ٍ

عليل طبَّه الشِعر

[ٍ @3fzr_]

لا غبت عنكم وفي ترابي توفيت
استروا عيوبي و ادعوا لي بالثبات
تذكروا الصحبة لو اني قد اخطيت
وانسوا خطاي واذكروا حلو الصفات

[قاف @Qaf_96]

تعبت اتذكر وقتنا الأول اللي ، زل
أنا الماضي اللي فيه فرحه يبكّيني

- فهد قطنان

[ٍ @3fzr_]

عن هوى داري معك مانيب داري
كل دارٍ .. نجتمع فيها وطنّا
- محمد جارالله

[ٍ @3fzr_]

مجاهد النفس أقسى من جهاد الحياة
ما بين عقلٍ ثقيل , وما بين قلبٍ خضر

- بيّن الوسمي

[ٍ @3fzr_]

الزَّلة أحيان لو كانت على رمْشي
أغِض عنها البصر من حُب راعيها

[ٍ @3fzr_]

أحب « التمريرات » بالقصايد
مثل لما يوظّف الشاعر أسم محبوبته والكل يضرب وادي
والملهمة والشاعر في وادي آخر

مثل ما قال بندر الدويش /
يا كم مرّ أسمك في قصيدة مرور أكرام
تعرفينه أنتي .. و العرب ما يعرفونه

[ٍ @3fzr_]

كيف يلحقني من الوقت و الأيام روع ؟
و أنتِ مداتك سحابة و فزعاتك وبـل
— راشد ال صبيح

[ٍ @3fzr_]

« من عرفتك سابقٍ خيرك قبل ما اوصلّك
وفاتحٍ بيبانك وصدرك مشرّع كلّه

البقى في وجهك وفي مرحباك وكلّك
لين ما يبقى على الدنيا سوى وجه الله »

[ٍ @3fzr_]

«تعالي ضحكةٍ ما شافت بوجهي لها ميعاد
وبلّي قلبي الذابل .. وردّي روحي الاولى»

[ٍ @3fzr_]

يوم لاحت روضة الفرحة وخايلت الغمام
ناخت القفر وبكت بين السُّوافي مولدي

بعتذر للرُّوح ما شمَّت عطر مسك الختام
و الأماكن خانها برد الشتات في موعدي

للوجع أرض الدفاتر دامه شعوري سْهام
و للغرق دمع نافر سيِّل سطوره مدي

[ٍ @3fzr_]

المراسيل عيت لا تجيب السلام
يا كثر ما أنخذلت وياكثر ما أحتريت

من بعد كل صبر أحس بالأنهزام
وكل ما جيت أبيأس من وفاك أستحيت

المحبه ، الأحلام ، الوعود ، الغرام
هي غدت من سنيني ؟ ولا أنا اللي غديت ؟
- بدر بن بندر

[ٍ @3fzr_]

اللهم صلِّ وسلم على نبينا محمد

[ٍ @3fzr_]

اذا باعك اللي ما رحم قلبك الحساس
تلفت وتلقى شمعة القلب تضوي لك

تعال وتذرّى بين غصن الرجا والياس
تحت جذع صدري لين توقف على حيلك

بعدها تعرف ان الذهب ذاك كان نحاس
ولا فيه احد كثري من الناس صافي لك

على سور قلبي لا تغرك جموع الناس
ترا ما ورا بيبانه .. إلا مداهيلك

[ٍ @3fzr_]

حبيبي مِن غفى طَرفك قبل حزّة طلوع النور
و انا للحين أحس الصبح متخبّي ورى أهدابك

[ٍ @3fzr_]

انت لو تزعلني بكلمة .. بكلمة رضيت
فارشٍ لك ساحة الصدر بيت بلا عمود

-مزيد الوسمي

[ٍ @3fzr_]

"ما ودي امر .. في نفس المكان القديم
ماخاف نفس المكان اخاف نفس الشعور"
- فهد الحمّاد

[ٍ @3fzr_]

أخطيت والعاقل يعدّل خطاياه
من الخطأ مافيه نفس معصومه

أكبر خطأ طاوعت قلبي وسواه
يوم إني أعمّر بيوتٍ مهدومه

يخدعني الصاحب بضحكة ثناياه
وأثقَّل من همومي وأخفّف همومه

لين الزمن حدّه وردّه على أقصاه
عيَّت سلومي — تتفق مع سلومه

[ٍ @3fzr_]

ارفق علي قبل اجيب اقصاي
تراني فقدت اغلى رفيـقٍٍ يوالينـي

فقدت العضيد اللي أحطه على يمناي
واصد واجامل لين بان الخلل فيني

أقضي نـهاري بالمشاويـر رايح جاي
لكن البلا مع غيبة الشمس يأتيني

[ٍ @3fzr_]

«آتحاشى ذكرياتك بالتناسي والنزوح
وآتوارى عن حقيقة قيّدت لي معصمي

كلّما عزّمت أنسى ..رايتي البيضا تلوح
والحلول الممكنة خلف القصايد تحتمي»

[ٍ @3fzr_]

عاد قلبي من حنين الذكريات مهايف
قد كفاه الحزن الأول والزمن ما حنّه

[ٍ @3fzr_]

كنت متشبع محبه ومتنفس غرام
قبل لا يردعك رادع ، ولا يمنعك ظرف

آه يا قدم الرسايل / ويا حلو الكلام
ودي أحضن كل كلمه وأقبّل كل حرف
- منصور بن جراح