*

﴿ توفّني مُسلِماً وألحِقني بالصّالحِين ﴾

[* @3ili61]

كل ماحسيتو ان صبركم نفذ وانكم مو بخير كرروا هذا الدعاء "اللهم اخرجني من حولي وقوتي الى حولك وقوتك ومن عزمي الى عزمك ومن انكساري الى عزتك ومن ضيق اختياري الى سعة ارادتك"❤️❤️❤️❤️❤️❤️❤️❤️

[* @3ili61]

الله يعين المشاعر والله يعينك
ماعاد عندي مشاعر تكسب إعجابك

ماهوب موجعني اني طحت من عينك
موجعني اني قدرت أعيش فـ غيابك .

[* @3ili61]

نفس تراودني على الصلح واللين
ونفس تحرص على القسا والقطاعه

واحلى اختياري واحده بين أمرين
اما هجر ولا مجامل شفاعه

[* @3ili61]

فيك من لطف الفقير و فيك من طبع الاماره
يالهنوف اللي يعزز زينها .. قوة نسبها

الجمال اللي جمع بين البداوه والحضاره
صبّه الله والله اللي في مفاتنها وهبها

العيون تشن غاره , والرموش تشن غاره
وإن تفاديت العيون الموت من طعنة هدبها.

[* @3ili61]

أنا لولاي أحبك مابذلت لضحكتك مجهود
ولا غنيت فـ بيوت القصيد و بيتك أثمنها

[* @3ili61]

تدري إني من خيّـار الناس ومن الـندّر
وتدري إنـك لو تدورني ما عـاد تلقاني

[* @3ili61]

يوم انغرز ظفر الطير في راحة اليد،
عرفت إن بعض القرب ما هو مودة

[* @3ili61]

ما جرح قلبي ولا هزّ الفراق إحساسي
ذكرياتي معك أنا نادم على مُجمَلها

لا تعاتبني ليّا من صرت مثلك قاسي
غيرتني مجريات الوقت و إنت أوّلها

[* @3ili61]

عسى الله يتمم عليك ويهنيك
وتعيش من زود الهنا عمر ثاني

وعساها تطمع في رضاك وتراعيك
ومن طيبها تاخذ غلاي ومكاني

ياليتها عن ضيق صدرك تسّليك
وتعوضك عن ما مضى في زماني

تدمع لك عيون تعزك وتغليك
ولي قلب يدعي لك ولا هو بأناني

من شفت زولك والقرايب حواليك
فرحت كنك واحد مـن اخواني

[* @3ili61]

كل ما حدّتني الدنيا على الجو المعكر
وامتلى صدري من أنواع التوتر والكآبة

وصد عني كل من صد وتنكر من تنكر
شمت للي كل ما اذنبت اتروّع من عذابه

اتأمل في عجايب رحمـة الله واتفكر
واحقر بيبان كل البشر واقف عند بابه .

[* @3ili61]

تسامحت مع نفسي وهوّن علي دعاي
خصوصاً دعاي الي دعيته وأنا ساجد

غمرني شعور من الرضـا للزمان الجـاي
و لا صار عندي خوف من عضة الناجد

اثر من عطاه الله نزاهة ضمير و رأي
يغيب الغيـاب اللي يخليه متواجد

لاتشره علي يوم أبتسم في وجيه عداي
" محبيّني " أكثـر من معاديني بـ واجد

[* @3ili61]

ليتني ماعرفتك وابتليت بهواك
بس ما عاد ينفع ليتك و ليتني

غلطتي في حياتي يوم ابين غلاك
وغلطتك في حياتك يوم خليتني

كان قلبي ما يبي احدٍ سواك
ضيعت قلبي وفوقها ضيعتني

تعمقت فيك واثر عمقك هلاك
بحر وانت في بحر هجرك غرقتني

[* @3ili61]

اللي تبينه على خشمي و جعله فداك
و الطعنة اللي تجيني من يدك جايزة

إن كان هذا تغلّي ؟ ما يغرّك غلاك
و إن كان هذا تحدي فـ أنتي الفايزة

[* @3ili61]

كثر ما أجهل مصيري في عيونك والزمن سرّاق
يطمنّي على الحب إنك أكثر من عرفني زين

[* @3ili61]

عسىّ ظلما مشاوير المواصل، والشعور الجاف
فدى وجه ٍماغطى نوره! إلا شعرك المبتلّ

يا منسوع الجديل الجرح لا يسمع ولا ينشاف
إذا في خاطرك تجرحني أجرحني! تراك بـ حلّ

[* @3ili61]

سُلاف الروح مربكني غيابك وابتديت اخاف
على صفحات شوقي جيت لك سيراً على حرفي

نطرتك والسنين تمّر وسنين الحنين عجاف
ياليتك كنت مسقيني " احبك " قبل ما تقفي

حبيبي ما بعد صدرك ملاذ وضحكتك ميلاف
جعل درب اشتياقي ما يوّردني على حتفي

[* @3ili61]

" ترانا على خبرك ولو دارت الايام
تتغير تواريخ السنه ما تغيرنا "

[* @3ili61]

يقولون متغير وانا ما تغيرت
من جيت للدنيا و هذا مسيري

من عادتي لا ضقت ولا تحيرت
اصد واكفي الناس شري وخيري

[* @3ili61]

مابين الصعب ، وبين الخوف ، والتجريب
أحاول ما اميل بيوم ولا تتشرد افكاري

امرّ بمرحلة صح او خطأ ، او صدق او تكذيب
كأني تايه في شيء ولاني عارف اقداري

انا يارب ما ادري وش اللي ينكتب بـ الغيب
ولكن رحمتك اكبر من اللي فيه انا داري

[* @3ili61]

تراني عايش في غيبتك بين الامل و الياس
اعلق فيك أمور ما تعلق غير بالغالي

لي اكثر من سنه ما جبت لي بيتٍ حديث الناس
وصادقتك وصادفت القصيد اللي على بالي !

[* @3ili61]

أسولف عليه من المحبة بدون إدراك
وانا الناس ماتسمع سوى طق مسباحي