حالف دمعي ما ينزل لو لزومه حاضي
حالف أنه ما يحوّل فـ الرخى و الشدّه
لين رحت وقمت أراجع ذكريات الماضي
وما انتبهت الا ودمعي منتثر من مدّه
جنّبوا دربي لو إني في طريق فاضي
خلوا الضايق يروح ودمعته في خدّه
البلا ما هوب في حزني ولا فـ امراضي
غير والله في ضمير ما عرف وش ودّه .
ندحم الحاجات بالقلب والجنب المتين
ونتخطراها ونضحك على وضح النقا
ما تربينا علي دس راس وخفض عين
تربيتنا المجلس الشره وارحب والبقا
جعل ماحنا على الشامتين بـ شامتين
وجعلنا واللي نحبه من النار اعتقا
نرجي اللي يوعد الرسل والناس اجمعين
ما يخيب من لجا له وخافه واتقا
مرحبا يا غاية القلب و أقصى منتهاه
ريف قلبي جعل عمري معك ما ينتهي
والله أنك وسط قلبي وهذا مبتغـاه
والعمر من دون وصلك ترى ما ينشري
والله أنك زين مبسم و طبع و زين جاه
جعل عين الناس منك تسجّ و تلتهي
من هو اللي شبهك بالظبي حسبي عليه
والله لا عينك بعينه ولا شفاهك شفاه
فضلك ربي بوجهاً ماهو مثل الوجيه
وجهك اجمل وجه شفته على وجه الحياه
التوى طوق الذهب في نحرك وقلت فيه
واهني طوق الذهب لا التوى بطوق النجاه
اللهم في يوم الجمعة
أرحم أبي وبلِّغه مراتب الصالحين وأجعل مقامه المقام الكريم وأجعله من ورثة جنة النعيم وهب لهُ من جودك مالا يُحصى ومن غُفرانك عفوًا لا يفنى
لك الغلا الي ما خذوه القريبين
لو ما عرفْه إلّا الكتاب المسطّر
تعال لو راحوا حبايب وغالين
لو تستضيق نْفوس وتْشين خطّر
وضم الضلوع الي تشيلك من سنين
وداعب بكفّيك الجديل المعطّر
وإن غبت عن عيني وعد والوعد دين
بعيش وقلبي للمجيّ يْتنطّر .
ما بارت أهدافي لو إن الزمن بار
العزم مثل البحر مـالـه نـهـايه
ذقت الخساير والعزاير والأمرار
وسقت العمر كله على شان غايه
مايصنع التاريخ من هاب الأخطار
ولا رقا في قمة المـجد .. تايـه
ولا يعلم الأنسان عن بعض الاقدار
يـمكن بعد خـط النهـاية بـدايـه ..
أشتقت لـ ابي ولـ روح أبي وصوت أبي يارب ان شوقي له يؤلمني اللهم ارحم من عجز عقلي عن استيعاب فراقه ويؤلمني قلبي عند ترديد دعاء الميت له رحم الله ضحكة لا أنساها وحديثًا إشتقت لسماعه
ربي إرحم وأغفر لأبي حبيبي🤍