؏ــبــدﷲ الـنھير . 🇸🇦MBS

اللهم انا نسألك حسن الخاتمه💢ربنا اغفر لنا ذنوبنا وقنا عذاب النار💢«لا تنسونا من صالح دعائكم»💢 ٰ .

[سعود بن مبارك @Saud_almshly_]

الهوية والهواية لها قدر وقار
وانا من عشاقة الأبل ومن شعارها

وين عشاق التنافس ليا قر القرار
الصياهد للتحدي تورهج نارها

مهرجان موحد المملكة بالإنتصار
عزها من فضل ربي وعز إحرارها

بدد الظلمة بعدله بعد خاض الغمار
لين خلا كل حربٍ تحط اوزارها

ياوطنا دمت للدين و العزة منار
دونك رجالٍ عشانك تبيع أعمارها

الملك سلمان فرز الوغى حامي الديار
حظنها الدافي وعند الخطر بتارها

و الكبير اللي تولى المهمات الكبار
ولايقلط ف الرياجيل غير خيارها

حنكة و حكمة وقوة ونظرة وإبتكار
رؤية محمد بدينا نحصد أثمارها

صار راع الأبل ينافس هوامير العقار
قيمة الفلة شناحٍ تعضدّ حوارها

ايه حنا بدو والأبل حضارة وافتخار
نفتخر فيها وربي رفع مقدارها

الله اللي في كتابه دعى للإفتكار
والنبي وصى على اللبانها واوزارها

كل نوطاً زينة الوجه نابية الفقار
طيبها من طيب ابوها وطيب اسرارها

نيها فوق احجبتها ولا فيها انحدار
ارقبتها صوب وجه السماء مظهارها

تهتوش لاسمعت الصوت كن فيها طيار
وخيّل الأبل من على يمينها و يسارها

كنها يوم استشاطت على شوط البكار
خفرةٍ مالد العين في حجارها

مايجيب النادرة واحدٍ مثبور نار
تبغي اللي نظرته مايهس عيارها

يكتب الشك المصدق جهارًا من نهار
واهل السعيات مايستمع لشوارها

[سعود بن مبارك @Saud_almshly_]

" حمامة الأيك " ماكانت حمامة سلام
كانت على عالي الأغصان متعاليه

ترفع سهوم الهدب وتسلّ سيف الملام
حتى مشاريهها مُرّه وهي حاليه

تخطي وأقول الخطأ مني بكل احترام
وأحاول أكبح جماح النبرة العاليه

عشانها مستعد ألوي ذراع الكلام
ماودي أحس خاطرها وهي غاليه

[سعود العتيبي @saudtu]

لا تحرموا أخوكم من صالح دعائكم 🤍

[محسن بن مترك @aprvip]

جديل الغروب الى رسم لوحة الابعاد
خطب ود صفحات اللغه من مراجعها

من تضاف له سيره مثل سيرة العقاد
تشرع له ابواب الجزاله مصارعها

قلايع حروفه بيت فكره وبيت امجاد
وطلايع خياله تنعرف من مطالعها

الالهام طيفه لمحه وصوته استنجاد
وطيوره وحوش ماتخرّز براقعها

دعاني وانا بين التشبع وبين الماد
معي حجة عيا عنادي يوقعها

اشوف التهايا حيرة التايه النشاد
واشوف الدلايل جدّيها قبل سبّعها

رسوم الغلا والليل والعارض المنقاد
ثلاث وشبيهك فوق الافاق رابعها

حدتني على المسرى وشوفك ولا الله راد
بعد جيت دارك وانكرتني شوارعها

وجيه العرب متغيره والعيون حداد
ما كن المضارب كنّت سيد مرابعها

معي حيرة موادع ولهفة غريب بلاد
وتعليقة الي كبده الشوق قاطعها

ركاب الوله ضمّر وجمر اللقى وقاد
والاحلام فض الهجر نقطة تجمعها

عسى الفرصه الي سايفو بابها الحساد
عوضها تجي في ساعة ما اتوقعها ):

[متعب البقيلي @muteb_1191]

يدرى الصحيح تقول يدرى فضيحة

[ضيف الله الشيباني 🇸🇦🕊️ @SMSSOM]

اعظم أختصار لحياة الأنسان في 3 آيات فقط

﴿ مِنْ نُطفَةٍ خلقَهُ فَقدَّره ۞ ثُمَّ السَّبِيل يسَّرَه ۞ ثُمَّ أمَاتهُ فَأقبرَه ﴾..

ما أقصرها من رحلة

[سلطان الحوالي @sultan_alhawali]

أنت مثل الشمس حضرة و مثل الشمس نور
لا أشرقت ضحكاتك أقفت سنيني مشرقة

أدري إن غيرك من الحور واجد بالبحور
مير قلبي ما يبى غير بحرك يِغْرقه

خل عذالي تبور و دعاويهم تبور
أنت لو شافك عذول الهوى راح مرقه

دامنا وإيّاك حيين ما حولك قصور
لو بغيت أزرق سما الناس جبت لك أزرقه

-صباح الخير

[محمد بن سلمان بن عبد العزيز (Informal) @HRHMBNSALMAAN]

“أنا لا أهتم بما يقوله الناس عني.”

[فارس السميري @vv_851]

من مروَد الاثمد على خدّر الخود
ليل(ن) يزيّنه القسا بالنعومه

يا ليت لي قلب(ن) مشبّب ومسعود
ويصدّ عنه و لا يجدد همومه

طاويه سرحيّ(ن) له ايام مفقود
تعد له دورات الايام يومه

ينفخ هوا داره مثل نار الاخدود
وتبين في وجهه لفايح سمومه

يا ما تعشّا بنت ناقه ومفرود
واخلا مراحين الشواوي هجومه

يضوي على الحاشي وراعيه موجود
وام الحويّر تنفره ما ترومه

تفصيل حال اللي من الهم ملهود
عنه القلوب مرسّنه و امخطومه

ان قمت قام الحظ مع كل مجهود
وان طحت لـ عيال الرياجيل قومه

على ضياع العمر مانيب محدود
مادام لي في ساحة الحرب هومه

ما كذّب سلاحي من الماص عبرود
قبل الغزال اللي رمتني سهومه

من علّق الهقوه على عيونه السود
ما ذاق منه الا عذاب(ن) يسومه

عدّيت له صايد و حوّلت مصيود
منه الضماير والضلوع امهشومه

ابغاه يرفا الحال لـ علّه يجود
ومن العطا يمنى البخيل امحرومه

الطيب في سلم المحبين مجحود
واللي يحب الغيد محدن يلومه

انا طليق يدين في قلبي قيود
ماعاد له عن وحشة الصدر حومه

ادق سلف الجيب والدرب ممدود
والنفس صلفه والهقاوي حدومه

جيب(ن) دفعنا له من المال منقود
بـ اسراف و يدين الكريم امخرومه

اليا نشب في سعره قليّل الفود
حنًا نخلّص قيمته ما نسومه

نبا نوسّع به مدى خاطر العود
ينساح باله لين ناخذ علومه

اما ربيع(ن) بين حايل وابا الدود
والا مصيف(ن) فالنماص وتنومه

ولا نصينا به مداهيل و عدود
لا مرّها المكسور قوّت عزومه

يسري بـ ليل(ن) تنقره نسمة النود
تنزل ملايكته و تطلع نجومه

يصبّح الظهران والعالم رقود
ضلع(ن) على سيف البحر فيه زومه

يلقى اعلوّ الرابيه بيت داوود
ماهوب بيت الا وزارة حكومه

ينصونه الشرهين زوّار و وفود
ويمره المحتاج يقضي لزومه

يقبل عليه امن الزعل غيضه يزود
ويقلّطه على كرامة قدومه

شيخ(ن) طويل ذراع و معرّب جدود
تلوح ف ارقاب المواقف وسومه

ورّد ضماي الجم و الجم قرهود
كنّي من المعروف لابس هدومه

ان كان لـ الطاله مواثيق وعهود
ما تعتمدها الا مضارب ختومه

ابوه قدامه على الطيب محسود
عود(ن) يديه اعن الرخوم امعصومه

الله يطيّب قبره ب جاوي العود
دعوة ملبّي في نهار(ن) نصومه

#فارس_السميري

[ناصر الحمادين @nalhmadeen]

يقول جبار المعاوي :

كني وانا ادور الفرحة مع الدالهين
مضيع ٍ لي ذهيب ٍ ماعليها وسم ..!

[أنس بن مسيعد @anasbinmosai3d]

شهر بجزلات العلوم النفيسه
"يفداه من لاعرف منهو ولا شيف"

هذا كرم يمناه يعدي جليسه
حتى عماميله تطلّق على الضيف

[رادار القلطة @Radaralqalta]

انا البارح حلمت بحلم و الاحلام مثل الغيم
حلمت اني بحر و ان القمر بسمي يناديني

فلاح القرقاح

سقى الله يوم كان الريم واجد في خبيب الريم
يخدّرني حديث الحلـم والـواقع يصحيني

ابراهيم الشيخي

[عزام الشعـيفاني @azaam_f15]

شرهتي حرٍ تصقر على مد الشبوح
ماتجيك الا انت بالعين عالي مستوى

[سعود بن مبارك @Saud_almshly_]

نسايم الليل للعشاق ساعي بريد
معها من احبابهم حبة خشم واعتذار

ياليت ذيك الصروح اللي غلاها تليد
يصنع لها شي يحميها من الانهيار

اول دروب الغلا ترحيب ومصافح ايد
واخر دروب الغلا دمعة رجل وانكسار

والعشرة اللي يكون الحب فيها زهيد
اخِير منها الفراق بـ عزّ نفس ووقار

يا ملهمتني وانا ما اخترت اقول القصيد
الفوضوي في حياته يكره الاختيار

أنفاسك تمرني مع كل صبحٍ جديد
ريحة خزامىٍ منابتها بطون الزبار

انا شقي قبل اعرفك وامنياتي جليد
اصفّها فالظلام وتنصهر فالنهار

طفولتي شي قاسي آه ما ابغى استعيد
شريط ذكرى احلبْ الناقة وردّ الحوار

كانوا يقولون لي كابر وخلك شديد
صدّقتهم لين عاش احساسي مستعار

مستقبلي ضاع ما عينت شورٍ سديد
محتاج لي شخص ينظر لي بعين اعتبار

لين انكف الليل وأشرقتي عليّ من بعيد
يا طلّتك حسستني قيمة الانتظار

جردت نفسي من الماضي وجيتك وحيد
لمست فيك الوفاء والصدق والانتصار

قلت احضنيني بموت بنظرتينك شهيد
قلت لي الموت بسهوم العيون انتحار

لقيت فيك القساوة من قصايد لبيد
ولقيت فيك العذوبه من قصايد نزار

عشت أجمل سْنين عمري في رحابك سعيد
واثنينا مخلصين ولا نعرف البوار

إلى هنا وأنتهينا ، ليش ارددّ واعيد
العمر محدود وسنين السعادة أقصار

انتي عنيدة وطحتي في غرام العنيد
اللي ليا من بغاله طرقةٍ ما استشار

جيتي مثل ضحكة الاطفال في يوم عيد
ورحتي مثل دمعة الفرقا بصالة مطار

[أنس بن مسيعد @anasbinmosai3d]

شفت فعلك فالعطايا وفي عتق الرقاب
والله انك بعد الامحال شقٍّ من سما

انت جودك يدفن الفقر يادمث الجناب
يوم غيرك مد يمناه مايقطع ضما .

[حمد الميموني @Abcd_198o]

هذا الطريق اللي على شاطي الكوت
أول لحون الحب ، والهاجس الطرّب

جيته معي حلم وطموحات وبخوت
ورجعت مثل اللي معوّد من الحرب

خايف : لكن ماني بخايف من الموت
ماهمني لو تشرق الشمس من غرب

كم كلمةٍ : ماعاد يسريبها الصوت
وكم خطوةٍ : ماعاد يلقالها درب !

[عبدالله الصلاخي @ab1_dl]

يا قصيدي ماني مبدّل شدادي بالمسامه
صعب الد العين للاسفل ليا صرت متعلّي

ابتدي في رحلة الابداع وارجع بالسلامه
والبيوت اللي تجوب الكون وانا في محلّي

القصيد امن طرفي والله ما يشعر بانهزامه
كان ما زوّدت قدره ما نقصته ربع ملّي

شاعرٍ يرفع مقام الشعر كنّه من مقامه
وشاعرٍ يرجع ليا غنّا على يا طير يلّي

من قبل لا اكون من حكم الهجر دافع هيامه
ادري انّي ما كتبت الشعر من باب التسلّي

كل ما تشرف بي الهقوة على جال الندامه
لا جديد الا انّي اكتب وارثي الحظ المولّي

يا حبيبي والله انها ما تعدّاك الملامه
بس ماني قايلٍ لك عن سبب غيبتك قلّي

حبّك اللي مثل عودك فيه ميله واستقامه
العزا فيه انّي اسرق منه لحظات التجلّي

صرت رغم همومه وقسواته اتمنّا دوامه
كل يوم اكتب قصيدة فاخرة لعيون خلّي

كيف الوم القلب لا من ساق لك جل اهتمامه
وحبّك بحلوه ومرّه والله انّه جايزٍلي

بس لا شفته على درب الشقا والجور أمامه
والهوا مثل الهوا لارهى على الغصن المدلّي

اتضايق وامتثل للشعر واجوّد خطامه
واتساءل لا ذكرت اللي من اسبابك حصل لي

كيف صرت اقلّط طيوفك على فراش الكرامه
وانت ترسل لي سهوم الموت من كف التغلّي

[حمد الخضيري @hamad_alkhudiri]

الصلاة من أعظم الأعمال بعد الشهادتين، وهي الركن الثاني من أركان الإسلام.

فلا غنى للمسلم عنها في يومه وليلته، فهي صلة بين العبد وربه، وعمود الدين الذي لا يقوم إلا به.

شاركني الأجر، وانشر هذا الجدول الذي يحتوي على شروط الصلاة وأركانها وواحباتها ومبطلاتها، لنذكّر أنفسنا وغيرنا، ولننشر الخير بين الناس.

[نواف بن سعد @nw2fs]

البارحه يوم التفاكير نجاع
زاد السهر عينً تذوق الحريمه

دب العنا يوم الهواجيس هجاع
واستيقظت كل الجروح القديمه

وشلون اطيح لهزعة الجرح وانصاع
وانا الندم للحين ماني نديمه

قامت تزم الذاكره حزن الاوجاع
وتحط لدموع المشاريه شيمه

ليت الهموم اللي ورا الصدر سجاع
تهيد عن قلبً يرمم حطيمه

وعقلً ليا ماد العنا والهنا ضاع
ما يستريح و ضيقته تستهيمه

على مداهيل الهواجيس مطواع
واليا دله للذاكره زاد تيمه

ماهو على دقل المشاريه ينصاع
و عن زلة المخطي يذب الخريمه

فرق العقول بفكرها فرق الاطباع
فرق العيون المبصره والكريمه

اخاف من هرجً على قل الاسناع
اليا عقب سيل الهواجيس ديمه

الشعر ماهو سلعةً للتبضاع
ادراه ويلاعب نسيمي نسيمه

يبوني ادور ورا شعري اسناع
وعين الرضا ماهيب عين الهزيمه

اليا اكتبت اكتب على شان الابداع
واليا سكت يجاوب البرق غيمه

شاعر ولي قيمه ولانيب تباع
عاقل بتفكيره وعقله خصيمه

لو ان بعض احيان من وقتي ارتاع
يوم الكدر يختل عيون اليتيمه

ماكل قومه من وراها تنفاع
ولا كل طيحه من وراها غنيمه

التمر لامالت عذوقه على القاع
مال لـ شماريخه وتمرته قيمه

#شعر
#نواف_سعد