ًً

[ًً @3lajm]

صباح الخير ☕️:)

[ًً @3lajm]

اضرب طريق الخير واسلك مسيره
ولا تلتفت للناس عوجاه واقداه

ولو طال عمرك عارف وش مصيره
ازبن ولي العرش واتعب على رضاه

وأد الفروض الاوله والاخيرة
واضف لهن مخافة اللّٰه ورجواه

[ًً @3lajm]

أوهم طموحك بان الايام بتزين
وأصنع قرار وحاول أنك اتمه

ماأقول خذ سيفك وحرر فلسطين
حاول تسويلك من المجد قمه :)

[ًً @3lajm]

ياللي تبي الطيب ومعانق الطيب
ثلاث سجلها وطبق سندها

كرامة الجيران ونطح المواجيب
ويمناك للمحتاج ابذل جهدها ؛)

[ًً @3lajm]

يجي من ظهور اللي لهم طاله ونوماس
ضعيف يفرط في شرف مجدهم كله

ياطيب السكوت إن صار مال السوالف راس
وياحلو الكلام الصايب اللي على حلّه

يا شين الجميل الا دروا به جميع الناس
ويا زين الجميل اللي ما يدري به الا اللّه :)

[ًً @3lajm]

لا شك ما جاء من وليفي هلا به
لو هو عذاب من هوى البال! راضيه

لو يسرف الغالي لذيذ عذابه
السيل يرثع بالوطى قبل يحييه :)

[ًً @3lajm]

دام زينش فوق زين البشر ماهو بدون
شوفي أجمل طاغيات الجمال بنص عين :)

[ًً @3lajm]

مرحبا

[ًً @3lajm]

البارحه والقاع ما هو بحدري
عاملني الوقت الخبيث بخباثه

الضيق وسّع بيته في وسط صدري
غيّر مداخيله وجدّد أثاثه

إن جيت بشكي للبشر ضاع قدري
وأنا كبير وكبريائي وراثه

الأرض كانت كم في كم مدري
لكنها صارت اثنين في ثلاثه :)

[ًً @3lajm]

الخوف مايلحق اللي خاف من ربه
تلقاه بين الاوادم رافع الهامه

ولا فيه شي يصير الاوله سبه
والذيب عين خلاف وعين قدامه

كم واحد من رصاص القوم متنبه
ولاصابه الا الرصاص اللي من حزامه ؛)

[ًً @3lajm]

ترا من يغرّك مظهره ينكشف خافيه
سراب ضحاضيحه على البعد كذا به

يجي عند ظنّك واحدٍ ماهقيته فيه
ويخيب الرجا ف اللي منوّل تهقوابه :(

[ًً @3lajm]

صبحكم الله بالخير ☕️:(

[ًً @3lajm]

من غير ليه استسلمي واستلهمي صبرٍ جميل
ولا تنشديني وش حصل مالك بطول السالفه

قولي لهم يا عزوتي ما عابنا موت النخيل
اللي يوافيها الأجل وتموت .. لكن واقفه :)

[ًً @3lajm]

غيابك حضور له ب صدر البيوت شهود
وش الي يغيّب ضحكتك والغلا ثابت

أحنّك مثل ما أحن وجهي مِن المنقود
وأعدك ليا عديت .. الأيام وش جابت :)

[ًً @3lajm]

ترا الصداقه والمحبه والإعجاب
ماهي ب توخذ غصب للي يبيها

إن كنت مقبول ومعك طيب وأداب
تاخذ قلوب أهل آلوفا من يديها :)

[ًً @3lajm]

يا عذاب اللي هقاويّه وأحلامه كبار
ويحسب الدنيا تراعي شعور الطيبين

مايبي العالم يشوفون فيه .. الإنكسار
مبتسم والإبتسامات من طبع الحزين

[ًً @3lajm]

البال مزحوم والافكار مزحومه
قامت تداحم ما عاد القى لها راعي

لو فيه احد يشتري قلب مع همومه
نوزع قلوبنا جملة وقطّاعي

قدامك السوق واللي يعجبك سومه
حنا مسوين تخفيضات ونراعي :)

[ًً @3lajm]

الناس تفنى والمباني والاملاك
والقول يبقى والخبر للتوالي

الشعر معنى حكمته بعد الادراك
وما كل يلمع على النور غالي

والشعر صور شاعر فيه تلقاك
اما لبس لك جوخ ولا سمالي :)

[ًً @3lajm]

تمرّني عذبات الايام وتطوف
من عرض فايتة الصدف والمواعيد

بيني وبين مجاذب احلامي حتوف
وبيني وبين خطاي في دربها قيد

ولا العمر حفنة مقادير وشفوف
على مدى شوفي مثل جافل الصيد