مايفرج ضيقة الصدر بالثلث الاخير
غير دعوة من لساني ليا سابع سما
يالله ارزقني من الفضل والحظ الكبير
انت لولا رحمتك مت من جوع وضما
في شيً في لساني وشيً فالضمير
مايجيبه سيفً اجرب ولا سرج دهما
ادفنوني في زوايا الذاكرة وانسوني
مثل ماينسى نهار اليوم حزة بكره
ودي اغمض على دمع العيون عيوني
واقفل اذني عن جميع اللي تحب وتكره
خاطري سامح وخابت هقوتي وظنوني
مثل طير فارق سبوقه وفارق وكره
اعتذر للي كرهني قبل من حبوني
يمكن ان الكره صادق والمحبه سكره
والهقاوي لاتعدتني وطاحت دوني
مابقى فـ مراحي من البل قعود وبكره
كثر ماخفيت عن وجه الزمان طعوني
كل فكرة بيت تطلع من وراها فكره ..!
يامسافات التعب في صوتي وفي لوني
الطريق بعيد والايام حبل ومكره
- ناصر الحمادين