Mohamed A. Abd Eltawab

Content Writer

[Mohamed A. Abd Eltawab @3bdeltawabM]

طب كتبتوا التحليلات والتوقعات الجيولوجية دي امتى يا جدعان أنتوا بتناموا بالكيبورد؟

[Mohamed A. Abd Eltawab @3bdeltawabM]

الناس اللي بتشكر في حكم الأسرة العلوية متخيلين ان أحمد عرابي راح ميدان عابدين وراه حشود من المصريين عشان يطلبوا حواوشي بسطرمة من الرفاعي

[Mohamed A. Abd Eltawab @3bdeltawabM]

خليل مطران شكى للبحر اضطراب خواطره البحر فِهمه ورد عليه برياحه الهوجاء، انا بقى لسه قافل مع خدمة عملا قعدت اشتكيلهم لمدة ١٠ دقايق، ١٠ دقايق متواصلة بشرح مُعاناتي، في الآخر الموظفة وهي بتقدملي الشكوى سألتني ببساطة شديدة؛ ايه شكوتك؟

[Mohamed A. Abd Eltawab @3bdeltawabM]

أظن إن الراجل ده ربنا وفقه في شغلته عشان يوصل للمكان ده ويقول كلمة الحق من أكبر منصة إعلامية في العالم حالياً ومن جوا امريكا نفسها

[Mohamed A. Abd Eltawab @3bdeltawabM]

لم شنطك يا صاحبي

[Mohamed A. Abd Eltawab @3bdeltawabM]

أنا فرحان في أي عيل سمج كان مستني منتخب بلده يخسر عشان يثبت وجهة نظره الكروية أياً كانت هي ايه .. نام متنكد يالا الناس كلها مبسوطة إلا أنت

[Mohamed A. Abd Eltawab @3bdeltawabM]

معلش لازم اخد اجازة بكرة عشان شكلي داخل على دور صعب شوية .. دور ال ٣٢

[Mohamed A. Abd Eltawab @3bdeltawabM]

صاحبك في ثانوي اللي كان بيلعب في السكة الحديد ويجي الحجز يقرفكوا

[عالم القوت @GOATTWORLD]

تمريرة الاسطورة بدون النظر للوراء 👀

[Mohamed A. Abd Eltawab @3bdeltawabM]

الجيل اللي شاف كاس القارات ٢٠٠٩ عايش بتروما مخوفاه من نيوزيلاندا

[Mohamed A. Abd Eltawab @3bdeltawabM]

لقيت تاريخ ميلادي مكتوب على يافطة محل كدليل على العراقة

[Mohamed A. Abd Eltawab @3bdeltawabM]

ساعات بحس بالإحراج من ال AI .. يعني Chat GPT قالب الدنيا بموديل جديد بيطلع صور أجمد من أجمد جرافيك ديزاينر على الكوكب وأنا داخل أساله سلق الفراخ بياخد قد ايه على نار عالية

[Mohamed A. Abd Eltawab @3bdeltawabM]

برشلونة ده ولا أحمد العوضي؟ كل سنة نفس السيناريو

[Mohamed A. Abd Eltawab @3bdeltawabM]

لما تتأمل كده في الطبيعة، هتاخد بالك إن موسم الربيع اللي بتحصل فيه تقلبات جوية وتهب فيه عواصف ترابية، هو هو موسم الربيع اللي بتزهزه فيه الأشجار وبتكبر وبتوّرق، عشان تخفف شوية من العواصف والتراب ونعرف ناخد نفسنا، سيمفونية طبيعية، بس نقول ايه بقى الإنسان مش بيسيب حاجة في حالها

[Mohamed A. Abd Eltawab @3bdeltawabM]

مازلت مقتنع إن الإنسان عاش أسعد أيام حياته لما كان بيصطاد وبيحتطب وأخطر تهديد كان بيواجهه ان التعالب البرية تطارده في الصحرا

[Mohamed A. Abd Eltawab @3bdeltawabM]

ده يعلمك عدم الانسياق ورا نظريات المؤامرة، لو في تسريب اشعاعي اساساً شباك بيتكوا الالوميتال ده مش هيفيدك بحاجة

[Mohamed A. Abd Eltawab @3bdeltawabM]

انستاباي ده تحاسب بيه دليفري تراضي بيه سايس مش توزع بيه عيديات

[Mohamed A. Abd Eltawab @3bdeltawabM]

نرجس في الحلقة ١٣ خرجت من السجن عدت على العاصمة والمونوريل ومحور روض الفرج لولا وقت الحلقة كانت كملت للعلمين ورجعت

[Mohamed A. Abd Eltawab @3bdeltawabM]

لازم طبعاً نسلّم الشغلانة قبل الوقفة عشان بعد العيد هنبدأ خطة تقاعد ونروح نعيش في بيت ريفي في جزر البهاما ومش راجعين الشغل

[Mohamed A. Abd Eltawab @3bdeltawabM]

الواحد عايز يعيش في استراليا ولا لوكسمبورج، بلاد اسمها مش بيجي في الاخبار غير عشان نعرف انتاجهم السنوي من البقر والجبنة الريكوتا

[Mohamed A. Abd Eltawab @3bdeltawabM]

مش لازم تبقى ابن نكتة في كل حاجة حتى الجرايم والكوارث والتجارب السيئة اللي بتمر بيها الناس، ممكن تسكت عادي لو ماعندكش كلمة مفيدة.