SA.

[SA. @3jliw]

مريت من هنا؟.
- استغفر الله لعلها تشفع لي ولك🖤.

[SA. @3jliw]

« من دون دار السّعد والعز والطاله
نسوق الأرواح — و الراية سعودية »
#اليوم_الوطني_السعودي_٩٦

[SA. @3jliw]

مدغم بو شيبه يجسّد حالة حومة الكبد من
الخلق و رغبة الإنعزال اللي تداهمك فجأة :

ودّي إني في المجره وأسولف للنجوم
« لا أتكلم مع أهل الأرض ولا أسمع كلام »

[SA. @3jliw]

يغريني النضج والأدب الرزين والغنى اللغوي

وقيل على سياق ذلك/
" يطيب لي حكي الفهيم المستوي
ذربٍ ليا سولف جاه عقلي واندمج "

[SA. @3jliw]

﴿ رَبِّ اجْعَلْ هَٰذَا الْبَلَدَ آمِنًا ﴾
اللهم من أراد بلادنا بسوء فأشغله بنفسه
واجعل تدبيره تدميرًا عليه.

[SA. @3jliw]

العقل ماهوب دايم صحيح الأتجاه
الدروب أحيان ودّك تخالف سيرهـا.

[SA. @3jliw]

يا أبو وجهٍ على شانه يدق من الغلا ما جل
ترى لولاك ما سقت القصايد في متاهاته

فداك العمر وأحداث الزمن والمشكلة والحل
وقلبٍ ما يعرف من الغزال — إلا تلفاته

أنا من شاف وجهك يا حبيبي في وجيه الكل
وفزّت روحه لضحكة عيونك قبل خطواتـه.

[SA. @3jliw]

ويدري إن مابه أحدٍ بعده — ولحدٍ دون

[SA. @3jliw]

كل ما أستغفرت ربي و قررت أتوب
قامت أنسام الهبَايب .. عليك تردّني !
— راشد ال صبيح

« الهبوب تجيب — طاريك من كل اتجاه
ولاقدرت ارسل سلامي على متن الهبوب »
— علي ال صبيح

[SA. @3jliw]

ليت هجرك ذنب ولا مواصيلك حلال
وليت عذال الغلا ماتمد احلوقها

احرقتني شمس هجرك ولا حولي ظلال
واطيً رمضى المفارق وشمسك فوقها

لانتحت شمس العصر واجفنت والفي مال
تبتــليني غيبة الشـمس لين شـروقهـا

اختلط بالناس والبال عنهم في انعزال
" تايــهٍ في سكـة الذاكــره وطروقها "

[SA. @3jliw]

" العمَـر ما ينتظر المتردّد ".

[SA. @3jliw]

وأتحرّاك — لو مالك وعود ومواري »

[SA. @3jliw]

العمـر كله مطالب وأمنيات
لاكن ! والله إنك اكبر واعز مطالب الحيـاه.

[SA. @3jliw]

حرية الفكر هي أبسط حقوق الحياة
والعاقل اللي يعرف حدود حريته

من سكر أبواب قلبه ، لا تفتش وراه
من حقه يعيش بالدنيا خصوصيته.

[SA. @3jliw]

" انتصفت الدرب .. لين الدرب وقفني هنيّا
احسب اني كنت ادل ومدري اني كنت غــادي"

[SA. @3jliw]

يعيش الغلا بـ اسباب ولا بدون اسباب
لو اقدر اتوب من الغلا ، ماهو بـ تايب

تقول . . الحنين اسبابه الفقد والغياب ؟
انا احن لك موجود واحن لك غايب ".

[SA. @3jliw]

مكرم ٍحبك وله فـ الحشا سمن وسمين
يقدع من الحـال وصّب له . . بنّ الوريـد

[SA. @3jliw]

« عـاد قلبك وأعرَّفه و أجهل مشاويري و غلِّي
لو قدرت أجوّده ؟ وش لون أبي أملِّ إرّتجافه ؟

الهوَى دربه طويل وحرَّ شمسّك جايزٍ لي
كل ما أزداد الشعور تقلَّ لـ رضاك المسافة

لا تحاول يا بعد كل الأحبّــة خاطر إللي
ما تلدَّد في ديـارك غيرّ من كثر الحسَافة »

[SA. @3jliw]

وين أودّي غيمة الاحلام من شمس الحقيقه
و أنت موجٍ لا تلاطم شفت به جزري ومدي

ضحكةٍ لاحت على وجهك نسايمها رقيقه
تعترض لي في صباحات الهوى وأقول ودي

كل دربٍ ما خطت رجلك على مفرق طريقه
ما يعدّ من الدروب ولا يجيب ولا يودّي".

[SA. @3jliw]

" وأنـا أدري إني معـاك أحس بالألفه
ولكنّي أهاب القرب
أخـاف أمشي طريقٍ أضيـع في نصّه ".

[SA. @3jliw]

" غَلاك أكبر من الواقـع من الشّـرح ومن التعبير
ليا شفت المشاعـر ما توصف قدرك أعذرهـا ".