َ

" احياناً مشاعر واحياناً فراغ "

[َ @3jmi2v]

الجنة منازل المُستغفرين أستغفروا
- استغفرالله العظيم واتوب اليه ❤️

[َ @3jmi2v]

اكابر واجامل وانطح الضيق بالسجه
ونا في ضلوعي من قسا الوقت ماريه

[َ @3jmi2v]

لا تزعلني وتحكم علي إني زعول
وانت تدري مستحيل ازعل إلا من بلا

والعذر في بعض الاحيان مايلقى قبول
في وسع صدرٍ تحمل زعل لين امتلى

مشكلة غلطتك ماتقبل انصاف الحلول
والمصيبة.. لك معزه وتقدير وغلا

[َ @3jmi2v]

"عفى الله عن جوفٍ به الحزن ماينشاف
يكن الضيق في صدره ولا جاب له طاري"

[َ @3jmi2v]

اجروحي الي فالحشا تعطي دليل اني شجاع
ما كنّها الا جروح فارس ظاهرً من معركه .

[َ @3jmi2v]

عطيتك محبّه صادقه مابها تشويه
وجعلتك بقلبي منفرد فيه وحداني

وغيرك بغاني بالمحبّه وأنا مابيه
دام أنت عندي ويش أبي بواحدٍ ثاني

تراني ليا شفتك أسج الفكر وأشقيه
وأشوف القمر وأقول عندي قمر ثاني

غلاتك بقلبي شي يطغى على التّشبيه
كيف أوصفك والوصف يعجز به لساني .

[َ @3jmi2v]

بعض الظروف اللي تمّر الرياجيل
والله !! ماتفرق عن الموت واجد

[َ @3jmi2v]

نضحك ولو بصدورنا همّ و أوجاع
ونعيش عادي كنّنا ما انوجعنا .

[َ @3jmi2v]

لك العذر في غيبتك ولطيفك التقدير
متى ما سهيت و بان لي وجهك البدري

سرحت بخيالي فيك و اسهبت بالتفكير
وطلعت كل اللي مخبى ورى صدري

[َ @3jmi2v]

لكن الوضع هو هو ماتغير و الزمان يشين
و حبك كل يوم يزيد في العين الشقاويّه

[َ @3jmi2v]

أجتمعت الكرامة والحبّ في قلب -بن جدلان-
الله يرحمه وقال :

مادام ان جنابك شام عني وانت شمّت
كثر خيرك وانا مانيب لا جايع ولا ضاميّ

اشوف انه علي واجب لامريتك وسلمّت
مرور اكرام تربطه الكرامه عند الاكرامي*

[َ @3jmi2v]

فرقا عزاز ولا مهانة مواصيل
وغيبة حشيم ولا ملاقا مهونه

نجي رجاجيل ونقفي رجاجيل
حنّا كذا وانتم على اللي تبونه

[َ @3jmi2v]

تعرف مَحلك مثل ما اعرف محلِي
ان كانها في وصل والا قطاعه

مَعادنيي المهتم و المزعج اللي
يشتاق لك اربع و عشرين ساعه .

[َ @3jmi2v]

لك ثلاث شهور وأسلوبك على البعد يتفرع
تحسب الفرقا عبث جهال ، ولا شي عادي

والله أني قابض روحي وخايف لا اتسرع
اعرف الفرقا وأعرف أني بهيم بكل وادي

أغتنمني عادني مقبل وقلبي لك مشرّع
آيني لا أقفيت ما عاد اتلفت للمنادي

- صالح آل مانعه

[َ @3jmi2v]

تمرّ السنين وكل حاجة على المعتاد
هذا دربك أدلّه .. وذا بيتك أدلّه

توّقف ملذات العمر مابين شرب و زاد
ولا الذّ من صوتك إلا جا على حلّه

جعل كل يومٍ مضى لي معاك .. يعاد
أنا ما يكفّيني معك ما مضى كلّه .

[َ @3jmi2v]

صبرن صبرته في غرامك من سنين
يثبت لك ان العشق ﻣﺎهو تسلي

[َ @3jmi2v]

قال انت وشفيك لا حاضر ولا غايب ؟
قلت المقادير لا منها ولا عنها

لا تمتحني وانا من الفضفضه تايب
وغاسل يدي من كفوف الناس والسنها

من قلبي الورع ، حتى عقلي الشايب
عفت الاحاسيس ظاهرها وباطنها

اللي رحل وش خذا ؟ والجاي وش جايب ؟
والله مدري .. لكن الله يزينها

- حمود ابو عوينه

[َ @3jmi2v]

انا واحدٍ يضحك حجاجه وصدره غلْق
يبي ضحكته وظروف الأيام مانعته

تحدّه على جور الليالي وبعض الخلق
وهو يدري إن الناس ماهيب نافعته

تدور الليالي بين ضيقه ، وعبرة حلق
وانا الطيب اللي دورة الوقت موجعته

أجامل وانا دمّي حياوي ووجهي طلق
وصبري بـ صدري لا شريته ولا بعته .

[َ @3jmi2v]

من ظلمة الليلة ابي وجهك سراج
محتاج له نورً ينور حياتي

اخذيني من التيه .. واصوات الازعاج
محتاج لي قلبٍ يجمع شتاتي .

[َ @3jmi2v]

من وقاري يحسبون إني بليد و ما أتشرّه
وإلا أنا مبدا التغاضي والتعامي من وقاري

__عمر الودعاني

[َ @3jmi2v]

اتجنب عن الصجة ادور لعمري الراحه
وجلست اقلب ما صار لي من الذكريات

مابي الحزن لكن انه ماخذ بصدري مساحه
ابعد عن الناس لا دريت ان ضيقتي جات

انا اللي انقال عنه شجاع وقصيده سلاحه
وانا اللي انقال عنه حي و يحتري الممات