على نور الصباح ، وهب ذعذاعه ، وصوت الطير
ثلاث أشياء كفيله تنعش أشواقي وتحييها
صباح الطيب ، ولا الفل، ولا الحب ولا الخير
تخيّر في الصباحات الجميله .. وأنت راعيها :)
أنا خابرك ياروح روحي تبي فرقاي
ولكن قلبي فيك ماهو بـ طايعنـي
أنا كيف أفارق واحدٍ غايتي ومناي ؟
تمكّن غلاه بـ وسط قلبي وجنّني
أنا أغليك لو إنك سبب ضيقتي وشكاي
ولا أبيك ياروحي من القلب ترحمني :)
مقدار حبي عالمٍ فيه ربي
والا الموازين لغرامي ظلومه
لا لا تقارن حب أمك بحبي
أخاف من عينك تطيح الأمومه
أخشى يقولوا عنك ما هو متربّي
مابي أشارك في عقوق الرحومه
يا غايتي ما عاد فيني أغبّي
حبك تعدّى حدود نفسٍ كتومه
مابيك تسأل عن مقادير حبي
بكره مع الأيام تطلع علومه
/وسمية العازمي
كل ما أستر تعب قلبي تفك الستاير
أثرك بقلبي وقلبي لـ هالحين دارك
أحسب إنك نسيت الحب وشلون صاير
يوم ردّيتني عنك .. بترد إعتبارك
ما تضيق الدروب وما تهل العباير
من عيون السما إلا وهي بانتظارك
وأنا معها ولكن الشعور المغاير
إني أحس في هزيمتي . . بأنتصارك
/ عبد العزيز العبلان