نايف بن ضّاوي

عينٍ مايغريها كل براق

[نايف بن ضّاوي @3etbi]

تدرس ومشغلتها كثر الاختبارات
عيونها سود و الكتب مسويتلها حوسه

خفو على معشوقتي يا الوزارات
نجحوهاا ترا قالت على نجاحي لك بوووسه

[نايف بن ضّاوي @3etbi]

Today's schedule

[نايف بن ضّاوي @3etbi]

تجر الذكريات أطراف ثوبي لين ألدّ خلاف
على ما فات لي من ماضي ٍجفّت مشاريبه

مع اللي ما يحالي له شبيه ولا قريب أوصاف
مزايا غيره من الناس .. ما تسوى عذاريبه

- غازي مشعل

[نايف بن ضّاوي @3etbi]

أهنئكم بحلول عيد الأضحى المبارك
سائلاً المولى عز وجل أن يعيده علينا وعليكم أعواماً عديده وأزمنةً مديده وأن يتقبل منا ومنكم صالح الأعمال

وكـل عـام وأنـتـم بـخـيـر🤍

[نايف بن ضّاوي @3etbi]

- اللهم يا مقلِّب القلوب ثبِّت قلوبنا على دينك
- اللهم أعني على ذكرك وشكرك وحسن عبادتك
- ربنا آتنا في الدنيا حسنة وفي الآخرة حسنة وقِنا عذاب النار

#يوم_عرفة

[نايف بن ضّاوي @3etbi]

"اللي يغرّبني عن الناس واجد واللي يرجعني لنفسي قصيدة"
وصف عجيب ومختصر
بإعتقادي انه ينفع يكون اسلوب حياة

[نايف بن ضّاوي @3etbi]

حفيدة . . الي كل ماثار دخاان
اطلق شنب مايعترض في طريقه

من حسنها كن الوطن شانها شان
خلت صحاري نجد ترجع رقيقه

يارب . . ترزقني وظيفة علشان
ماعاد تجلس عند ابوها دقيقه

[نايف بن ضّاوي @3etbi]

الحّلا والزين والذُوق والّوجه الجميل
كلهّا معَنى تفاّصيل وجهْك ف الحياه

الحياه اجمل معك كل صبح وكل ليل
مرحبابك داخل القلب وقصائد منتهاه

فيك كل الزين والملح يا الطرف الكحيل
ماخذه كل التفاصيل من كل . . اتجاه

[نايف بن ضّاوي @3etbi]

وش تبي أمر و لبيك يالوجة الضحوك
انت ماتستاهل " تحس باحساس العنا "

لك بقلبي عرش الأسياد واحكام الملوك
شيل من ودك تشيلة عساهم " للفنا "

ماينافسني بمحبتك بعد أمك وأبوك
غير أنا واعوذ بالله من كلمة " أنا "

[نايف بن ضّاوي @3etbi]

أنا ليا مني وعدت أوفي الوعد
والله على طيبي مزين نيتي

صغير سن وراس قوم ولا بعد
تفرق عن أقراني عظم شخصيتي

- سعد علوش

[نايف بن ضّاوي @3etbi]

« بحبّك إليين أصير مجاور الميتين
وبعد الممات المحبّة . . مدري شلونها »
- عبدالعزيز البطحاني

[مشعل حمد @YaMsh3L]

القيل و القال مُستنقع فوضوي مُجرّد
الخروج منه مكسب لا يُقدّر بثمن.

[مشعل حمد @YaMsh3L]

قبل أن تخوض حرباً من أجل شيءٍ ما، تأكد أنه يستحق ذلك..

[نايف بن ضّاوي @3etbi]

وشلون أمل المكابر فالأمور الكبار
والكبرياء جزء من نفسي وتكوينها

عجزت لا أناظر الدنيا بعين اعتبار
أدعس على غارب الأيام واهينها

مايعتذر بالظروف الا عديم القُرار
ولا يبكي من الحياه الا مساكينها

- مزيد الوسمي

[نايف بن ضّاوي @3etbi]

تمر المره من عقبها كنها رجال
ما والله تحرك شعرةٍ من شعر راسي

- محمد المقحم

[نايف بن ضّاوي @3etbi]

كفاحك و استمرارك في الحياة ، ما كان حب في نفسك او للحياة
لكن كان دائم لأجل اللي تحبهم

و يقول محمد المقحم :

كم واحدٍ قاضي حيله و وده يطيّح
و توقفه نظرة اللّي يحسبونه قوي

[نايف بن ضّاوي @3etbi]

اللهم صلىَ وسلم على نبينا محمد

[نايف بن ضّاوي @3etbi]

عسى لي أثر طيّب ومواقف وذكرى خير
ونفسٍ تنول اللي تمناه ياربي

ولاتبتليني بالسعي في نصيب الغير
ولاتضيّع سنيني و أنا ادور لطبي

وهب لي بصيره ماتوردني التقصير
تميز قلوب الناس في كرهي وحبي

ونوّرني أشوف الحقيقة مثل ما تصير
واني اشوف الأشياء مثل ما يشتهي قلبي

[نايف بن ضّاوي @3etbi]

وش يطمّنك من بعد الجفا يا قلبي المرتاب ؟
وأنا شاعرً يشوف البيد بيته .. والقلق ثوبه

[نايف بن ضّاوي @3etbi]

ودي أكمل معك حتى الحياة البرزخية
وين تلقى عاشقٍ يبغاك حتى في مماته ؟

من يشوفك يدري إن الموت حاجة عايديه
كل ليلة في طوارف مبسمك يعلن وفاته

هات فنجال الهوى بـ يدك وحطه في يديَّه
لو تصبّ الموت في فنجال حبّك قلت هاته