمها في بحر نسيانك وتغرق

ضحكتك بتعود والجرح بيطيب
والدروب يلمها في يوم مفرق

[/ @3_clll]

معك من وين ما ودّك بلا مرسّى ولا ميقاف
معك لو مالت أوراق الشعور المنهّك الذاوي.