ُ

اصنع لنفسك بطوله والعب دورها

[ُ @3i111]

﴿ وقُل رَبّي ارحمهُما كما رَبّيانِي صَغِيرا ﴾

[ُ @3i111]

يبتسم وجهي للأيام بسمات الصبور
بالصباح اليا تنفس ، وليله لا سجا 

الحياه الفانيه .. كلها نقطه عبور 
ليه أعلق حبل الآمال في حبل الرجا ؟

[ُ @3i111]

لا تحسب اني يومك اقفيت مهموم 
اتروح ويجيني ثلاثين مثلك

وما تاقف الدنيا عليكم ولا يوم 
كانك تحسب انها بتاقف يا خبلك

ولا تحسب اني لجلك اطيح واقوم 
انا مانيب اقوم واطيح لجلك .

[ُ @3i111]

اضيق من ضيقتك لعيونك الخدري
الروح في ضيقتك غدا لها نزعه

ياعنفوان الجمال وعمري وقدري
مابه حمل للحزن والضيق والدمعه

تعال خل الحزن واجواءه الكدري
ولا عاد نحسب حساب ايامنا السبعه .

[ُ @3i111]

حداك الحلم عن طيش الشباب لصحوة الإدراك
 بعد ؟ عشرينك اللي من ربيع العمر مسروقه !

على كثر الشكوك اللي تراودني هنا وهناك 
انا رجل يشوف المستحيل من ابسط حقوقه :)

[ُ @3i111]

راحـو اللي يـوم راحـو رحـت كلي
طيحوني في محبتهم وطاحو

لا طـرو لي ماقـدرت ابطي محلي
واهني اللي على السله تلاحو

أتذكرهم وانا — بـ الفرض اصلي
ليه راحو ، كيف راحو ، وين راحو

[ُ @3i111]

تلاشت الرغبّة .

[ُ @3i111]

هل يعلمُ المحبوبْ أنّ قلوبنا
تهفو إليه .. و تستلذُ رؤاهُ ؟

- هو يدري ولّا ما درى ؟

[ُ @3i111]

بين نظرة قاضي الراي واصبع الاتهام
تصمد الكلمه وتوخذ حقوق المستحين

ما ورى كثر المشاريه يااصحاب الكلام
غير تعريضك للاحراج عند الاخرين .

[ُ @3i111]

أستامن العين و أثر العين فضاحه
طرى لها شي محدٍ جاب طاريه

مدري تعاظم كبر جرحه و جرّاحه
ولا البطل دايم جروحه " بطوليّه "

[ُ @3i111]

حبيبي وصرنا للعواذل مَحط أنظار
وأنا نظرة العذّال ماني بـ أواطنها !

أحبك / وخايف من غدر وقتي الغدار
ومن حَب مثلك كيف الأيام يامنها

والأعذار ترخص قدر الأحباب بـ التكرار
وش الفايده بـ أعذارك أن ما تبرهنها

تغيّرت واجد ليه صاير غريب أطوار ؟
وعود الغرام الماضيه وش بقى منها

[ُ @3i111]

ما ينظم زحمة أفكاري مرور الناصرية
بين عاكس سير متهور وعابر في سبيله

اتركوني في متاهات الخيال الجرهدية
لين اسوي صلح بين الممكنه والمستحيله .

[ُ @3i111]

أحسب إني معك قاطع حدود بعيده
و أثرني راكض لحالي وواصل لحالي

لا تدور ترى ما غير نسخه وحيده !
تلقى غيري ولكن منت لاقي بدالي

الفقيده ماهو باللي يموت الفقيده
غاليٍ صار مع الايام ماهو ب غالي

[ُ @3i111]

تدخل من الباب الكبير المعاناه
والابتسامة تطلع مع الدريشة

لكن .. لا زلت بخير والحمد لله
حتى لو إن الدار بعدك وحيشة

يحزني ان الماضي . . اللي بنيناه
ماهوب مثل الواقع اللي نعيشه ؛)

[ُ @3i111]

والله أني ما أترجى منك .. كبر الذرة
مستعد أواجة ظروف الزمان لحالي

وفوق ذلك مستعد أخدمك ثاني مرة
أمسح اللي بينا ، و أحفظ رقم جوالي .

[ُ @3i111]

وقفتني في جهة ماهيب ضمن الجهات
مدري تعمدتها ، ولا معاك صدفت ؟

بس الأكيد الأكيد إن النهاية ثبات
وأني أحبك وياليت إن أحبّك كفت

أنا من اللي — تأثر فيهم الذكريات
أرحمني وخب دمعة عينك اليا أذرفت

ولا تلتفت وأنت مقفي خل لي الإتفات
أخاف لا تلتفت .. وتشوفني ملتفت .

[ُ @3i111]

تحمل الانسام بالغ شوقه ووافر سلامه .

[ُ @3i111]

تجيبك لي الاحلام واحضنك لين افيق
تروح و تغيب ايام واحلامي تجيبك

اماري بك الاحباب وادعي لك التوفيق
شف شكثر غلطاتك بحقي واماري بك

عذاريبك الواجد بعيني عليك تليق
انا اشوف من ضمن المزايا عذاريبك

شسوي بك ان جيت اتناساك جاني ضيق
وانا كل ما ضاقت ذكرتك شسوي بك ؟

[ُ @3i111]

حاولت اكون اكبر من الحق وارضيك 
لكن رضاك اصعب من محاولاتي

حب اي احد غيري عسى اللّه يهنيك 
حبه ولاكن لا تسوي سوااتي

معاد يمديني واذا عاد يمديك 
تعلم من اخطائي ومن صفاتي

اما انا اعرف ماني بناسيك
انا رجل مصنوع من ذكرياتي 

لا عاد ترجيني ولا عاد ب أرجيك 
هاذي حياتك وانا هاذي حياتي

[ُ @3i111]

من لا يودك وش تبي به توده؟."

ياقلبي اللي توصل العشق حده
من لايودك وش تبي به توده

ماعاد لك يم المقفين لده
واللي نساك انساه ولاتلتفت فيه

واحفظ سنينك لاتضيع عددها
لابد باقي لك سنين بعدها

قال المثل من عز روحه وجدها
هذا الكلام اللي مع الناس نوحيه

[ُ @3i111]

أتسحر بـ القصيد مع وقت السحور
وأكثر أهل الدين للي خلقهم ساجدين

أدري إن تجارة أهل التهجّد ما تبور
وأدري إني ضعت لكني .. أشوى الضايعين

شاعرٍ مغمور .. مجبور .. وأحب الظهور
وأعشق الإبداع لكن ! ماحبّ المبدعين

جعلني لا قلت ماقلت ما أخرب الأمور
وجعل ما يفهم قصيدي ياكود الطيبين