م

[م @3absh8]

واللي خلق هالخفوق و هز خفقاته
إنك عن وجيه خلق الله تفردت

و إنك ذرا القلب في قيضه و هباته
و إنك ملاذه و عشقه وين ما كنت

و لو جار وقتي علي وزاد ميلاته
يكفيني أشوف وجهك لا تبسمت

[م @3absh8]

,
تتغيّر الدنيا.. وتتغيّر الناس!
إلا أنت وحدك ما أبيك أتغيّر.

[م @3absh8]

ياجميله ماخلق . . بالأرض مثلك
اخذتي إعجاب الاوادم بـ إبتسامه

من عذوبة وجهك ونظرت عيونك
ضيع العاقل دروب ، الاستقامه

من يسولف معك حتى لو دقيقه
ماعطى غيرك من الغّيد إهتمامه

[م @3absh8]

الله فرقها على زينات الأخلاقي
بيت الشرف بيتها وتعيش برباعه

بنت الترف واسم ابيها درعها الواقي
والخال شيخٍ يحوش الطيب بذراعه

خذت من أوصاف يوسف كل ما لاقي
زعيمة الحسن مياسة وجزاعه

ان وقفت وقفن تلعات الاعناقي
وان عرّضت من لمحها دق بصباعه

[م @3absh8]

الليلة الإحساس ضايق وراقي
ما ودّي ان الصبح | يطلع نهاره

مزاجي الليلة ! مزاج العراقي
لا خدّر الشاهي .. وشبّ الزقاره .

[م @3absh8]

ماني اكثر شخص بالدنيا وفيت
لكني اكثر من تجمل وانجحد

[م @3absh8]

«أنا البارحة بغيت أعبر ولا الله راد
ياكثر الكلام اللي كتبته ولا أرسلته»
—صالح النشيري

[م @3absh8]

أحيانًا يمرّ على المرء أوقاتٌ من الضيق
يعجز معها عن الصبر ، مهما حاول التحمّل
والتجلّد ، وقد جسّد الشاعر سعد بن جدلان
هذا الشعور بأبلغ تعبير ــ حين قال:
"أنا صبرت وفوق ذا الصبر ما أطيق
وزودٍ على صبري صبرته ـ ما أطيقه".

[م @3absh8]

- رغبة الانعزال اللي تداهمك فجأه وحومة الكبد
من الخلق

جسّدها مدغم بوشيبه ببيت/
«ودّي إني في المجرة وأسولف للنجوم
لا أتكلم مع أهل الأرض ولا أسمع كلام»

[م @3absh8]

الله من هم على القلب خيم
ومن ضيقتن دايم يعتم سماها
والعقل من كثر التفاكير جيم
والنفس عيت ماتجامل هواها

[م @3absh8]

سواياك ياقلبي تحمل سواياك
لا تشتكي وتقول فيهم ومافيك

[م @3absh8]

- قوة الملاحظة والتدقيق في اتفه الامور مصيبه
وتفتح بيبان الضيق وانت ما ودك

وقيل على سياق ذلك/
" مايزعزع مستواك وطبعك المتماسك
كون تدقيقك على الكلمه وهي عاديه "

[م @3absh8]

ما بين الصعب وبين الخوف والتجريب
أحاول ما أميل يوم ولا تتشرد أفكاري

أمر بمرحلة صح أو خطأ ، صدق ، أو تكذيب
كأني تايه في شيء ولاني عارف أقداري

أنا يا رب ما أدري وش اللي ينكتب بالغيب
ولكن رحمتك أكبر من اللي فيه أنا داري

[لهَف @Nnge]

من تصاريف الليالي و دورات الحياة
خايفٍ لا اورث الضيق عقبي لـ ولدي
— مرزوق الثبيتي

[م @3absh8]

طراه الرفيق اللي لا سولفت معه ارتحت
تسولف معه / كنك تسولف على نفسك 💙💌

[م @3absh8]

يا انفعل واقوّم الدنيا على ساق
يا استكن وما تحركني الحرايق

[م @3absh8]

ضاقت فجوج الدار على من كان لها دار
ولا بحت من كثر ما شلت وحييِت

احس هالبيت غريب🤔!

[عبدالله السراهيد @Alsraheed]

ما لانت عزومنا من لين جانبنا
يا كثر ما نقدر ويا كثر ما اعفينا

الفضل بعد الله يعود لـ تجاربنا
من طيب نيّاتنا طابت مساعينا

لو ان خساراتنا اكثر من مكاسبنا
كل الخساير ( تهون ) الا مبادينا

ما نترك الحقد ؛ ياكل من ترايبنا
ولّا انعرف .. انتقاضى لا تقاضينا

لو ننشغل فالضعوف اللي تحاربنا
ضاعت شيمنا قبل ضيعة هقاوينا

ما دون حد الكرامة .. ما يناسبنا
طبيعةٍ من خلقنا الله وهي فينا

اللي ما نرضابه صحيبٍ يصاحبنا
ما نعترف به عدو مهما يعادينا

واللي ما يطلق لسانه غير لا غبنا
توه لهالحين ما هذرا بـ أسامينا

ما للحسايف علينا درب لا طبنا
لو في خشاش الثرا جادت يمانينا

حتى لو تغثرب الدنيا مشاربنا
اذا قدرنا نسوي طيب .. سوينا

قالوا ما يستاهلون وقلت واجبنا
ان كانهم .. ما تربّوا ! قد تربينا

الله لا يجعل مصايبهم ؛ مصايبنا
لو التعامل سوى يمدي تساوينا

طبنا ولا طابوا وخابوا ولا خبنا
على كثر ( ما تردوا ) ما تردينا

[م @3absh8]

تكسرت جنحان عمري وانا اشوف
لا الوقت راحمني ولا الريّح هدّت

جدت علي أحزان وارهقني الخوف
وطارت طمأنينة حياتي وصدّت

حزين ياربي وضايع ومكتوف
وكل آه بضلوعي ليا صحت شدّت

مثل الجبل همي ومتوسط الجوف
ومثل الجمر قلبي ليّا قلت عدّت .

[م @3absh8]

" مثل ما اشرقت الشـمـس ومحت ذاك الظلام
بتشرق احلامي وتضحك لي الايام"