ٓ

[ٓ @3i3_2]

وإني لا أخافُ الموت كما أخاف أن لا يدعو إلي أحد بعدَ موتي، فَياربِّ سخر لي من يذكرُني حينَّها وأجعل عملي اليوم يشفع لي غدًا

[ٓ @3i3_2]

أحيوا سنة التكبير :
الله أكبر الله أكبر الله أكبر لا إله إلا الله
الله أكبر الله أكبر ولله الحمد...

[ٓ @3i3_2]

حالف دمعي ما ينزل لو لزومه حاضي
حالف أنه ما يحوّل فـ الرخى و الشدّه

لين رحت وقمت أراجع ذكريات الماضي
وما انتبهت الا ودمعي منتثر من مدّه

جنّبوا دربي لو إني في طريق فاضي
خلوا الضايق يروح ودمعته في خدّه

البلا ما هوب في حزني ولا فـ امراضي
غير والله في ضمير ما عرف وش ودّه .

[ِ @almrarjni]

الصدقة خير ما يُهدى للميت
مَن تَصَدق لميت سَخر اللّٰه من يَتصدق
له بعد مماته وما نقص مالٍ من صدقة

- تصدقو ولو بالقليل -

https://t.co/QObDn0ftLP

[ٓ @3i3_2]

ندحم الحاجات بالقلب والجنب المتين
ونتخطراها ونضحك على وضح النقا

ما تربينا علي دس راس وخفض عين
تربيتنا المجلس الشره وارحب والبقا

جعل ماحنا على الشامتين بـ شامتين
وجعلنا واللي نحبه من النار اعتقا

نرجي اللي يوعد الرسل والناس اجمعين
ما يخيب من لجا له وخافه واتقا

[ٓ @3i3_2]

تدري أنك عندي أغلى من الغالين وزود
وإن لك فالقلب جرّه ولك ماطى قدم

جعلني ماذوق حزنك وجعلك فالوجُود
وجعلني ما أعتاض ولا خلا ولا عدم.

[ٓ @3i3_2]

مرحبا يا غاية القلب و أقصى منتهاه
ريف قلبي جعل عمري معك ما ينتهي

والله أنك وسط قلبي وهذا مبتغـاه
والعمر من دون وصلك ترى ما ينشري

والله أنك زين مبسم و طبع و زين جاه
جعل عين الناس منك تسجّ و تلتهي

[ٓ @3i3_2]

من هو اللي شبهك بالظبي حسبي عليه
والله لا عينك بعينه ولا شفاهك شفاه

فضلك ربي بوجهاً ماهو مثل الوجيه
وجهك اجمل وجه شفته على وجه الحياه

التوى طوق الذهب في نحرك وقلت فيه
واهني طوق الذهب لا التوى بطوق النجاه

[لأجلك يا أبي @qurann992]

اللهم في يوم الجمعة
أرحم أبي وبلِّغه مراتب الصالحين وأجعل مقامه المقام الكريم وأجعله من ورثة جنة النعيم وهب لهُ من جودك مالا يُحصى ومن غُفرانك عفوًا لا يفنى

[ٓ @3i3_2]

لك الغلا الي ما خذوه القريبين
لو ما عرفْه إلّا الكتاب المسطّر

تعال لو راحوا حبايب وغالين
لو تستضيق نْفوس وتْشين خطّر

وضم الضلوع الي تشيلك من سنين
وداعب بكفّيك الجديل المعطّر

وإن غبت عن عيني وعد والوعد دين
بعيش وقلبي للمجيّ يْتنطّر .

[ٓ @3i3_2]

اللهم لك الحمد ولك الشكر
أطعمتني وسقيتني وآويتني ورزقتني وسترتني وأمهلتني ورحمتني لا أحصي ثناءً عليك

[ٓ @3i3_2]

ما بارت أهدافي لو إن الزمن بار
العزم مثل البحر مـالـه نـهـايه

ذقت الخساير والعزاير والأمرار
وسقت العمر كله على شان غايه

مايصنع التاريخ من هاب الأخطار
ولا رقا في قمة المـجد .. تايـه

ولا يعلم الأنسان عن بعض الاقدار
يـمكن بعد خـط النهـاية بـدايـه ..

[ٓ @3i3_2]

على كثر ما غنى المغني على ليلاه
معايير راحة خاطري ماهي بواجد

ابي فرحة اللي رده الله على مرباه
وابي راحة اللي هل دمعه وهو ساجد

[ٓ @3i3_2]

مع هدوء الفجر اللهم صبراً لا ينفَذ،
وقلباً لا يضعف، وجَبرًا يُحيِي قلوبنا 🤍

[ٓ @3i3_2]

عيدكم مبارك ❤️❤️.

[ٓ @3i3_2]

ياقبلة ايام عمري واجمل سنيني
سعادتي في عيونك لاتصاغرها

تراك تقدر تضحكني وتبكيني
لو دمعتي ماتحدر وانت خابرها

تدري ليا من ذكرتك وش يجي فيني ؟
اعيش حاله غريبة ماتصورها

اضحك واسولف بحبك بيني وبيني
وافتح رسايلك واقراها واكررها

محبة عن جميع الخلق تكفيني
ياجعل ربيّ علينا مايغيرها ..

[ٓ @3i3_2]

في غيبتك ماغيّب الموت ذكراك
رحلت لكن مارحل طيب صيتك

مرحوم يا اللي تكسب الطيب يمناك
مرحوم يا باني على العز بيتك .

[ٓ @3i3_2]

مرحوم ياللي كل ماجيت برثيه
عجزت اعبر بالحكي والكتابه

اللي خذاه الموت ماني بناسيه
وعقبه تجرعت الحزن والكأبه

الفقد موجع والقدر راضيّن فيه
والدمع يذرف مثل وبل السحابه

يالله ياللي نلتجي به وندعيه
تغفر ذنوبه ثم تسقي ترابه

[ٓ @3i3_2]

أشتقت لـ ابي ولـ روح أبي وصوت أبي يارب ان شوقي له يؤلمني اللهم ارحم من عجز عقلي عن استيعاب فراقه ويؤلمني قلبي عند ترديد دعاء الميت له رحم الله ضحكة لا أنساها وحديثًا إشتقت لسماعه
ربي إرحم وأغفر لأبي حبيبي🤍